1 Pɛ́tɛɛ 2:21 - Ɔngana á Kɛ̌kɛ

²¹ Ka nyɔngɔ índɔ unge Mokonga ɗánɔɔphani nga, Kiísito ɗátambigi phɔtɔ ka phɔa anu, áonóɗeketea mphangiɔ ka gea, ɓóɓeɛ angá akɛ.

1 Pɛ́tɛɛ 2:21 Iomraidhean Croise

Matáyɔ 10:38

Nkpa nde kákondi kumba á moyangɔ nɛkɛ ka ɓeá ani, kámokeni ně.

Matáyɔ 11:29

Kumbani nkumba áɗoko nɛmɔ na ɓógoɛgɛ ɓɔphɛi nɛmɔ nga, eme neaphɔngɔ na měma édidisa. Kaɓondɔ, ɓenu sasanu ɓoúmbiande.

Matáyɔ 16:24

Mpɔ Yéso áǒngoɗea ɓagoigi nɛkɛ: «Aoɓá nkpa n'akondi ɓeá ani, ěyɛ sisakɛ, ákumbɛ moyangɔ nɛkɛ, ámoɓeɛ.

Lóka 24:26

Ande gea te kátókeni gǎkɛ Masíya átambɛgɛ ɓó na ángiɛ ka ɓoombia nɛkɛ?»

Yoáni 13:15

Cɔ, nenophi mphangiɔ ndɔ gea, ɓógeɛ ɓíndɔ nenogǐí.

Yoáni 16:33

Netónongoɗi nndɔ bui ka gea, ɓóɓɛ na ɓujɛjɛ ka jukana anu n'eme. Ɓotambagande ka mokonda. Cɔ, ɓáni gǎkɛ na nténdé, ne ye kíndí mokonda.»

Ekuma á ɓateki 14:22

Ɓî ɗáɓáotamba ka nji ndɔ bui, ɓáogbagisaga měma á ɓagoigi gea, ɓáendɛ ka ɓeekea nɛɓɔ. Ɓáǒgea te: «Akeni ɓásotambisɛgɛ phɛɛ mosá á ngia asu ka koɓoamɛ ndea Mokonga.»

Ekuma á ɓateki 17:3

Áokoɗa ɓuku ndɔ, áɔtɔmiaga na phangia aɓɔ gea, ɗákeni Kiísito átambɛgɛ na kuwa, mpɔ áojujuka ka kukuwa. Áǒgea te: «Yéso, mmbé nɛɔnɔ́tɔmiaga nyɔngɔ akɛ, yɛ aámbé ande Kiísito.»

Ekuma á ɓateki 9:16

Eme gǎkɛ, nemphangiande tambisaga bui nde ɓángeande ně ka nyɔngɔ ani.»

Ɓalɔ́ma 8:29

Nga, ɓakpa nde Mokonga ɗɛ́sɔmbu kala, ɗáeangei phɔtɔ kala gea, ékengeanisɛ na Anakɛ, ka gea Anakɛ áɓɛ ánge mmbé ana ɓamɔtɔakɛ ɓásii.

1 Ɓakɔlítɔ 11:1

Cɔ, ɓeani tambea ani, ɓíndɔ neoɓea nnde á Kiísito.

Ɓaɛphɛ́sɔ 5:2

Kaɓondɔ, ambe ekondi áɓɛ nsɔndɔi ka enda anu ɓíndɔ Kiísito ɗásókondi, áosókuia, áoɓá ɓea ɛkɔmi na phɛ́a á su ánjá nnde amɓɔngɛi Mokonga.

Ɓaphilípi 2:5

Ɓáni phɔtɔ sɔsɔɓɛ anu na mɔphɛ ɓíndɔ Kiísito Yéso ɗátú ně.

1 Ɓatɛsalɔníka 3:3

Timɔtɛ́ɔ anoambi gea te, ka ɓenu kaɗeketɛmbɛ ɓeekea á Mokonga ka nyɔngɔ á ɓakpa tambisaga akɛ. Ɓo gǎkɛ oúba gea, tambisaga ndɔ a tɔ moangɔ ndea Mokonga ka ɓesu.

