1 Pɛ́tɛɛ 2:11 - Ɔngana á Kɛ̌kɛ

¹¹ Ɓadani ékondi, ɓonde ɓakɛni na ɓato á motô ka mokonda ndee. Kaɓondɔ unge nɛnɔ́phɛí gea, teani mɔphɛ ájeɗe, nnde aomana na měma anu.

1 Pɛ́tɛɛ 2:11 Iomraidhean Croise

Lóka 21:34

«Ɛ́ngɛphani! Měma anu kaɗokómanɛmbɛ ka nyɔngɔ á eaga n'ɛbɛɗi á makana, phɔtɔ na mɔphɛ á enda. Ɓoogea ɓó, mmbe esa ndɔ anosɛnɛkɛande kángá mosenda.

Ekuma á ɓateki 15:20

Ɓéɗunduiɛ ndiu ɓaoɓa ka gea, ɓáyé ɓɔjɔɔkiɔ nde a ka ya nyama nde ɗáɓáphúi ka phɛ́a. Ɓákágɛ mɔnɔ k'aphe á otungɔ. Ɓákáeɛ mɔnɔ nyama n'aku ǐti, ɓákáeɛ mɔnɔ phɔtɔ magia.

Ekuma á ɓateki 15:29

Ɓókoeɛ mɔnɔ eea nde ɓáphúi ka phɛ́a á ɓamokonga á mbɛa, ɓókoeɛ phɔtɔ magia, na nyama n'aku ǐti. Ɓókógɛ mɔnɔ gǎkɛ k'aphe á otungɔ. Ɓǒɓangisa na nndɔ, ámbé ɓogi ánjá. Ɓenosesi!»

Ɓalɔ́ma 12:1

Ɓaya, ɓî Mokonga aɔnisi ɓonjánja nɛkɛ ka phɔasu, nenóɗengemisigi gea, ɓóbisɛ enda anu bui ka Mokonga ɓea ɔphɛ́ɔ ánjá, nnde aoenda na kángá ɓojeɗe. Nndɔ aɓande obebɔ nɛnu á ka měma ka yɛ.

Ɓalɔ́ma 7:23

Suɓi á nyama ani nɛɔni gǎkɛ ɛɔphi nɛngbo nnde aomanisa kanisia ani. Nndɔ unge amobisi ka kɔkɔɓɛ ɛ́ɔphi á ɓojeɗe nde aɔbɛɗanaga suɓi ani.

Ɓalɔ́ma 8:13

Nga, kaɓɛ na ɓooenda ka tambea nɛnu á kokpa, ɓokuwande. Kaɓɛ gǎkɛ na ɓokusí nyama anu ka ɓeá tambea á Měma á Mokonga, ɓoendande.

2 Ɓakɔlítɔ 5:20

Ɓende ɓakpa nde ɓɛɔyɔnga k'ína á Yéso nga yɛ aámbé asóteki. Ande gea te, Mokonga aámbé agi te ɓɛ́nɔɔphanɛ. Cɔ, ɓenóɗengemisigi k'ína á Kiísito gea te, ɓɔ́ɔnganɛ na Mokonga.

2 Ɓakɔlítɔ 6:1

Cɔ, ɓesu íɓundɔ ɓɛɔbɛɗanaga kimoci na Mokonga, ɓenóɗengemisigi gea, ɓókóɓɛnjiɛgɛmbɛ ɓonjánja-ékondi nde Mokonga anóphi.

2 Ɓakɔlítɔ 7:1

Cɔ, ɓaya, mɔkɔ ɗanga-ɗanga ndɔ ande asu. Ɓadani ékondi, ambe ɓéesokoseɛ ka tokisa ɓosoɛ nde aosoomisa nyama na měma asu. Ambe ɓékaɓɛ ɓá ɓato á kanga ɓojeɗe na ɓánga á Mokonga.

Ɓagalatía 5:24

Ande gea te, ɓakpa ndea Yéso Kiísito, ɓákɔkɛigi ka moyangɔ mɔphɛ á nyama aɓɔ na kanisia ájeɗe nɛɓɔ.

