1 Pɛ́tɛɛ 2:16 - Ɔngana á Kɛ̌kɛ

¹⁶ Tambeani ɓea ɓakpa nde ɓátóki ka kɔkɔɓɛ, a gǎkɛ oɓá n'a ɓó, nndɔ kaɓɛmbɛ aphe á gbukumia á ɓojeɗe. Tambeani ndiu ɓíndɔ akeni ka ɓabɛɗanigi ndea Mokonga.

1 Pɛ́tɛɛ 2:16 Iomraidhean Croise

Matáyɔ 23:13

Ngomi anu ɓaɗundu-ɛɔphi na Ɓaphaisáyɔ. Ɓona maibe! Ɓǒɗakea ɓakpa aphe á ngia ka koɓoamɛ ndea na koba na ɓenu ɓókóongia sasanu kau. Ɓókóokonda gea ɓunde ɓána mɔphɛ á ngia ɓángiɛ. [

Yoáni 15:22

Aoɓá na ɗékébiki, na ɗékěngoɗi nyɔngɔ nɛmɔ, ámbé ɓákátóɓɛku na ɓojeɗe. Kɛ̌kɛnde gǎkɛ, ɓákánganɛku ye ɓojeɗe nɛɓɔ.

Ɓalɔ́ma 6:18

Kaɓondɔ, ɓókó ye ɓakɔɓɛ á ɓojeɗe, ɓo ye ndiu ɓakɔɓɛ á gea á kema á koɗoni.

Ɓalɔ́ma 6:22

Kɛ̌kɛnde ɓókó ye ɓakɔɓɛ á ɓojeɗe, ɓo ye ndiu ɓabɛɗanigi ndea Mokonga. Ɓɔɔtɔtɔkisa kema nde aɔmɓɔngɛa Mokonga, sungiaga anu ande enda á mɛyɔ kimoci na Mokonga.

1 Ɓakɔlítɔ 7:22

Nga, nkpa nde Mɔkɔta ɗámɔphani n'ande nkɔɓɛ, atóki ye tɔ ka kɔkɔɓɛ ɓî a ye nkpa ndea Mɔkɔta. Nkpa nde Mɔkɔta ɗámɔphani na nna nkɔɓɛ, a ye gǎkɛ nkɔɓɛ ndea Kiísito.

Ɓagalatía 5:1

Kiísito asotókisi ka kɔkɔɓɛ ka gea te, ɓékéikɛmbɛ ye ka kɔkɔɓɛ. Kaɓondɔ, ókakamisani ka gea, ɓókosikianɛgɛ mɔnɔ ye goto ka kɔkɔɓɛ.

Ɓagalatía 5:13

Ɓaya, ɓenu gǎkɛ Mokonga anɔɔphani ka tokisa anu ka kɔkɔɓɛ. Nndɔ kanóɓǒteɛmbɛ mɔnɔ ka ɓá na mɔphɛ á kokpa. Énganani ndiu ka nyɔngɔ á ekondi.

Ɓaɛphɛ́sɔ 6:6

Ɓókóɓɛmbɛ tɔ ɔbɛɗanaga ámbé ɓánómamei ka ékondisaga na ɓɔ. Tɔtɔkisani ndiu mɔphɛ á Mokonga na měma mo, ɓea ɓakɔɓɛ á Kiísito.

Ɓakɔlɔsái 3:24

Úbáni gea, Mɔkɔta anɔkɔmande na ɓotukɔ nde aebisíí ɓakpa nɛkɛ. Kiísito aámbé ande Mɔkɔta á ɗoni mmbé ɓɔɔmbɛɗaneaga.

1 Ɓatɛsalɔníka 2:5

Ɓoúbi phɔtɔ gea, ɓékéǒbeba ɓakpa jǎi ka nyɔngɔ ékondisaga na ɓɔ, ɓéké phɔtɔ okáɓa imɔna ka nyɔngɔ á ɓɔphɛi nɛsu. Mokonga aámbé ande nɗigimisi.

Yakɔ́ɓɔ 1:25

Cɔ, mmbé aoúba cɔca ánjá ɛɔphi á kanga ɓojeɗe ndea Mokonga, nnde ɗásotókisi ka kɔkɔɓɛ, na tétemisa í, nnaoɓosea nnde aɔɔ́ka, a ndiu ɔtɔtɔkisa ú ɓíndɔ ɛɔphi asosi. Kaɓondɔ, aɓande na maseye ka kema bui nde aɔtɔtɔkisa.

Yakɔ́ɓɔ 2:12

Ambe yɔngɛa anu na tambea anu áɓɛ ɓea ɓakpa nde ɓátenande nyɔngɔ nɛɓɔ ka ɓeana n'ɛɔphi nde aotókisa ka kɔkɔɓɛ.

2 Pɛ́tɛɛ 2:19

Ɓáɔ̌ɔkɔa ɓakpa ndɔ gea ɓátókande ka kɔkɔɓɛ, nanga ɓɔ sasaɓɔ ɓánde ɓakɔɓɛ á ɓojeɗe nga, nkpa buakɛ ande nkɔɓɛ á kema nde akondi suɓi á měma akɛ phɛɛ.

Yúda 1:4

Nenóɗundui ɓo nga, ɓakpa ɓájɛɗe ɓángí ka nkíndí anu ka ɓɔsɔmɛa. Ɓáoketia ka ɓojeɗe ɓonjánja-ékondi ndea Mokonga, ka gea ɓágbukumiɛ nyɔngɔ á iɛɓɛ nɛɓɔ. Ɓɔ, ɓáon'yá ngoisigi ndeasu mmbé a tɔ moci n'ande Mɔkɔta ndeasu Yéso Kiísito. Cɔ, Ɓuku á Mokonga ɗáyɔngi nyɔngɔ á tena nyɔngɔ ndeabɔ kala.