1 Pɛ́tɛɛ 1:8 - Ɔngana á Kɛ̌kɛ

⁸ Cɔ, ɓonkondi Yéso, nanga ɗɔ́ɓɔ́kɔ́mɔni ka yɛ. Ɓomɓeeki, nanga kɛ̌kɛnde ɓɔ́kɔ́ɔmɔna. Kaɓondɔ unge ɓotúmi na maseye ángbó phɛɛ, nnde nkpa nnaɔtɔka n'atɔ̌mi ú.

1 Pɛ́tɛɛ 1:8 Iomraidhean Croise

Matáyɔ 10:37

Nkpa nde ankondi abakɛ kaɓɛ amakɛ kɔmɔnyɛ́nya, kámokeni ně. Mmbé ankondi moganda kaɓɛ nsɛka nɛkɛ kɔmɔnyɛ́nya, kámokeni ně.

Yoáni 14:15

Aoɓá na ɓomokondi, ɓoambande ɛɔphi nɛmɔ.

Yoáni 14:21

Nkpa nde aoɓeekea ɛɔphi nɛmɔ na amba í, aámbé amokondi. Nkpa nde amokondi, Abɛ ankondande, n'eme phɔtɔ nenkondande, něphangiande ka yɛ.»

Yoáni 14:24

Nkpa nde nnaomokonda, nna gǎkɛ oamba nyɔngɔ nɛmɔ. Nga, nyɔngɔ nde ɓɔɔ́ka, nna nɛmɔ, a ndiu ndea Abɛ, mmbé amoteki.

Yoáni 16:22

Ɓenu gǎkɛ, kɛ̌kɛnde ɓo phɔ́tɔ otambaga. Ɓî nɛnɔɔnande goto, ɓoɓande na maseye. Maseye kau, nkpa kánóutɛku.

Yoáni 20:29

Yéso áongoɗea: «Ka nyɔngɔ nde ɔmɔɔni aunge oɓeeki? Maseye ka ɓunde ɓáoɓeekea nyɔngɔ na ɓákáɔni!»

Yoáni 8:42

Yéso áǒgeae: «Atúoɓá Mokonga n'ande Abanu, ámbé ɗóɓomokondi. Nga, ɗétóki mɔtɛ á Mokonga, néobika wani. Kébiki k'éme sisani, yɛ ndiu aámbé ɗámoteki.

Ekuma á ɓateki 16:34

Mpɔ mɓondigi-mekakɔ áǒɗaphisa Pɔ́lɔ na Síla k'éndu nɛkɛ, áǒɓopha eea. Yɛ kimoci na ɓato á k'éndu nɛkɛ ɓáotúma na maseye phɛɛ ka nyɔngɔ nde, ɗáɓámɓeeki Mokonga.

Ɓalɔ́ma 14:17

Nga, koɓoamɛ ndea Mokonga nna ka nyɔngɔ á kema á koea na kema á konoa. A ndiu á koɗoni, ɓujɛjɛ na maseye nde Měma á kanga ɓojeɗe aobikisa.

Ɓalɔ́ma 15:13

Ambe Mokonga mɛna-nseɓeɔ ánotúmisɛ na maseye na ɓujɛjɛ phɛɛ suɓi á ɓeekea ka gea ɓótúmɛ na nseɓeɔ ka ɓukpɛkpɛ ndea Měma á kanga ɓojeɗe.

1 Ɓakɔlítɔ 16:22

Aoɓá nkpa na kánkondi Mɔkɔta, ambe ɓánsɛmɛɛgɛ! Mɔkɔta nɛsu bika!

2 Ɓakɔlítɔ 1:22

Asóbisíí epe nɛkɛ nnde aoɗigimisa gea, ɓende ɓakpa nɛkɛ n'ande Měma á kanga ɓojeɗe suɓi asu nnde ande moéma á kema bubui nde asóbisi.

