1 Pɛ́tɛɛ 2:23 - Ɔngana á Kɛ̌kɛ

²³ Cɔ, mbenɔ nde ɗáɓámbómi, kěsikisiɛ mbóma. Mbenɔ nde ɗáɓántambisigi, kěɓángisɛ tanda ɓakpa. Ɗébisi ndiu sasakɛ ka njaga á Mokonga mmbé aotena nyɔngɔ na koɗoni.

1 Pɛ́tɛɛ 2:23 Iomraidhean Croise

Lóka 23:41

Ka phɔasu áɓɛ ɓó nga ɓɛtɔí nnde aengemeani na tambɛa asu. Yɛ gǎkɛ, kági tanda ka ɓojeɗe.»

Lóka 23:46

Mpɔ Yéso áokoga k'ɛ́sɔ akpɛ te: «Cɔ, Abɛ! Nesikisi měma ani ka njaga akɔ.» Ka yɔnga akɛ nndɔ, áɔɗɔɛa.

Lóka 23:9

Mpɔ Ɛlɔ́dɛ áomúsiaga Yéso, Yéso kansikisiɛ gǎkɛ tanda ka nyɔngɔ.

Ekuma á ɓateki 17:31

Mokonga a ye bisi esa nde atenaeka nyɔngɔ á ɓato á ka mokonda bui ka koɗoni, na ka njaga á nkpa nde ansɔmbu. Ɗánengekisi nkpa kayɛ mosá á ɓakpa ɓɔbu ka jujúkisa akɛ ka kukuwa.»

Ekuma á ɓateki 4:29

Cɔ, Mɔkɔta, ɔna phɔ́ ɓî ɓákpangi ɓangisa asu. Ósopha ɓukpɛkpɛ ka tɔ̌miaga á nyɔngɔ nɛkɔ kángá kɔɓɔɓɔkɔ nga, ɓende ɓabɛɗanigi nɛkɔ.

Ekuma á ɓateki 7:59

Na ɓá phɔ́tɔ ɔmɓɛta Sɛtɛphánɔ n'ɛtɛ, yɛ áɔmɛma ɓe: «Mɔkɔta Yéso, bɛɗa měma ani!»

Ekuma á ɓateki 9:1

Ka matú ndɔ, Saúlɔ ɗásui ɓángisa na mowa á ɓagoigi ndea Mɔkɔta. Áɔngɛndɛa ngbɛga á ɓatoɓeigi-phɛ́a

Ɓalɔ́ma 2:5

Cɔ, oɓɛ ona měma akpɛ na kóokonda kětia á měma akɔ. Kaɓondɔ unge ǒbisíí tambaga ángbó esa nde Mokonga aphangiaeka esúia nɛkɛ na tena á nyɔngɔ nɛkɛ ka koɗoni.

Ɓaɛphɛ́sɔ 6:9

Ɓenu ɓakɔta, ógeeani phɔtɔ ɓakɔɓɛ nenu ánjá. Ɓókǒagatisɛmbɛ. Úbani gea, ɓenu na ɓakɔɓɛ nɛnu Mɔkɔta nɛnu a tɔ mo. Yɛ, ana koba nna n'oɓayɔ.

2 Ɓatɛsalɔníka 1:5

Tambaga ndɔ aoúbisa base gea, Mokonga ande nteni-nyɔngɔ kángá oɓayɔ. Nga, ka nyɔngɔ á phiphia anu tambaga ndɔ unge ɓokeni na ngia ka koɓoamɛ nɛkɛ nnde ɓootambaga ka nyɔngɔ í.

2 Timɔtɛ́ɔ 1:12

Ka nyɔngɔ índɔ unge neotambaga kau. Ké gǎkɛ na soni í nga, neomúba mmbé ɗémɓeeki. Neengekisi gea, yɛ aámbé ana ɓukpɛkpɛ á amba kema nde ɗámopi na ka ɓî ajaeka.

2 Timɔtɛ́ɔ 4:8

Kpangá á Kɛ̌kɛnde, Mokonga amobisíí kekombó á koɗoni, nnde Mɔkɔta mmbé ande nteni nyɔngɔ á ɗoni amopande esa nde abikande goto. Nna tɔndɔ eme, a ndiu phɔtɔ ka ɓakpa ɓɔbu íɓunde ɓákondi ɔna akɛ esa nde asɛnɛkande.

Ɓaɛbulanía 12:3

Eya, nkanisiani Yéso. Nanga ɓî ɓato á ɓojeɗe ɗáɓánkangei phɛɛ, ɗáphiphíí. Geani tɔ ɓó ka gea te, měma anu kaɛlɛmbɛ na ɗeketa á nseɓeɔ.

1 Pɛ́tɛɛ 3:9

Ɓókosikisianɛmbɛ ɓojeɗe ka ɓojeɗe, na mbóma ka mbóma. Sikisianani ndiu nyɔngɔ ánjá nga, ka nyɔngɔ índɔ unge Mokonga ɗánɔɔphani, ka gea, abisande njaga akɛ gǔ anu.

1 Pɛ́tɛɛ 4:19

Cɔ, ɓakpa nde ɓáotambaga ka nyɔngɔ á tɔtɔkisa á mɔphɛ ndea Mokonga, ɓátútuisɛ tɔtɔkisa á kema ánjá. Ɓábisɛ phɔtɔ měma aɓɔ ka njaga á Mokonga mmbé ěconji. Yɛ, ande mmbé nnaotinganisa mɔkɔ nɛkɛ.

Mphaniɔ 19:11

Mpɔ, nɛ́ɔɔna koba n'akoɗokani. Phalási abúbú áɔsɛnɛka. Mmbé akǎmbi gǔ akɛ ɓáɔmɔphana Mɓêki na Nto á ɗoni nga, aotena nyɔngɔ na mana ka koɗoni.