1 Pɛ́tɛɛ 2:19 - Ɔngana á Kɛ̌kɛ

¹⁹ Aánjá mosá á Mokonga mbenɔ nde ɓoophiphia tambaga nde ɓókótókeni ně ka nyɔngɔ á ɓeekea á Mokonga.

1 Pɛ́tɛɛ 2:19 Iomraidhean Croise

Lóka 6:32

Aoɓá na ɓǒkondi tɔ ɓunde ɓánokondi, obebɔ sina ɓoseɓeande? Ka nyɔngɔ nde ɓato á ɓojeɗe ɓá phɔtɔ ǒkonda ɓunde ɓékondi.

Yoáni 15:21

Cɔ, ɓánotambisagande ɓó ka nyɔngɔ ani. Nga, ɓánaomúba mmbé amoteki.

Ekuma á ɓateki 11:23

Ajú ye kó, áɔɔna ɓî Mokonga ɗégǐí ɓakpa nɛkɛ ɓonjánja, áoɓá na maseye. Áǒgbagisaga ɓaɓêki ɓɔbu ka měma ka gea ɓámbɛɗaneɛgɛ Mɔkɔta na měma mo.

Ɓalɔ́ma 13:5

Kaɓondɔ unge aánjá ka ɓenu édidisa mosá á ɓakɔta, nna tɔndɔ ka nyɔngɔ á ɓánga esúia ndea Mokonga, a ndiu goto ka nyɔngɔ nde ɓooúba suɓi á měma te, akeni gea á ɓo.

1 Ɓakɔlítɔ 15:10

Ka nyɔngɔ á ɓonjánja-ékondi ndea Mokonga, ne ye gǎkɛ ɓíndɔ nekau. Ɓonjánja-ékondi nɛkɛ ndɔ, ɗákátú jǎi, ɗɛ́nɛbɛɗanigi phɛɛ kɔ̌nyɛ́nya ɓateki ɓunɛngbo ɓɔbu. Kɛ́bɛɗanigi gǎkɛ na ɓukpɛkpɛ ani, a ndiu ka ɓukpɛkpɛ á Mokonga, nnde a suɓi ani.

2 Ɓakɔlítɔ 1:12

Kema nde aosópha ɓosegi ka měma ande gea, tambea asu mosá á ɓakpa na mosá anu, ande ɗoni kángá á maibe, n'atóki ka ɓonjánja ndea Mokonga. Nga, ɓonjánja ndea Mokonga aunge aosótámbisa ka mokonda. Nna gǎkɛ kɔɓɔɔngɛ ndea ɓakpa unge aosótámbisa.

2 Ɓakɔlítɔ 8:1

Ɓaya, ɓekondi ɓóúbɛ ɓî Mokonga aɔnisi ɓonjánja-ékondi nɛkɛ ka kanisa bubui á ka Makɛdɔnía.

2 Timɔtɛ́ɔ 1:12

Ka nyɔngɔ índɔ unge neotambaga kau. Ké gǎkɛ na soni í nga, neomúba mmbé ɗémɓeeki. Neengekisi gea, yɛ aámbé ana ɓukpɛkpɛ á amba kema nde ɗámopi na ka ɓî ajaeka.

Ɓaɛbulanía 10:2

Atúoɓá n'aɔtɔka, ámbé ɓakpa nde ɓáoɓea moangɔ ndɔ, Mokonga aoíma ɓojeɗe nɛɓɔ mɔngɔ ímoci tɔndɔ. Ámbé ɓáká ye kɔɔyɔka ɓato á ɓojeɗe na ɓákátú ye ophúia k'ététe ɔ́phɛ́ɔ.

1 Pɛ́tɛɛ 2:20

Ana obebɔ sina aoɓá na ɓophiphíí tambaga ka nyɔngɔ nde ɓogi ájeɗe? A gǎkɛ oɓá na ɓophiphíí tambaga ka nyɔngɔ nde ɓogi kema ánjá, nndɔ amɓɔngɛi Mokonga.

1 Pɛ́tɛɛ 4:15

Ka ɓenu moci katambɛgɛmbɛ ɓea nto á kaiso, ɓea nkukuɓa, ɓea nkpa nde agi ájeɗe na ɓea nkpa n'ěngisi ka nyɔngɔ á nkpa ɓaangbo.