1 Pɛ́tɛɛ 2:12 - Ɔngana á Kɛ̌kɛ

¹² Tambeani ánjá ka ɔlɔ á ɓakpa nde ɓánáomúba Mokonga. Kaɓondɔ, nanga ɓáyɔnga mbɛa ka phɔa anu gea, ɓoogea ájeɗe, ɓáɔnande ekuma nɛnu ánjá, ɓánɗokomisande Mokonga k'ésa nde abikande.

1 Pɛ́tɛɛ 2:12 Iomraidhean Croise

Matáyɔ 10:25

Ambe ngoigi áɓɛ ɓea ngoisigi nɛkɛ, mbɛɗanigi áɓɛ ɓea mɔkɔta ékuma nɛkɛ. Aoɓá na ɓámɔphani mɔkɔta á ekombo k'ína Bɛljɛbúli, ɓáɛɓɔphanande ɓato á k'ékombo nɛkɛ k'ína ájeɗe phɛɛ.»

Matáyɔ 5:11

Maseye ka ɓenu, mbenɔ nde ɓáonóbóma, ɓáonótambisaga, ɓáonógeea ájeɗe na ɓátekea anu na nyɔngɔ á mbɛa ka nyɔngɔ ani.

Matáyɔ 5:16

Kaɓondɔ, ambe owanga nenu ábɛnyɛ mosá á ɓakpa, ɓáɔnɛ ekuma nɛnu na ánjá. Mpɔ ɓámbebɛ Abanu mmbɔ á na koba.

Matáyɔ 9:8

Mbenɔ nde usɛsɛ á ɓakpa ɓáɔni nyɔngɔ ndɔ, ɓáoɓá na kɔɓɔɓɔkɔ, ɓáombeba Mokonga ka opha á ɓakpa ɓukpɛkpɛ ɓíndɔ.

Lóka 1:68

«Ɓosegi ka Mɔkɔta, Mokonga á Ɓaisilaɛ́li, nga, akiɗi ka enga ɓakpa nɛkɛ na tókisa aɓɔ ka kɔkɔɓɛ.

Lóka 19:44

Ɓɔ, ɓákotúkatúkande na ɓakpa ɓɔbu ɓunde ɓáiki suɓi akɔ. Ɓákáoɗeketɛeku tanda n'ɛtɛ moci gǔ á dakɛ, ka nyɔngɔ nde kótóúbi mbenɔ nde Mokonga ɗábiki okoénga.»

Lóka 6:22

Maseye ka ɓenu ɓî ɓakpa ɓáonókangea, ɓáonóphaphea, ɓáonóbóma, ɓáonóyága ka nyɔngɔ ani, eme Muna-Nkpa.

Yoáni 13:31

Mbusa á juana á Yúda, Yéso áogea: «Cɔ, kɛ̌kɛnde, ɓoombia á Muna-Nkpa, aɔnɛkani. Ɓoombia ndea Mokonga aɔnɛkani ka yɛ.

Ekuma á ɓateki 15:14

Simɔ́ni ɗásóngoɗi ɓî Mokonga aphangisi phɔ́ ngomi nɛkɛ ka ɓato á k'ékuna nɛngbo gea, ɛ́sɔmbɔɛ ka ɔlɔ aɓɔ, ɓábɛ ɓakpa nɛkɛ.

Ekuma á ɓateki 24:13

Ɓákáɔtɔka na ɓákophangisi koɗoni á nyɔngɔ nde ɓámɔtɔngi kau kɛ̌kɛnde.

Ekuma á ɓateki 25:7

Ɓî Pɔ́lɔ ajú, Ɓayúda ɓunde ɓátóki na Yɛusalɛ́ma, ɓáontimba, ɓáɔntɔnga akpɛ phɛɛ. Ɓákatɔkɛ gǎkɛ engekisa á koɗoni á ɓojeɗe nde ɓántɔngi kau.

Ekuma á ɓateki 28:22

Cɔ, ɓekondi phɔ́ ɓɛ́ɔ́kɛ ianaga akɔ. Nga, ɓeoúba gea, ɓakpa ɓáɔyɔnga ájeɗe k'ɔ́ma bui gǔ á esomba nde okau.»

