1 Pɛ́tɛɛ 2:5 - Ɔngana á Kɛ̌kɛ

⁵ Ɓenu phɔtɔ, ɓonde ɓea ɓ'ɛtɛ nde ana enda, ambe Mokonga ánɔbɛɗaneɛgɛ ka mɔphɛkɔ éndu á Mokonga á ka měma. Kó unge ɓoɓande ekombo á ɓatoɓeigi-phɛ́a ɓunde ɓáná na ɓojeɗe. Ɓophúiande ɔphɛ́ɔ á ka měma nnde aɔmɓɔngɛa Mokonga k'aphe ndea Yéso Kiísito.

1 Pɛ́tɛɛ 2:5 Iomraidhean Croise

Ɓalɔ́ma 12:1

Ɓaya, ɓî Mokonga aɔnisi ɓonjánja nɛkɛ ka phɔasu, nenóɗengemisigi gea, ɓóbisɛ enda anu bui ka Mokonga ɓea ɔphɛ́ɔ ánjá, nnde aoenda na kángá ɓojeɗe. Nndɔ aɓande obebɔ nɛnu á ka měma ka yɛ.

Ɓalɔ́ma 15:16

ka ɓá mbɛɗanigi ndea Yéso Kiísito ka phɔa ɓakpa ɓunde ɓáná Ɓayúda. Nɛɔbɛɗanaga ekuma á ntoɓeigi-phɛ́a ka tɔ̌miaga Mbino-Ánjá ndea Mokonga ka gea, ɓunde ɓáná Ɓayúda ɓáɓɛ ɓea ɛkɔmi nde Měma á kanga ɓojeɗe asokosei.

1 Ɓakɔlítɔ 3:16

Cɔ, ɓókóoúba gea, ɓonde endu ndea Mokonga, na Měma á Mokonga a suɓi anu?

1 Ɓakɔlítɔ 3:9

Nga, ɓɛɔmbɛɗaneaga Mokonga kimoci. Na ɓenu, ɓonde ciko na mɔphɛkɔ ndea Mokonga.

1 Ɓakɔlítɔ 6:19

Ɓókó gǎkɛ oúba gea, nyama anu ande endu ndea Měma á kanga ɓojeɗe? Na Měma nde ɓoně Mokonga aámbé anophi? Ɓókó ɓamɛna-nyama anu sasanu.

2 Ɓakɔlítɔ 6:16

Endu ndea Mokonga n'endu ésomba á ɓaketi a kimoci? Nga, ɓende endu ndea Mokonga mmbé aoenda. A ɓíndɔ Mokonga ayɔngi gea: «Neikande sɔsɔɓɛ aɓɔ na netambande kimoci na ɓɔ, Neɓande Mokonga nɛɓɔ, ɓáoɓá ɓakpa nɛmɔ.»

Ɓagalatía 6:10

Cɔ, aoɓá na ɓena mbenɔ átɔtɔkisa kema ánjá, ɓétɔtɔkisɛni ú ka phɔa ɓakpa ɓɔbu. Ɓegeɛni ánjá phɛɛ ka phɔa ɓunde ɓá ka ekombo á ɓaɓêki.

Ɓaphilípi 1:11

Enda anu átúmɛ na tambea á koɗoni nnde Yéso Kiísito anophi ka nyɔngɔ á ɓoombia na obebɔ á Mokonga.

Ɓaphilípi 2:17

Nanga ɓámomowa gǎkɛ ɓea nyama á phɛ́a ka nyɔngɔ á ekuma á ɓeekea nɛnu nnde ande ɛkɔmi ka Mokonga, nena maseye k'índɔ, nésikia ɓá na maseye kimoci na ɓenu ɓɔbu.

Ɓaphilípi 4:18

Nga, ɓokambia nɛnu amɔgɔɓi, â phɔtɔ ɔmɔnyɛ́nyɛa. Ɓî Ɛpaphɔdítɔ amopi nkɛɓɛa nɛnu, ne ye tɔ na kema bui. Nga, ɓokambia nɛnu ande ɓea nyama á phɛa, nnde ana su ánjá. Kaɓondɔ, Mokonga áoɓeekea ka nyɔngɔ nde, amɓɔngɛi.

