1 Pɛ́tɛɛ 2:7 - Ɔngana á Kɛ̌kɛ

⁷ Cɔ, ka ɓenu íɓunde ɓoɓeeki, ɛtɛ ndɔ ana kantíti phɛɛ. Ka ɓunde gǎkɛ ɓákáɓeeki: «Ɛtɛ nde ɓaphɛki ɗáɓáyé, aunge ande ngeɔ á mɔphɛkɔ.»

1 Pɛ́tɛɛ 2:7 Iomraidhean Croise

Matáyɔ 21:42

Mpɔ Yéso áǒgea te: «Ɓókótangimbɛ mɔnɔ suɓi á Ɓuku á Mokonga? ‹Ɛtɛ nde ɓaphɛki ɗáɓámaki, aunge a ye tɔ na kantíti. Nndɔ atóki mɔtɛ á Mɔkɔta, n'ande ketangaɔ ka ɓesu!›

Lóka 2:32

ande gea owanga ka phangia á ɓato á ka mokonda ɓɔbu, n'ande phɔtɔ ɓoombia ka ɓato á ekuna nɛkɔ, Ɓaisilaɛ́li.»

Lóka 2:34

Mpɔ, Simɛɔ́ni áobisa njaga gǔ aɓɔ, áongoɗea amakɛ Malía ɓe: «Eya, miki nde abiki gea, Ɓaisilaɛ́li ɓásii ɓáguande, ɓuangbo ɓâ gǎkɛ ǒmesia ka nyɔngɔ akɛ. Aɓande gǎkɛ mphangiɔ nde ɓakpa ɓáyande.

Lóka 20:17

Mpɔ Yéso áɔ̌ɔnjia, jaa! Áǒngoɗea gea: «Ɓáɗundu suɓi á Ɓuku á Mokonga ɓe: ‹Etae nde ɓaphɛki ɗáɓáyé, aunge a ye tɔ etae á kantíti ka mɔphɛkɔ›. Cɔ, kanisia nde á suɓi á nyɔngɔ ndɔ a ɓo?

Yoáni 4:42

Ɓaɓêki ndɔ ɓáongoɗea nke ndɔ te: «Ɓékéɓeeki tɔ ka nyɔngɔ índe ɔsɔ́tɔ̌mi. A ndiu ka nyɔngɔ nde ɓɛɔ́ki nɛsu sisasu na ɓeoúba gea, mmbé ande Namisi á ɓato á ka mokonda ɗoni.»

Ekuma á ɓateki 26:19

«Moamɛ Agiípa, ka nyɔngɔ índɔ unge kɛ́ɓɛnjigi mphaniɔ nde ɗátóki na koba.

Ɓalɔ́ma 10:21

Mokonga áɔyɔnga ka phɔa á Ɓaisilaɛ́li gea: «Ɗéonanoa njaga ani esa bui ka ɓakpa nde ɓákáɔmɔɔ́ka, na ɓunde ɓáomoyá.»

Ɓalɔ́ma 15:31

Ɛmɛmi ndɔ ande ka gea ɓunde ɓákámɓeeki Yéso ka Yudɛ́a ɓákámogeɛmbɛ ájeɗe na nnde nebiki ně ka enga ɓɔ ka Yɛusalɛ́ma, ɓato á kanga ɓojeɗe ɓáɓeekeɛ ú.

2 Ɓakɔlítɔ 2:16

Ka ɓunde ɓáɓúngigi, nkoki ndɔ ande su á kukuwa nde aokusisa. Â gǎkɛ phɔtɔ oɓá su á enda nde aoendisa. Cɔ, ani mmbé aɔtɔka ekuma ɓ'índe?

Ɓakɔlɔsái 2:10

Ɓî ɓɔɔngani na yɛ, ɓɔtɔi ebigɔ nɛkɛ bui. Yɛ, a gǔ á kɔkɔta bui na ɓukpɛkpɛ bui.

Títɔ 3:3

Nga mosá, ɓesu phɔtɔ ɗéɓékétú oúba kema, ɗéɓékétú ɔmɔ́ka Mokonga, ɗéɓéoɓúngaga, ɗéɓétú ɓakɔɓɛ á mɔphɛ ájeɗe na kema ɗanga-ɗanga. Tambea asu ɗátú ájeɗe, ɓéoɓá ɓato á nsengo. Ɗáɓásókangei, ɓéokangeana phɔtɔ ngǔngu asu.

Ɓaɛbulanía 11:31

Ka nyɔngɔ á ɓeekea, Laába nke á iɛɓɛ ɗákáku kimoci na ɓaɓiɓia ndea Mokonga nga, ɗéěsesi ánjá ɓasɔni-emani.

Ɓaɛbulanía 4:11

Ka nyɔngɔ índɔ unge, ambe ɓégeɛ ɓukpɛkpɛ asu bui ka ngia ka muúmbiɔ ndɔɔ. Ka ɓesu moci kagúɛmbɛ ɓea ɓunde á mosá nga, ɗáɓátú na měma akpɛ.

1 Pɛ́tɛɛ 1:8

Cɔ, ɓonkondi Yéso, nanga ɗɔ́ɓɔ́kɔ́mɔni ka yɛ. Ɓomɓeeki, nanga kɛ̌kɛnde ɓɔ́kɔ́ɔmɔna. Kaɓondɔ unge ɓotúmi na maseye ángbó phɛɛ, nnde nkpa nnaɔtɔka n'atɔ̌mi ú.

1 Pɛ́tɛɛ 2:4

Mbîmisiani Mɔkɔta. Yɛ ande ɛtɛ nde ana enda. Ɛtɛ nde ɓakpa ɗáɓáyé, a ndiu unge Mokonga ɗásɔmbu n'ana kantíti phɛɛ mosá akɛ.

1 Pɛ́tɛɛ 2:8

Ɓáɗundu phɔtɔ ɔma nɛngbo gea: «Ɛtɛ ndɔ ande ɛtɛ á ɓɛtɛkisa. Ande ekǒngo á gusisa.» Ɓakpa ndɔ ɗáɓáɓɛtɛkani ka nyɔngɔ nde, ɗáɓáyé ɔ́ka á nyɔngɔ ndea Mokonga, na moangɔ ndɔ tɔ unge Mokonga ɗábisi ka phɔa ɓɔ.