Ɓalɔ́ma 12:17

Ɓókógisiɛmbɛ ɓojeɗe ka nkpa. Ɓáni na měma á tɔtɔkisa kema ánjá mosá á ɓakpa ɓɔbu.

Ɓalɔ́ma 13:13

Ɓéɓɛni na tambea ánjá nde akeni n'esa, ɓékéɓɛmbɛ n'osǎ ka eaga na noa, ɓékéɓɛmbɛ n'otungɔ, n'iɛɓɛ, sani na nsengo.

Ɓalɔ́ma 14:18

Mmbé aɔmbɛɗaneaga Kiísito ɓó, amɓɔngɛi Mokonga na ɓakpa ɓáomɓeekea.

Ɓalɔ́ma 15:9

ɓunde ɓáná Ɓayúda ɓáombeba Mokonga ka nyɔngɔ á ngomi nɛkɛ ɓíndɔ ɓáɗundu suɓi á ɓuku ndea Mokonga gea: «Kaɓondɔ unge nekobebande sɔsɔɓɛ á ɓakpa ɓɔbu na neémbande ka ɗokomisa ina akɔ.»

1 Ɓakɔlítɔ 14:25

Nga, kema nde aɛsɔmɛani ka měma akɛ, aúbukanande base. Kaɓondɔ, agbúkande muanku akɛ mosá á Mokonga, keongi akɛ áogbondoa oɗo ka beba á Mokonga, áɔyɔnga gea: «Eya, Mokonga a ka ɔlɔ anu.»

2 Ɓakɔlítɔ 1:12

Kema nde aosópha ɓosegi ka měma ande gea, tambea asu mosá á ɓakpa na mosá anu, ande ɗoni kángá á maibe, n'atóki ka ɓonjánja ndea Mokonga. Nga, ɓonjánja ndea Mokonga aunge aosótámbisa ka mokonda. Nna gǎkɛ kɔɓɔɔngɛ ndea ɓakpa unge aosótámbisa.

2 Ɓakɔlítɔ 13:7

Ɓɛɔmmɛma Mokonga te, ɓókógeɛmbɛ tanda ɓojeɗe. Ɓékéokonda ɔnisa á ɓukpɛkpɛ asu. Ɓe ndiu okonda gea, tambea anu áɓɛ ánjá nanga ɓásɔɔ́na ɓea ɓakpa nde ɓátugbanigi.

2 Ɓakɔlítɔ 8:21

Ɓeokáɓa gea ánjá, nna tɔndɔ mosá á Mɔkɔta, a ndiu phɔtɔ mosá á ɓakpa.

Ɓaɛphɛ́sɔ 2:3

Ɓesu ɓɔbu, ɗéɓetú phɔtɔ ɓea ɓɔ, ɓéotambea ɓíndɔ nyama asu ɗátú osóɓotea, ɗéɓéɔtɔtɔkisa mɔphɛ á ka nyama asu na nnde á ka měma asu. Ka nyɔngɔ á tambea asu ájeɗe aunge, ɓékéólokɛku k'esúia ndea Mokonga ɓea ɓakpa ɓunɛngbo.

Ɓaɛphɛ́sɔ 4:22

Kaɓondɔ, ɗeketani tambea nɛnu á kala. Ɗeketani phɔtɔ kokpa anu á kala nde mɔphɛ í á odemayɔ aongisa ka ɓojeɗe.

Ɓaphilípi 1:27

Ɓî a ɓó, tambeani tɔ ɓíndɔ akeni ka Mbino-Ánjá ndea Kiísito. Geani tɔ ɓó, ka gea te, nanga nébika k'aphe á ɔnjia anu, nanga kébiki, nɛɔ́kande nyɔngɔ anu gea, ɓomame akpɛ suɓi á ɓeekea na měma mo, na manisa kimoci na měma moci ka ɓeekea nde aesukíí ka Mbino-Ánjá.

