1 Pɛ́tɛɛ 1:6 - Ɔngana á Kɛ̌kɛ

⁶ Ka nyɔngɔ índɔ bui unge, ɓáni na maseye phɛɛ, nanga kɛ̌kɛnde akeni ɓóɓɛ suɓi á tombaga ɗanga-ɗanga ka mbenɔ ábɔa.

1 Pɛ́tɛɛ 1:6 Iomraidhean Croise

Matáyɔ 11:28

«Bikani mɔtɛ-amɔ ɓenu ɓɔbu íɓunde ɓootambaga na nkumba áɗokǒ, eme nenophande múmbiɔ.

Matáyɔ 26:37

Áɔmbɛɗa Pɛ́tɛɛ na ɓaniki-ɓǒko ɓaɓɛ ɓunde á Jɛbɛdáyɔ. Wa, áoɓá na ɓɔmbɛ na ágátana á měma.

Matáyɔ 5:12

Gúani jaí na maseye, ka nyɔngɔ nde ɛkɔmi nɛnu ángbó ana koba. Nga, ɓondɔ unge ɗáɓáetambisigi ɓaɔtu-nyɔngɔ ndea Mokonga á mosá anu.

Lóka 1:47

měma ani ana maseye phɛɛ ka Namisi nɛmɔ Mokonga,

Lóka 10:20

Ɓî aɓó, ɓókóɓɛmbɛ na maseye ka nyɔngɔ á ɓeaga á ɓansombo. Ɓáni ndiu na maseye ka nyɔngɔ nde ɓáɗundu ina anu na koba.»

Lóka 2:10

Malaéka â ndiu ǒgea: «Ɓókoɓɛmbɛ na kɔɓɔɓɔkɔ. Nga, nenóbikíí na nyɔngɔ ánjá, á maseye phɛɛ, n'aɓande ka ɓakpa ɓɔbu.

Yoáni 16:22

Ɓenu gǎkɛ, kɛ̌kɛnde ɓo phɔ́tɔ otambaga. Ɓî nɛnɔɔnande goto, ɓoɓande na maseye. Maseye kau, nkpa kánóutɛku.

Yoáni 16:33

Netónongoɗi nndɔ bui ka gea, ɓóɓɛ na ɓujɛjɛ ka jukana anu n'eme. Ɓotambagande ka mokonda. Cɔ, ɓáni gǎkɛ na nténdé, ne ye kíndí mokonda.»

Ekuma á ɓateki 14:22

Ɓî ɗáɓáotamba ka nji ndɔ bui, ɓáogbagisaga měma á ɓagoigi gea, ɓáendɛ ka ɓeekea nɛɓɔ. Ɓáǒgea te: «Akeni ɓásotambisɛgɛ phɛɛ mosá á ngia asu ka koɓoamɛ ndea Mokonga.»

Ɓalɔ́ma 12:12

Ɓáni na maseye ka nyɔngɔ nde ɓoseɓei, ɓáni na měma áɗokǒ suɓi á tambaga. Mɛmani na moíngi ka koɗoni.

Ɓalɔ́ma 5:11

Nna tɔndɔ nndɔ, ɓe ndiu na maseye ka Mokonga ka nyɔngɔ á Mɔkɔta nɛsu Yéso Kiísito mmbé asɔɔnganisi kɛ̌kɛnde na Mokonga.

Ɓalɔ́ma 5:2

Ka nyɔngɔ akɛ phɔtɔ unge ɓena ɓeekea gea, ɓebîmisi ɓonjánja-ékondi ndea Mokonga nnde ande cina á ɓeekea nde ɓeikíí. Ɓena maseye ka nyɔngɔ nde nseɓeɔ nɛsu ande ɓá na ɓoombia ndea Mokonga.

Ɓalɔ́ma 9:2

Měma ani atúmi na ɓɛí phɛɛ na tambaga nde nna na sungiaga.

2 Ɓakɔlítɔ 4:17

Tambaga nesu á kɛ̌kɛnde nna akpɛ na káiphiɛku. A ndiu osóɓɔngisia ɓophómbia ángbó phɛɛ. Ɓophómbia kau aɓande mɔɛnda na aángbó phɛɛ, kɔnyɛ́nya tambaga nde ɓe kau.

2 Ɓakɔlítɔ 6:10

Ɓáɔsɔ́ɓɛisa na ɓe gǎkɛ na maseye esa bui. Ɓáokanisia te ɓende ɓaúki, na ɓendiu ɔ̌tɔisa ɓakpa ɓunɛngbo. Ɓáokanisia te ɓéké na ka kema, na ɓe ndiu na kema bubui.

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓaphilípi 2:26

Cɔ, ɓî ɗáseɓei phɛɛ gǎ ɔna anu goto ɓenu ɓɔbu, ɗá gǎkɛ oiyanaga phɛɛ ka nyɔngɔ nde, ɗɔɓɔɔ́ki gea, ɗátú osamba.

Ɓaphilípi 3:3

Ɓesu ndiu ɓáunge ɓende ɓagu-ganja á ɗoni nga, ɓeonɗokomisa Mokonga ka Měma akɛ. Ɓeǒbeɓa ka nyɔngɔ á Kiísito Yéso. Nseɓeɔ nɛsu nna ka ɓesu sisasu.

Ɓaphilípi 4:4

Cɔ, ɓáni na maseye mbenɔ bui, ka nyɔngɔ á ɔngana anu na Mɔkɔta. Nesikíí goto: Ɓáni na maseye.

1 Ɓatɛsalɔníka 1:6

Ɓenu phɔtɔ, ɗóɓoɓǐ tambea asu, n'índe á Mɔkɔta. Ɓô phɔtɔ oɓeekea ɓɔphɛi á Mbino-Ánjá ndɔ, nanga ɓî ɗóɓotambigi phɛɛ ka nyɔngɔ ndɔɔ. Ɗóɓotú ndiu na maseye á Měma á kanga ɓojeɗe.

Yakɔ́ɓɔ 1:2

Ɓaya, ɓáni na maseye phɛɛ mbenɔ nde ɓoongia ka tombaga ɗanga-ɗanga.

Yakɔ́ɓɔ 1:9

Múki áɓɛ na maseye nga, Mokonga anɗokomisi.

Yakɔ́ɓɔ 4:9

Ɓáni suɓi á oiyɔ na ngamɔ ka nyɔngɔ á tambaga anu. Kětiani tɔa nɛnu ka ngamɔ na maseye nɛnu k'óiyɔ.

1 Pɛ́tɛɛ 3:17

Nga, ambe tambaga n'ogea kema ánjá, aoɓá nndɔ n'ande mɔphɛ á Mokonga, na kótambigi ka nyɔngɔ á gea kema ájeɗe.

1 Pɛ́tɛɛ 4:7

Cɔ, sungiaga á kema bui a ye tɔ bíbí. Kaɓondɔ, koɗani iso na ɓáni na kɔɓɔɔngɛ ka gea, ɓóɓɛ na ɓukpɛkpɛ á mɛma á Mokonga.

1 Pɛ́tɛɛ 5:10

Mokonga mɛna-ɓonjánja-ékondi bui, ɗánɔɔphani ka gea te ɓóɓɛ kimoci na yɛ ka ɓoombia mɛyɔ ka jukana anu na Kiísito. Cɔ, mbusa á tambaga anu ka mbenɔ ábɔa, anóconjande goto, anóphande ɓukpɛkpɛ, anógbagisagande ka měma, áonópha ésimbia.