1 Pɛ́tɛɛ 2:25 - Ɔngana á Kɛ̌kɛ

²⁵ Cɔ, ɗóɓotú ɓea ɓamɔgɔgɔ na ɓáɓúngigi, kɛ̌kɛnde gǎkɛ, ɓosikianigi ka mɓondigi nɛnu, n'ande nambi á měma anu.

1 Pɛ́tɛɛ 2:25 Iomraidhean Croise

Matáyɔ 18:12

Ɓookanisia ɓo? Aoɓá nkpa n'ana ɓamɔgɔgɔ mia moci (100), ka ɓɔ moci n'aɓúngigi, káeɗeketɛku ɓundɔ ɓuangbo nkama ngianjaga gena na ngianjaga gena (99) gǔ á mamba, áoga onkaɓa mmbɔ atóɓúngigi?

Matáyɔ 9:36

Ɗáǒkuia usɛsɛ á ɓakpa nde ɗéɓɔni ngomi nga, ɓakpa ndɔ ɗáɓáɛli, ɓáoɓá kángá ɓukpɛkpɛ ɓea ɓamɔgɔgɔ kángá á mɓondigi.

Ekuma á ɓateki 20:28

Cɔ, engani tambea anu sasanu n'índe á ɓaɓêki ɓɔbu ɓundɔ Měma á kanga ɓojeɗe anophi ka amba aɓɔ. Ambani kanisa ndea Mokonga nnde ɗásombi na magia akɛ sasakɛ.

Ɓaɛbulanía 13:20

Cɔ, Mokonga mɛna ɓujɛjɛ, ɗánjujúkisi Mɔkɔta nɛsu Yéso Kiísito sɔsɔɓɛ á ɓasí. Yéso aámbé ande nambi angbónbgó á ɓamɔgɔgɔ. Magia akɛ asɔ́tɔisi ɔngana á mɛyɔ.

Ɓaɛbulanía 3:1

Ɓadasu ɓato á Mokonga, ɓî a ɓó, ɓe tɔ na ɓenu ka mɔphani nde Mokonga asɔɔphani. Cɔ, ntúmiani Yéso n'íso nga, yɛ aámbé Mokonga anteki, a phɔtɔ ngbɛga á ɓatoɓeigi-phɛ́a mosá á Mokonga ka ɓeekea nɛsu nde ɓɛɔtɔmiaga ú.

Ɓaɛbulanía 5:2

Ɓî yɛ sasakɛ ana ɓɔɛlu á ka měma, aunge aɔtɔka n'ěkui ngomi ɓunde ɓáogea ɓojeɗe kángá á úba í na ka nyɔngɔ nde ɓáɓungigi.

1 Pɛ́tɛɛ 3:20

Ɓato á mekakɔ ndɔ ɓánde ɓundɔ ɗáɓákámɓeeki Mokonga, kala ɓî Mokonga ɗátú na měma éndǎ ka ɓɔ, ka matú ndɔ Nɔ́a ɗáɔsɛka koko ángbó. Ɓakpa ɓábɔa tɔ, ka ɓɔbu ngianjaga isaɔ (8), ɓáunge ɗáɓáami ka iɓo.

1 Pɛ́tɛɛ 5:4

Mbenɔ ndɔ Mɔkɔta á ɓaambi-etuge asɛnɛkande, ɓɔtɔande kuku á ɓoombia nde ɓonjánja í nna osía.