Ɓaphilípi 4:8

Cɔ, ɓaya, ka sungiaga: akeni ɓóbisɛ kanisia anu ka kema bui ánjá, nnde akeni ɗokomisa í, á koɗoni, kángá ɓɔjɔɔkiɔ, nnde akeni ɓeekea í, nnde akeni beba í, na nnde á ɓɔngá.

1 Ɓatɛsalɔníka 4:12

Ɓo ye otétemisa ekuma á ka njaga anu sasanu, ɓókóoɗokomaneɛku ye ɓakpa. Ɓakpa nde ɓákámɓeekimbɛ Kiísito, ɓâ phɔtɔ onóbeba.

1 Timɔtɛ́ɔ 2:2

Mɛmani phɔtɔ ka ɓaamɛ na ɓakɔta ɓɔbu á ka nji ka gea te, ɓéikɛ ka ɓujɛjɛ, ɓéɓɛ tɔ ɓato á ɓonjánja na ɓánga á Mokonga.

1 Timɔtɛ́ɔ 4:12

Ambe nkpa kakɔɓɛnjiɛgɛmbɛ ka nyɔngɔ nde onde moganda. Óɓɛ ndiu mphangiɔ ka ɓaɓêki, ka ɛyɔngi akɔ, tambea akɔ, k'ékondi, ɓeekea, na ka enda akɔ ánjá.

1 Timɔtɛ́ɔ 5:10

Ambe ɓakpa ɓáɗigimisɛ gea ékuma nɛkɛ ɗátú ánjá, mmbé ɗáɛmɔtisi ɓ'anakɛ ánjá, ɗáǒsesea ɓakeni, ɗáosokosa ecinji á ɓaɓêki, ɗáǒenga ɓunde ɗáɓáotambaga na gea ekuma ánjánja bui ka enda akɛ bui.

Ɓaɛbulanía 13:18

Mɛmani ka phɔa asu. Ɓeoúba ɗoni gea ɓékégi kema ájeɗe ka sɛka asu nga, ɓekondi ɓétambɛ ánjá k'aphe bui.

Ɓaɛbulanía 13:5

Ɓókobisɛmbɛ měma anu phɛɛ ka nyɔngɔ á imɔna. Ɓeekeani ndiu enda na nkumba nde ɓoně nga, Mokonga ɗági te: «Kékoɗeketɛeka, kékosagɛeka.»

Yakɔ́ɓɔ 3:13

Cɔ, ani mmbé ande múbaphi na mɔɔngɛ sɔsɔɓɛ anu? Áphangiɛ ú ka tambea akɛ ánjá na k'ékuma nɛkɛ nnde aogea ka ɓɔphɔngɔ na kɔɓɔɔngɛ.

1 Pɛ́tɛɛ 2:15

Ɓondɔ unge Mokonga akondi gea, ɓógeɛ ɓonjánja, ka gea te, ɓabóbó na ɓato á jǎi-jǎi ɓáphɔngɛ.

1 Pɛ́tɛɛ 3:16

Geani tɔ ɓó na měma aphɔngɔ na ɓánga. Ɓáni na měma ánjá. Nanga ɓakpa ɓánɔtɔnga ka mbɛa na bóma anu ka nyɔngɔ á tambea anu ánjá ɓî ɓonde ɓakiísito, ɓákuwande na soni.

1 Pɛ́tɛɛ 4:11

Nkpa nde aɔphɛa, á phɛɛ́ tɔ nyɔngɔ nde Mokonga ɗáyɔngi. Nkpa nde aɔbɛɗanaga, ábɛɗanɛgɛ tɔ ka ɓukpɛkpɛ nde Mokonga ɗámophi. Kaɓondɔ, kema bui nde ɓoogea ɓámbebɛ Mokonga kau k'aphe ndea Yéso Kiísito, mmbé ana ɓoombia na kɔkɔta k'ésa bui! Áɓɛ ɓó.

2 Pɛ́tɛɛ 3:11

Cɔ, ɓî kema bubui agogokanande ɓó, akeni tambea anu áɓɛ ɓo? Akeni tambea anu áɓɛ ɓíndɔ Mokonga akondi na tamba mosá akɛ kángá kisɛki,