1 Pɛ́tɛɛ 1:25 - Ɔngana á Kɛ̌kɛ

²⁵ Nyɔngɔ á Mɔkɔta a gǎkɛ oenda mɛyɔ.» Cɔ, nyɔngɔ nde, ande á Mbino-Ánjá nde ɗáɓánɔphɛí.

1 Pɛ́tɛɛ 1:25 Iomraidhean Croise

Matáyɔ 5:18

Nenóngoɗi ɗoni gea te, mosá á sungiaga á koba na mokonda, nna tanda na miki á nyɔngɔ moci kaɓɛ phaeka í, nnde aimikande k'ɛɔphi na ka ɓî nyɔngɔ bui atɔtɔkɛanande.

Lóka 16:17

Koba na mokonda anyɛ́nyande kángá ngǎka. Nna ndiu tanda na miki á ɗundua n'ábɔa ɛ́ɔphi nde anyɛ́nyande ɓó.»

Yoáni 1:1

Ka nkpangeɔ, Moyo ɗátú ɓei. Moyo ndɔ, ɗátú kimoci na Mokonga, Moyo ɗátú Mokonga.

Yoáni 1:14

Moyo áoɓá nkpa, áoika sɔsɔɓɛ asu. Áotúma na ɓonjánja-ékondi na koɗoni. Ɗɛ́ɓɛɔni ɓoombia akɛ, ɓoombia nde ngɔmu atɔi ka Abakɛ.

1 Ɓakɔlítɔ 2:2

Ɓî ɗétú sɔsɔɓɛ anu, ɗékékondi gǎkɛ néúbɛ nyɔngɔ nɛngbo na nna tɔndɔ nyɔngɔ á Yéso Kiísito, mmbɔ ɗáɓámowe ka moyangɔ.

Ɓaɛphɛ́sɔ 2:17

Ande gea, Kiísito ɗábiki ɔtɔmiaga Mbino-Ánjá á ɓujɛjɛ ka ɓakpa ɓɔbu. Ka ɓenu ɓato á k'ekuna nɛngbo, ɓunde ɗóɓotú ɗanga na Mokonga, phɔtɔ ka Ɓayúda ɓunde ɗáɓátú bíbí akɛ.

Ɓaɛphɛ́sɔ 3:8

Nende gǎkɛ kusi á ɓaɓêki ɓɔbu. Nanga áɓá ɓó, eme aámbé Mokonga ɗámopi ɓonjánja-ékondi nde ka gea te, nɛ́ɛtɔmiɛgɛ ɓakpa nde ɓáná Ɓayúda, Mbino-Ánjá á ɛtɔi á kanga sungiaga ndea Kiísito.

Títɔ 1:3

Ka mbenɔ nde Mokonga Namisi nɛsu ɗábisi, ɗámoúbisi base mbino nde ɗámopi ka ɓeana na moangɔ nɛkɛ gea te, nɛ́tɔ̌miɛgɛ.

Ɓaɛbulanía 6:5

ɓâ phɔtɔ oɗíía nyɔngɔ ánjá ndea Mokonga na ɔ́ka ɓukpɛkpɛ á matú nde abikande,

1 Pɛ́tɛɛ 1:12

Mokonga ɗéúbisi gea te, mbino ndɔ ɗákátú ka phɔaɓɔ sasaɓɔ, ɗátú ndiu ka phɔanu. Cɔ, kɛ̌kɛnde, ɓatɔmi Mbino-Ánjá ɗáɓánɔ́tɔ̌mi mbino ndɔ na ɓukpɛkpɛ á Měma á kanga ɓojeɗe, mmbé Mokonga ɗánteki ka toka na koba. Ɓamalaéka ɓɔ sasaɓɔ ɓákondi phɔtɔ úba á mbino ndɔɔ.

1 Pɛ́tɛɛ 1:23

Cɔ, ɓɔɓɔkɔtɛani mɔngɔ á koiɓɛ, nna ka mbó á kokpa nnde aokuwa, a ndiu ka mbó nde nnaokuwa, ande gea, nyɔngɔ á Mokonga nnde aoenda mɛyɔ.

1 Pɛ́tɛɛ 2:2

Ɓáni ɓea ɓambɛnjɛ. Ɓíndɔ ɓambɛnjɛ ɓána siki á unga ɛɓɛ, ɓenu phɔtɔ ɓáni na siki á unga ɛɓɛ ánjá á ka měma ka gea ɓɔ́mɔtɛ na ama ka měma n'ande nyɔngɔ á Mokonga.

2 Pɛ́tɛɛ 1:19

Ɓeɓeeki phɔtɔ phɛɛ nyɔngɔ nde ɓaɔtu-nyɔngɔ ndea Mokonga ɗáɓátɔ̌migi. Ɓenu ɓogi phɔtɔ ánjá nga, ɓoambi nyɔngɔ nɛɓɔ. Mbino ndɔ a ɓea ɔbɛa n'aɔbɛnya ka keiphe, na ka ɓî esa agande kosa na mbenɔ nde sɛɛngɔa á kamɓimba abɛnyande ka měma anu.

1 Yoáni 1:1

Ɓɛɔnɔtɔmia Moyo nde aoendisa nnde ɗátú kpanga nkpangeɔ. Ɗɛ́ɓɛɔ́ki ú, ɓɛ́ɔɔna ú n'íso asu sisasu, ɓeotúmia ú n'íso, ɓéoɓaɓa ú.

1 Yoáni 1:3

Cɔ, nnde ɗɛ́ɓɛɔni na ɔ́ka í, aunge ɓɛnɔtɔ̌mi phɔtɔ ka gea te, ɓɛ́ɔnganɛ na ɓenu ka komunamema nde ɓe kau n'Abɛ, n'Anakɛ Yéso Kiísito.

Mphaniɔ 14:6

Mbusa, nɛ́ɔmɔna malaéka ndea Mokonga ɓaangbo n'aoyaa ka mpɛna phɛɛ. Ɗábiki ɔtɔmia Mbino-Ánjá á Mɛyɔ ka ɓakpa ɓɔbu á ka mokonda, ka nji bui, ekuna bui, etéte á ɛyɔngi bui, na ketoto bui.