1 Ɓatɛsalɔníka 4:2

Cɔ, ɓoúbi ye ɓɔphɛi nde ɗéɓenóngoɗi k'ína á Mɔkɔta Yéso.

2 Timɔtɛ́ɔ 3:12

Ɓakpa ɓɔbu ɓunde ɓákondi enda ka beba á Mokonga ka jukana aɓɔ na Kiísito Yéso ɓáetambisagande.

Ɓaɛbulanía 2:10

Mokonga ɗáconji kema bui ka phɔakɛ na k'aphe nɛkɛ. Ɗági ɓó ka ɓǒtea á ɓaniki ɓásii ka ɓoombia nɛkɛ. Ka tɔtɔkisa nndɔ, ɗákeni ámɓɔngisɛgɛ Yéso ánjá phɛɛ k'aphe á tambaga akɛ ka gea te, yɛ aámbé ábómɛ aphe á ɓoamia á ka měma.

1 Pɛ́tɛɛ 1:20

Mokonga ɗánsɔmbu mosá á conjá á mokonda, kɛ̌kɛnde amúbisi kanu base, ka mbenɔ á sungiaga á mokonda.

1 Pɛ́tɛɛ 2:24

Yɛ sasakɛ, ɗákumbi ɓojeɗe nɛsu ka nyama akɛ gǔ á moyangɔ gea te, ɓékuwɛ ka nyɔngɔ á ɓojeɗe, na ɓéendɛ ka nyɔngɔ á koɗoni. Nga, ka nyɔngɔ á aphɛphɔa nɛkɛ aunge ɓoami.

1 Pɛ́tɛɛ 3:18

Cɔ, Kiísito yɛ sasakɛ, ɗátambigi phɔtɔ mɔngɔ ímoci tɔ ka nyɔngɔ á ɓojeɗe nɛsu. Yɛ, nto á koɗoni, ɗáku ka nyɔngɔ á ɓunde ɓáná ɓato á koɗoni ka gea, ánophangiɛ aphe á gǎ mɔtɛ á Mokonga. Ɗáku kukuwa á ka nyama, Měma á kanga ɓojeɗe â gǎkɛ onjujukisa ka kukuwa.

1 Pɛ́tɛɛ 3:9

Ɓókosikisianɛmbɛ ɓojeɗe ka ɓojeɗe, na mbóma ka mbóma. Sikisianani ndiu nyɔngɔ ánjá nga, ka nyɔngɔ índɔ unge Mokonga ɗánɔɔphani, ka gea, abisande njaga akɛ gǔ anu.

1 Pɛ́tɛɛ 4:1

Cɔ, ka nyɔngɔ nde Kiísito ɗátambigi ka nyama akɛ, ɓenu phɔtɔ, ókakamisani ka ɓá na mɔphɛ nde ɗátú ně. Nga, nkpa nde atambigi ka nyama akɛ, akatani na ɓojeɗe ɗoni.

1 Pɛ́tɛɛ 4:13

Cɔ, ɓáni ndiu na maseye ka ɓá anu na ka gbútuka á tambaga ndea Kiísito, ka gea, ɓenu phɔtɔ ɓótúmɛ na maseye phɛɛ mbenɔ nde aphangiande ɓoombia nɛkɛ base ka nkpa buakɛ.

1 Yoáni 2:6

Cɔ, mmbé agi gea, aɔngani na yɛ, akeni tambea akɛ ákengeanɛ n'índe á Yéso.

1 Yoáni 3:16

Ɓeoengekisa ekondi ka nyɔngɔ ndee: Kiísito ɗábisi enda akɛ ka ɓesu. Ɓesu phɔtɔ, akeni ɓébisɛ enda asu ka bɛɗaneaga ɓadasu.

Mphaniɔ 12:11

Kaɓɛ ɓana-amasu ɓátónkíndí ande ka ɓukpɛkpɛ á magia á Muna-mɔgɔgɔ na ka nyɔngɔ índe ɗáɓáɗigimisi. Ɗáɓákáuníí enda aɓɔ, ɗáɓátú bíbí á kukuwa.