1 Pɛ́tɛɛ 2:4 - Ɔngana á Kɛ̌kɛ

⁴ Mbîmisiani Mɔkɔta. Yɛ ande ɛtɛ nde ana enda. Ɛtɛ nde ɓakpa ɗáɓáyé, a ndiu unge Mokonga ɗásɔmbu n'ana kantíti phɛɛ mosá akɛ.

1 Pɛ́tɛɛ 2:4 Iomraidhean Croise

Matáyɔ 11:28

«Bikani mɔtɛ-amɔ ɓenu ɓɔbu íɓunde ɓootambaga na nkumba áɗokǒ, eme nenophande múmbiɔ.

Matáyɔ 12:18

«Mokonga ayɔngi: mɔnani mbɛɗanigi nɛmɔ, mmbé ɗɛ́nsɔmbu, néonkonda phɛɛ, nena maseye ka yɛ. Nebisande Měma ani ka yɛ, aɛ́tɔ̌miande ɓato á k'ékuna bui koɗomi nɛmɔ.

Matáyɔ 21:42

Mpɔ Yéso áǒgea te: «Ɓókótangimbɛ mɔnɔ suɓi á Ɓuku á Mokonga? ‹Ɛtɛ nde ɓaphɛki ɗáɓámaki, aunge a ye tɔ na kantíti. Nndɔ atóki mɔtɛ á Mɔkɔta, n'ande ketangaɔ ka ɓesu!›

Yoáni 14:19

Ka mbenɔ ábɔa, ɓato á ka mokonda ɓákámɔɔnɛku ye. Ɓenu ndiu ɓáunge ɓɔmɔɔnande ka nyɔngɔ nde, eme neoenda na ɓenu phɔtɔ ɓoendande.

Yoáni 14:6

Yéso áonsikisia gea: «Nende aphe, ɗoni, na enda. Nkpa nnaobika mɔtɛ á Abɛ, na kányɛ́nyi k'eme.

Yoáni 5:26

Nga, a tɔ ɓíndɔ Abɛ ande cina á enda akɛ sasakɛ, amophi phɔtɔ Miki cina á enda ka yɛ sasakɛ.

Yoáni 5:40

Nanga áɓá ɓó, ɓókókondi gǎkɛ bikia ani ka ɓá na enda.

Yoáni 6:37

Ɓakpa ɓɔbu ɓunde Abɛ amopi, ɓámobikiande. Mmbé amobikíí kémɓeɛgɛku tanda.

Yoáni 6:57

Abɛ mmbé amoteki ana enda, na enda ani atóki ka yɛ. A phɔtɔ ɓó ka mmbé aoea kesuku ani, aɓande na enda ka nyɔngɔ ani.

Ɓalɔ́ma 5:10

Nga, mbenɔ nde ɗéɓetú ɓaɓiɓia ndea Mokonga, ɗásɔɔnganisi na yɛ ka nyɔngɔ á kukuwa á Anakɛ. Nndɔ aphangisi base gea, ɔngana asu na yɛ, ɓeamande ka nyɔngɔ á enda á Kiísito.

1 Ɓakɔlítɔ 3:11

Nga, ɛtɛ á kpanga á mɔphɛkɔ a ye ɓei, ande gea Yéso Kiísito. Nna ye na nkpa nde aɔtɔka n'abisi nɛngbo.

Ɓakɔlɔsái 3:4

Cɔ, ɓî Kiísito ande enda anu á ɗoni, ka sɛnɛka akɛ, ɓɔsɛnɛkaeka na yɛ ka ɓoombia nɛkɛ.

1 Pɛ́tɛɛ 1:19

Ophendɔ a ka phɔa anu a ndiu á kema á esombi akpɛ ande gea, magia á Kiísito. Yɛ, ɗákú ɓea muna-mɔgɔgɔ ɔ́phɛɔ, mmbé ɗákátú na kiɗɔti na ɓojeɗe.

1 Pɛ́tɛɛ 1:7

Tombaga ndɔ ande ka gea, ɓáengekisɛ ɓeekea nɛnu ka gea áúbikanɛ gea, ande á ɗoni. Láté ande kema nde aoújukana, ɓá gǎkɛ otoɓoa ú ka engekisa ɓonjánja í. Ɓeekea nɛnu a phɔtɔ ɓó. Ana kantíti kɔnyɛ́nya láté, akeni gǎkɛ ɓáengekisɛ ú. Ka nyɔngɔ índɔ unge ɓeɓande n'obebɔ, ɓoombia na ɓokutú mbenɔ nde Yéso Kiísito asɛnɛkaeka.

1 Pɛ́tɛɛ 2:7

Cɔ, ka ɓenu íɓunde ɓoɓeeki, ɛtɛ ndɔ ana kantíti phɛɛ. Ka ɓunde gǎkɛ ɓákáɓeeki: «Ɛtɛ nde ɓaphɛki ɗáɓáyé, aunge ande ngeɔ á mɔphɛkɔ.»

2 Pɛ́tɛɛ 1:1

Eme Simɔ́ni Pɛ́tɛɛ, mbɛɗanigi na nteki nde ɓa Yéso Kiísito, aámbé neɗundu ɓaoɓa ndee. Nenóɗundui ɓenu íɓunde ɓona ɓeekea ángbó ɓea ɓesu, ka nyɔngɔ á koɗoni ndea Mokonga na Namisi nɛsu Yéso Kiísito.

2 Pɛ́tɛɛ 1:4

Ka nyɔngɔ índɔ unge, asophi mɔkɔ ánjá phɛɛ na ángbó ka gea, ɓókongiɛmbɛ ka otúkɔtúkɔ nde mɔphɛ ájeɗe á ka mokonda aobika ně na ɓójukanɛ na Mokonga sasakɛ.