Ɓakɔlɔsái 3:17

Kema bui nde ɓoogea na yɔnga í, geani tɔ ú k'ína á Mɔkɔta Yéso, na sega á Abɛ Mokonga ka yɛ.

1 Timɔtɛ́ɔ 3:15

Cɔ, ne gǎkɛ koiphia kángá kiɗia, ɓaoɓa nde aoengande ka tambea akɔ sɔsɔɓɛ ékombo ndea Mokonga. Ekombo ndɔ ande kanisa ndea Mokonga mmbé aoenda, ande ngeɔ na cina á ɗoni.

Ɓaɛbulanía 3:6

Kiísito aámbé a ndiu nto á ɗoni ɓea ánge k'éndu ndea Abakɛ. Ande gea te, endu ndɔ ande ɓesu, kaɓɛ na ɓena inyamɛ na ɓeoamba nseɓeɔ nde ɓeǒbeba ně.

1 Pɛ́tɛɛ 2:9

Cɔ, ɓenu gǎkɛ, ɓonde ɓato á k'ékombo nde Mokonga ɛ̌sɔmbu, n'ekombo á ɓatoɓeigi-phɛ́a ndea Moamɛ, ekuna á ɓato á kanga ɓojeɗe, ɓakpa ndea Mokonga. Yɛ, aámbé ɗánɔɔphani ka toka anu ka kaiphiɔ na ngia anu ka owanga nɛkɛ á ɓoombia ka gea, ɓɔtɔ̌miɛ ekuma nɛkɛ á ketangaɔ.

1 Pɛ́tɛɛ 4:11

Nkpa nde aɔphɛa, á phɛɛ́ tɔ nyɔngɔ nde Mokonga ɗáyɔngi. Nkpa nde aɔbɛɗanaga, ábɛɗanɛgɛ tɔ ka ɓukpɛkpɛ nde Mokonga ɗámophi. Kaɓondɔ, kema bui nde ɓoogea ɓámbebɛ Mokonga kau k'aphe ndea Yéso Kiísito, mmbé ana ɓoombia na kɔkɔta k'ésa bui! Áɓɛ ɓó.

1 Pɛ́tɛɛ 4:17

Cɔ, mbenɔ á tena nyɔngɔ a bîmani. Aoɓá tena á nyɔngɔ n'akpangi ka ɓesu ɓato á Mokonga, sungiaga í aɓande ɓoni ka ɓunde ɓáoyá ɓeekea á Mbino-Ánjá ndea Mokonga?

Mphaniɔ 1:6

Kaɓondɔ, áosóbisa ɓato á koɓoamɛ nɛkɛ, na ɓatoɓeigi-phɛ́a ka bɛɗaneaga Abakɛ Mokonga. Cɔ, ɓoombia na ɓukpɛkpɛ, áɓɛ ka Yéso Kiísito ka saga na saga! Áɓɛ ɓó.

Mphaniɔ 20:6

Maseye phɛɛ ka ɓunde ɓáɓande ka mɔɔmba á jujúka á k'ama mosá-mosá ka kukuwa. Kukuwa á ko iɓɛ nna na ɓukpɛkpɛ gǔ aɓɔ. Ɓáɓande ndiu ɓatoɓeigi-phɛ́a na Kiísito. Ɓámameande nji kimoci na yɛ suɓi á ɓasaga ɛlɛphu moci (1.000).

Mphaniɔ 3:12

Mmbé akíndande, nembisande ka ngeɔ suɓi éndu ndea Mokonga nɛmɔ na kájuanɛeka ye tanda. Neɗunduande ina á Mokonga nɛmɔ na ina á ntanga-nji ndea Mokonga nɛmɔ gǔ akɛ. Ina á ntanga-nji ndɔ ande Yɛusalɛ́ma á kɛ̌kɛ, nnde adidi ka toka na koba mɔtɛ á Mokonga nɛmɔ. Neɗunduande phɔtɔ ina ani á kɛ̌kɛ gǔ akɛ.

Mphaniɔ 5:10

Ɗóǒbisi ɓakpa ndɔ ɓáoɓá koɓoamɛ na ɓatoɓeigi-phɛ́a ka bɛɗaneaga á Mokonga, Na ɓámameande nji bui.»