2 Ɓakɔlítɔ 12:4

Cɔ, nkpa ndɔ áɔɔ́ka nyɔngɔ á ketangaɔ nde kákeni gǎkɛ ɔtɔa í.

2 Ɓakɔlítɔ 4:18

Nga, ɓetúmíí iso asu ka kema nde ɓánáɔɔna, nna gǎkɛ ka kema nde ɓáɔɔna. Ande gea te, kema nde ɓáɔɔna nnaoiphia, nnde gǎkɛ ɓánáɔɔna aunge aoiphia mɛyɔ.

2 Ɓakɔlítɔ 5:7

Ande gea te, ɓeoenda suɓi á ɓeekea kángá á ɔna ka kema.

2 Ɓakɔlítɔ 9:15

Cɔ, ɓosegi ka Mokonga ka nyɔngɔ á egabɔ nɛkɛ ángbó phɛɛ.

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓagalatía 5:6

Nga, ka nkpa nde aɔngani na Yéso Kiísito, gúa á ganja na ika á kanga á gua ganja, nndɔ nna na kantíti. Nnde ana kantíti a tɔ ɓeekea nde aɔɔnɛkana k'ékondi.

Ɓaɛphɛ́sɔ 3:19

Ɓoúbande ekondi nde anyɛ́nyi úbapha bui na ɓɔtɔande enda bui ndea Mokonga na aikande buakɛ suɓi anu.

Ɓaɛphɛ́sɔ 6:24

Ambe ɓonjánjá-ékondi ndea Mokonga áɓɛ ka ɓakpa ɓɔbu ɓunde ɓánkondi Mɔkɔta nɛsu Yéso Kiísito n'ekondi nde nnaosía.

Ɓaphilípi 1:25

Ɓî neengekisi ye nndɔ, néoúba gea, neendande, néoika na ɓenu ɓɔbu. Mpɔ, ɓóoga mosá ka ɓeekea na ɓá na maseye.

Ɓaphilípi 3:3

Ɓesu ndiu ɓáunge ɓende ɓagu-ganja á ɗoni nga, ɓeonɗokomisa Mokonga ka Měma akɛ. Ɓeǒbeɓa ka nyɔngɔ á Kiísito Yéso. Nseɓeɔ nɛsu nna ka ɓesu sisasu.

Ɓaphilípi 4:4

Cɔ, ɓáni na maseye mbenɔ bui, ka nyɔngɔ á ɔngana anu na Mɔkɔta. Nesikíí goto: Ɓáni na maseye.

Ɓaɛbulanía 11:1

Ɓeekea á Mokonga ande ɗigimisa kema nde ɓe ye tɔ na ɓeseɓei. Ande phɔtɔ úba á ɗoni gea, kema nde ɓékéɔɔna atɔtɔkɛanande.

Ɓaɛbulanía 11:27

Ka nyɔngɔ á ɓeekea, Mósa ɗátóki na Mísii kángá á ɓánga esuia ndea moamɛ. Áosuia ú ɓea nkpa nde aɔmɔɔna Mokonga mmbé ɓákáɔmɔɔna n'iso.

1 Pɛ́tɛɛ 1:6

Ka nyɔngɔ índɔ bui unge, ɓáni na maseye phɛɛ, nanga kɛ̌kɛnde akeni ɓóɓɛ suɓi á tombaga ɗanga-ɗanga ka mbenɔ ábɔa.

1 Pɛ́tɛɛ 2:7

Cɔ, ka ɓenu íɓunde ɓoɓeeki, ɛtɛ ndɔ ana kantíti phɛɛ. Ka ɓunde gǎkɛ ɓákáɓeeki: «Ɛtɛ nde ɓaphɛki ɗáɓáyé, aunge ande ngeɔ á mɔphɛkɔ.»

1 Pɛ́tɛɛ 5:4

Mbenɔ ndɔ Mɔkɔta á ɓaambi-etuge asɛnɛkande, ɓɔtɔande kuku á ɓoombia nde ɓonjánja í nna osía.