1 Pɛ́tɛɛ 2:6 - Ɔngana á Kɛ̌kɛ

⁶ Ka nyɔngɔ nde Ɓuku á Mokonga ayɔngi ɓe: «Ɗɛ́sɔmbu ɛtɛ á kantíti phɛɛ, nnde nebisande suɓi á Sayúni ɓea ɛtɛ nde aosúkia mɔphɛkɔ. Mmbé aomɓeekea, kákuwɛeka tanda na soni.»

1 Pɛ́tɛɛ 2:6 Iomraidhean Croise

Matáyɔ 12:18

«Mokonga ayɔngi: mɔnani mbɛɗanigi nɛmɔ, mmbé ɗɛ́nsɔmbu, néonkonda phɛɛ, nena maseye ka yɛ. Nebisande Měma ani ka yɛ, aɛ́tɔ̌miande ɓato á k'ékuna bui koɗomi nɛmɔ.

Málikɔ 12:10

Ande gea te, ɓókótangimbɛ mɔnɔ suɓi á Ɓuku á Mokonga nyɔngɔ nde ɓáɗundu gea: «Etae nde ɓaphɛki ɗáɓáyé ka mɔphɛkɔ, aunge a ye tɔ etae á kantíti ka mɔphɛkɔ.

Lóka 20:17

Mpɔ Yéso áɔ̌ɔnjia, jaa! Áǒngoɗea gea: «Ɓáɗundu suɓi á Ɓuku á Mokonga ɓe: ‹Etae nde ɓaphɛki ɗáɓáyé, aunge a ye tɔ etae á kantíti ka mɔphɛkɔ›. Cɔ, kanisia nde á suɓi á nyɔngɔ ndɔ a ɓo?

Lóka 23:35

Ɓakpa ɓáoika wa ka ɛnjia akɛ, ɓakɔta ɗáɓáɔntɛbɛa na yɔnga te: «Cɔ, ɓî yɛ atoéamisi ɓakpa ɓuangbo, ambe éamisɛ pɛ yɛ sisakɛ, kaɓɛ n'ande Masíya mmbé Mokonga ɗánsɔmbu!»

Yoáni 7:38

Mmbé amoɓeeki, iɓo á endisa ayokande ka měma akɛ, ɓíndɔ Ɓuku á Mokonga ayɔngi.»

Ekuma á ɓateki 1:16

«Ɓaya, atókeni nyɔngɔ nde Měma á kanga ɓojeɗe ɗáyɔngi suɓi á Ɓuku á Mokonga átɔtɔkɛanɛ. Měma ndɔ ɗáyɔngi phɔ́ mosá suɓi á moamɛ Daúdi ka phɔa Yúda. Yúda ɗátú nsɔndɔi ndea ɓakpa ndɔ ɗáɓándungi Yéso.

Ɓalɔ́ma 10:11

Kaɓondɔ, Ɓuku á Mokonga agi: «Nkpa buakɛ mmbé amɓeeki, kákuwɛku na soni.»

Ɓaɛphɛ́sɔ 1:4

Mokonga ɗásɔsɔmbu mosá á conjá á mokonda ka gea, ɓéɓɛ ɓakpa nɛkɛ ka ɔngana asu na Kiísito ka gea, ɓéɓɛ ɓato á kanga ɓojeɗe na kángá kisɛki mosá akɛ.

Ɓaɛphɛ́sɔ 2:20

Ɓo ɓea mɔphɛkɔ nde ɓateki na ɓaɔtu-nyɔngɔ ndea Mokonga ɓácumi akpɛ. Kiísito sasakɛ ande ɓea ngeɔ á mɔphɛkɔ ndɔɔ.

2 Timɔtɛ́ɔ 3:16

Nyɔngɔ bui nnde ɓáɗundu suɓi á Ɓuku ndea Mokonga, ɓáɗundu ú na ɓukpɛkpɛ á Mokonga, n'akeni ka phangiaga, sɛka á ɓɔphɛi á mbɛa, ka kea, na úbisa á aphe á ɗoni,

1 Pɛ́tɛɛ 2:4

Mbîmisiani Mɔkɔta. Yɛ ande ɛtɛ nde ana enda. Ɛtɛ nde ɓakpa ɗáɓáyé, a ndiu unge Mokonga ɗásɔmbu n'ana kantíti phɛɛ mosá akɛ.

1 Pɛ́tɛɛ 2:8

Ɓáɗundu phɔtɔ ɔma nɛngbo gea: «Ɛtɛ ndɔ ande ɛtɛ á ɓɛtɛkisa. Ande ekǒngo á gusisa.» Ɓakpa ndɔ ɗáɓáɓɛtɛkani ka nyɔngɔ nde, ɗáɓáyé ɔ́ka á nyɔngɔ ndea Mokonga, na moangɔ ndɔ tɔ unge Mokonga ɗábisi ka phɔa ɓɔ.

2 Pɛ́tɛɛ 1:20

Úbani phɔ́ gea, nna na nkpa nde aɔtɔka n'ayɔngi base ka yɛ sasakɛ kantíti á nyɔngɔ nde ɓáɔtú suɓi á Ɓuku á Mokonga.

2 Pɛ́tɛɛ 3:16

Ɗáɗundu tɔ ɓó suɓi á ɓaoɓa nɛkɛ bubui ɔma nde ɗáyɔngi nyɔngɔ ndɔɔ. Suɓi á ɓaoɓa ndɔ, a gǎkɛ na ɔma ákpɛkpɛ ka engekisa í. Kaɓondɔ, ɓabóbó na ɓunde měma aɓɔ kámɔti, ɓáoketia kantíti á nyɔngɔ ndɔ, ɓíndɔ ɓáogea k'ɔ́ma nɛngbo suɓi á Ɓuku á Mokonga. Ka gea aɓɔ ɓó, ɓáǒtúkatúka sasaɓɔ.