1 Pɛ́tɛɛ 2:1 - Ɔngana á Kɛ̌kɛ

¹ Cɔ, ɓî aɓó, ɗeketani etéte á ɓojeɗe bui: mbɛa, maibe, nsengo na maca.

1 Pɛ́tɛɛ 2:1 Iomraidhean Croise

Matáyɔ 15:7

Ɓato á maibe nde ca! Isáya mɔtu-nyɔngɔ ndea Mokonga ɗáɔtu tɔ ɗoni ka phɔa anu gea:

Matáyɔ 23:28

Ɓo phɔtɔ ɓó nga, ɓíndɔ ɓakpa ɓáɔnɔɔna gǔ-gǔ ɓáokanisia te ɓonde ɓato á ɗoni, suɓi anu n'atúmi ndiu na maibe na ɓojeɗe.

Matáyɔ 24:51

Mɔkɔta nɛkɛ amɔnisande ka ɓɔngɔ na ɓinda akɛ ɓea ɓato á maibe na bisa akɛ k'ɔ́ma nde agámande na ea á minyɔ.

Matáyɔ 7:5

Ntoa-maibe nde ca! Tókisa phɔ́ gbútuka á me nde a k'íso akɔ, mpɔ ɔ́ɔnaphɛ ánjá ka phuia á gbɛɛkɛsɛ á k'íso á dakɔ.

Málikɔ 12:15

Yéso â gǎkɛ oúba maibe nɛɓɔ, áǒúsia te: «Ɓoomotombaga ka ɓo? Cɔ, bikani kani na ka imɔna á ngɔa moci nɛ́ɛnjiɛ.»

Lóka 11:44

Ande ngomi ka ɓenu nga, ɓo ɓea bóta á kala, nnde ɓakpa ɓáotámbaga gǔ í na ɓáká ye oúba.»

Lóka 12:1

Wandɔ, usɛsɛ á ɓakpa ɓáotúndukanaga. Ɓáoɓá ɛlɛphu na ɛlɛphu na ka ɓî ɗáɓáɗɛtɛanigi. Yéso â phɔ́ kǒngoɗeaga ɓagoigi nɛkɛ mosá ka mpɛphɛ gea: «Óengani na cacu ájeɗe ndea Ɓaphaisáyɔ. Ande gea, maibe-maibe nɛɓɔ.

Lóka 6:42

Ɔɔtɔka n'ongoɗi muna-amakɔ: ‹Muna ayí, gea nɛ́ophúiɛ gbɛɛkɛsɛ nde a k'íso akɔ.› Oɓɛ gǎkɛ, kɔ́ɔɔna gbútuka á me ndɔ a k'íso akɔ? Nto á maibe nde ca! Tókisa phɔ́ gbútuka á me nde a k'íso akɔ. Mpɔ, ɔ́ɔɔnapha ánjá, ka gea ótokisɛ ye tɔ gbɛɛkɛsɛ nde a k'íso á muna-amakɔ.

Yoáni 1:47

Mbusa, Yéso áɔmɔna Natanaɛ́li n'aobika mɔtɛ-akɛ. Áɔyɔnga ka phɔakɛ te: «Mɔ́nani Moisilaɛ́li á ɗoni, mmbé nna n'odemayɔ suɓi akɛ.»

Ɓalɔ́ma 1:29

Ɓátúmi n'etéte á kanga koɗoni bui, ɓojeɗe, kokae, mɔphɛ ájeɗe, kuma, ɓátúmi na nsengo, moaga á ɓakpa, sani, maibe, ɓɔ ɓánde ɓato á tɔngana.

1 Ɓakɔlítɔ 14:20

Ɓaya, kanisia anu káɓɛ́ mɔnɔ ɓínde á ɓaniki. Ɓáni ɓaniki ka ɓojeɗe, ɓóɓɛ gǎkɛ ɓagbɛga ka kanisia anu.

1 Ɓakɔlítɔ 5:8

Cɔ, ɓégúɛni jaí nɛsu á Pasáka kángá á cacu á kala, kángá ɓojeɗe na mɔphɛ ájeɗe. Ɓégúɛni ndiu jaí ndɔ na mokati á kanga cacu, ande gea, gúa á jaí ka ɗoni na kángá á ɓojeɗe.

2 Ɓakɔlítɔ 12:20

Ka nyɔngɔ nde neoɓánga gea, mbenɔ nde nekiɗiande mɔtɛ-anu, kénódondeku ɓíndɔ nekondi na ɓenu ɓókómodondɛku phɔtɔ ɓíndɔ ɓokondi. Neoɓánga donda anu suɓi á: Sani, nsengo, esúia, měma éteɓa, mbóma, maca, étondoa, eongo kaɓɛmbɛ.

Ɓaɛphɛ́sɔ 4:31

Ɓókóbisɛmbɛ suɓi á měma anu ɓojeɗe bui nde ɓánogǐí. Ɓókóɓɛmbɛ na esúia, ɓɛí, ntaɓo na mbóma. Sagani ɓojeɗe bui.

