1 Pɛ́tɛɛ 2:8 - Ɔngana á Kɛ̌kɛ

⁸ Ɓáɗundu phɔtɔ ɔma nɛngbo gea: «Ɛtɛ ndɔ ande ɛtɛ á ɓɛtɛkisa. Ande ekǒngo á gusisa.» Ɓakpa ndɔ ɗáɓáɓɛtɛkani ka nyɔngɔ nde, ɗáɓáyé ɔ́ka á nyɔngɔ ndea Mokonga, na moangɔ ndɔ tɔ unge Mokonga ɗábisi ka phɔa ɓɔ.

1 Pɛ́tɛɛ 2:8 Iomraidhean Croise

Lóka 2:34

Mpɔ, Simɛɔ́ni áobisa njaga gǔ aɓɔ, áongoɗea amakɛ Malía ɓe: «Eya, miki nde abiki gea, Ɓaisilaɛ́li ɓásii ɓáguande, ɓuangbo ɓâ gǎkɛ ǒmesia ka nyɔngɔ akɛ. Aɓande gǎkɛ mphangiɔ nde ɓakpa ɓáyande.

Ɓalɔ́ma 9:22

Cɔ, Mokonga ɗákondi ɔnisa esúia na ɓukpɛkpɛ nɛkɛ. Ɗá gǎkɛ na měma á phiphia phɛɛ ka ɓakpa nde ɗákeni áɛ́ɓɛ̌ɛ na tena á nyɔngɔ nɛɓɔ akpɛ.

1 Ɓakɔlítɔ 1:23

Cɔ, ɓesu gǎkɛ, ɓɛɔphɛa nyɔngɔ á Kiísito ímbé ɗáɓánkɔkɛigi ka moyangɔ. Ka Ɓayúda, ande ephiphi ájeɗe. Ka ɓunde ɓáná Ɓayúda ande kobóbó.

2 Ɓakɔlítɔ 2:16

Ka ɓunde ɓáɓúngigi, nkoki ndɔ ande su á kukuwa nde aokusisa. Â gǎkɛ phɔtɔ oɓá su á enda nde aoendisa. Cɔ, ani mmbé aɔtɔka ekuma ɓ'índe?

Ɓagalatía 5:11

Ɓaya, k'éme gǎkɛ, aoɓá n'ande ɗoni gea, nɛɔtɔmiaga kantíti á nyɔngɔ á ganja, ámbé ɓátómotambisagande ye goto ka nyɔngɔ éke? Atúoɓá n'a ɓó ámbé tɔ̌miaga á nyɔngɔ á kukuwa á Yéso ka moyangɔ, kátóɓɛku ye nyɔngɔ á kangea ɓakpa.

1 Ɓatɛsalɔníka 5:9

Nga, Mokonga ɗákásɔɔphani gea, esúia nɛkɛ ásóguiɛ. Ɗásɔɔphani ndiu gea, ɓéɓɛ na ɓoamia á ka měma, ka nyɔngɔ ékuma ndea Mɔkɔta nɛsu Yéso Kiísito.

1 Pɛ́tɛɛ 2:6

Ka nyɔngɔ nde Ɓuku á Mokonga ayɔngi ɓe: «Ɗɛ́sɔmbu ɛtɛ á kantíti phɛɛ, nnde nebisande suɓi á Sayúni ɓea ɛtɛ nde aosúkia mɔphɛkɔ. Mmbé aomɓeekea, kákuwɛeka tanda na soni.»

1 Pɛ́tɛɛ 2:7

Cɔ, ka ɓenu íɓunde ɓoɓeeki, ɛtɛ ndɔ ana kantíti phɛɛ. Ka ɓunde gǎkɛ ɓákáɓeeki: «Ɛtɛ nde ɓaphɛki ɗáɓáyé, aunge ande ngeɔ á mɔphɛkɔ.»

2 Pɛ́tɛɛ 2:3

Ka nyɔngɔ á mɔphɛ ájeɗe á tɔá á imɔna, ɓagoisigi á mbɛa ndɔ ɓátɔande ka imɔna á ka njaga anu ka demaga anu. Ka ɓɔ, ɗáɓáteni ye gǎkɛ nyɔngɔ nɛɓɔ kala, n'otúkɔtukɔ nɛɓɔ káiphiɛku.

Yúda 1:4

Nenóɗundui ɓo nga, ɓakpa ɓájɛɗe ɓángí ka nkíndí anu ka ɓɔsɔmɛa. Ɓáoketia ka ɓojeɗe ɓonjánja-ékondi ndea Mokonga, ka gea ɓágbukumiɛ nyɔngɔ á iɛɓɛ nɛɓɔ. Ɓɔ, ɓáon'yá ngoisigi ndeasu mmbé a tɔ moci n'ande Mɔkɔta ndeasu Yéso Kiísito. Cɔ, Ɓuku á Mokonga ɗáyɔngi nyɔngɔ á tena nyɔngɔ ndeabɔ kala.