Ɓaɛphɛ́sɔ 2:19

Kaɓondɔ, ɓenu íɓundɔ ɓókó Ɓayúda, ɓókó ye ɓatókanga, kaɓɛ ɓunde ɗáɓátói ka nji nɛɓɔ, ɓo ye tɔ ɓato á ka nji ndea Mokonga. Ɓo ye tɔ ɓato á k'ékombo nɛkɛ.

Ɓaɛphɛ́sɔ 4:1

Cɔ, eme aámbé ɓámomaki ka mekakɔ ka nyɔngɔ á bɛɗaneaga Mɔkɔta. Ɓî a ɓó, nenóɗengemisigi ɓe: Tambeani ɓíndɔ akeni ka mɔphani ndea Mokonga.

2 Timɔtɛ́ɔ 2:22

Timɔtɛ́ɔ, koɓɛmbɛ na mɔphɛ á koganda, káɓa ndiu koɗoni, ɓeekea, ekondi, ɓujɛjɛ kimoci na ɓunde ɓáokumia ina á Mɔkɔta na měma ánjá.

Ɓaɛbulanía 11:13

Suɓi á ɓeekea nɛɓɔ, ɓáokuwa ɓɔbu kángá tɔá á kema nde Mokonga ɗɛ́ɔku. Cɔ ɓɔ, ɗáɓáɔni gǎkɛ n'a phɔ́tɔ ɗanga, ɓáosesea ú. Mpɔ ɓáoɗigimisa gea, ɗáɓátú ɓakɛni, nji nɛsu nna ka mokonda.

Ɓaɛbulanía 6:9

Cɔ, ɓaya, nanga ɓɛ́yɔnga ɓó, ɓeengekisi ka měma asu gea, aphe á ɓoamia á ka měma nndɔ ɓo kau ande aphe ánjá.

Yakɔ́ɓɔ 4:1

Cɔ, ngíní na sani sɔsɔɓɛ anu atóki súwani? Nna phɔ́ otóka ka mɔphɛ ájeɗe nde aomana suɓi anu?

1 Pɛ́tɛɛ 1:1

Eme Pɛ́tɛɛ, nteki nde ɓa Yéso Kiísito, aámbé neɗundu ɓaoɓa ndee. Neɗundu ka ɓakpa nde Mokonga ɛ̌sɔmbu, ɓunde ɗáɓáphanjekani na ɓáoenda ɓea ɓakɛni ka ntanga-nji á ka Pɔ́ntɔ, Galatía, Kapadɔkía, Asía, na Bitinía.

1 Pɛ́tɛɛ 1:17

Cɔ, akoɓá k'ɛ́mɛmi nɛnu na ɓɔɔmɔphana Mokonga «Abɛ», mmbé aotena nyɔngɔ á nkpa buakɛ kángá oɓayɔ, ka ɓeana na tambea akɛ, tambeani na kɔɓɔɓɔkɔ ka Mokonga ka mbenɔ nde ɓo phɔ́tɔ ka mokonda.

1 Pɛ́tɛɛ 4:12

Ɓadani ékondi, ɓókotangaɛgɛmbɛ ɔna á ɓî ɓo suɓi á nsa á tombaga, ɓea kema nde kátókeni donda anu.

1 Pɛ́tɛɛ 4:2

Kpangá á kɛ̌kɛnde, ka mbenɔ nde anójiganei ka enda anu ka mokonda, tambeani ɓíndɔ Mokonga akondi, kángá tambea ndiu ɓíndɔ měma á kokpa akondi.

2 Pɛ́tɛɛ 3:1

Cɔ, ɓadani ékondi, nnde a ye ɓaoɓa á ko iɓɛ nnde nenóɗundui. Ka ɓaoɓa iɓɛ ndɔ bubui, ɗékondi kanisia anu na jujúkisa á úbapha anu ka gea ɓóɓɛ na kanisia ánjá.