1 Ɓatɛsalɔníka 2:3

Ɓɔphɛi nɛsu gǎkɛ, nna na mbɛa, nna na maibe, nna n'odemayɔ.

1 Timɔtɛ́ɔ 3:11

A phɔtɔ ɓó ka ɓake, ɓáɓɛ ɓakpa nde ɓákeni na ɔ́ka aɓɔ, ɓákáɓɛmbɛ n'ɛsɔ ájeɗe-jeɗe, ɓáambɛ tambea aɓɔ ánjá sasaɓɔ na ɓáɓɛ ɓato á ɗoni ka kema bui.

Títɔ 2:3

Óngoɗeaga phɔtɔ ɓaphomi á ɓake gea, ɓáɓɛ na tambea nde akeni mosá á Mokonga. Ɓákaɓɛmbɛ ɓato á yɔngaga ájeɗe-jeɗe ka phɔa á ɓakpa ɓunɛngbo, ɓákáɓɛ mɔnɔ ɓakɔɓɛ á makana, ɓáɓɛ ndiu ɓagoisigi á ɓɔphɛi á ɗoni

Ɓaɛbulanía 12:1

Cɔ, ɓesu phɔtɔ, usɛsɛ á ɓaɗigimisi ndɔ asotimbi ka ɛnjia asu ka njoko á mbangɔ. Kaɓondɔ ɓémakɛni ɗanga nnde aosóɗokomisa na ɓojeɗe nde ɓékéoiphia na tá kau. Ɓéɓɛni na moíngí ka mbagɔ kau.

Yakɔ́ɓɔ 1:21

Kaɓondɔ, tókisani kema nde aɔjɔɔkisa měma na kokae ásii bui nnde ɓoně. Ɓeekeani ndiu na édidisa nyɔngɔ nde Mokonga akoni ka měma anu nga, nndɔ ana ɓukpɛkpɛ á amisa anu ka měma.

Yakɔ́ɓɔ 3:14

Ɓo ndiu oɓá na nsengo ájeɗe na měma á eteɓa, ɓókǒbebɛmbɛ ka mbɛa gea, ɓo na kɔɓɔɔngɛ.

Yakɔ́ɓɔ 4:11

Ɓaya, ɓókoyɔngɛanɛmbɛ ájeɗe. Mmbé aɔn'yɔngɛa dakɛ ájeɗe, kaɓɛ tena á nyɔngɔ nɛkɛ, ayɔngɛi ɛɔphi ájeɗe na tena á nyɔngɔ í. O ye gǎkɛ otena nyɔngɔ ɛ́ɔphi mmbe ǒbisi ye tɔ nteni-nyɔngɔ. Kó ye nto á amba ɛ́ɔphi.

Yakɔ́ɓɔ 4:5

Ɓomá ndiu okanisia te, nyɔngɔ nde a suɓi á Ɓuku á Mokonga ande á jǎi-jǎi ɓî agi te: «Mokonga nna phɔ́ na nsengo ka phɔa Měma akɛ nnde ɗábisi suɓi asu?»

Yakɔ́ɓɔ 5:9

Ɓaya, ɓɔ́kɔngɔngɔnɛanɛgɛmbɛ ka gea ɓákátenɛmbɛ nyɔngɔ nɛnu nga, nteni-nyɔngɔ a ye tɔ k'íso á mpume.

1 Pɛ́tɛɛ 2:16

Tambeani ɓea ɓakpa nde ɓátóki ka kɔkɔɓɛ, a gǎkɛ oɓá n'a ɓó, nndɔ kaɓɛmbɛ aphe á gbukumia á ɓojeɗe. Tambeani ndiu ɓíndɔ akeni ka ɓabɛɗanigi ndea Mokonga.

1 Pɛ́tɛɛ 2:22

Yɛ, ɗákági tanda ɓojeɗe, na ɗákáyɔngi tanda mbɛa.

1 Pɛ́tɛɛ 3:10

Nga, ɗáɓáɗundu suɓi á Ɓuku á Mokonga ɓe: «Mmbé akondi enda ánjá na ɔna esa á ɓɔjɛmɛ, akeni áambɛ eɗáka akɛ na ɓojeɗe, aphenɔkɔ akɛ kayɔngɛmbɛ mbɛa.

1 Pɛ́tɛɛ 4:2

Kpangá á kɛ̌kɛnde, ka mbenɔ nde anójiganei ka enda anu ka mokonda, tambeani ɓíndɔ Mokonga akondi, kángá tambea ndiu ɓíndɔ měma á kokpa akondi.

1 Pɛ́tɛɛ 4:4

Cɔ, kɛ̌kɛnde, ɓakpa nde ɓákáomúba Mokonga ɓáotangaaga nga, ɓókó ye kimoci na ɓɔ k'aphe á nyɔngɔ ájeɗe-jeɗe. Ka nyɔngɔ índɔ unge ɓáonóbóma.

Mphaniɔ 14:5

Ɗáɓákáyɔngi tanda mbɛá, ɓáoɓá kángá kisɛki.