1 Pɛ́tɛɛ 1:22 - Ɔngana á Kɛ̌kɛ

²² Ɓá ye nosokosei ka nyɔngɔ á ɓeekea anu ɗoni. Ka nyɔngɔ índɔ unge ɓoókondi ɓadanu ɓaɓêki kángá maibe. Cɔ, kóndanagani sɔsɔɓɛ anu phɛɛ na měma anu bui.

1 Pɛ́tɛɛ 1:22 Iomraidhean Croise

Yoáni 15:17

Cɔ, ɛɔphi nde nenósosi ande gea, Kondanagani sɔsɔɓɛ anu.

Yoáni 15:3

Cɔ, ɓenu ɓánosokosei ye tɔ ka měma ka nyɔngɔ á ɓɔphɛi nde ɗénóphɛí.

Yoáni 17:17

Ósokosea ka koɗoni, nyɔngɔ nɛkɔ aunge ande ɗoni, ɓéyameɛ ka phɔa akɔ ka ɗoni.

Yoáni 17:19

Ka nyɔngɔ aɓɔ unge, něyamei buani k'óɓɛ, ka gea, ɓɔ phɔtɔ ɓáɓɛ ɓakpa nɛkɔ ɗoni.

Ekuma á ɓateki 15:9

Kásótinganisi gǎkɛ na ɓɔ nga, asokosei měma á ɓɔ ka nyɔngɔ nde ɓáɓeeki.

Ekuma á ɓateki 6:7

Mpɔ, nyɔngɔ á Mokonga áɔɛmba phɛɛ, ɓagoigi ɓáoɓika phɛɛ ka Yɛusalɛ́ma. Ɓatoɓeigi-phɛ́a ɓásii ɓâ phɔtɔ omɓeekea Yéso.

Ɓalɔ́ma 1:5

Ka nyɔngɔ á Yéso unge Mokonga ɗámopi ɓonjánja-ékondi na ekuma á ɓá nteki, ka úbisa á ɓato á ekuna bui gea te, ka ina akɛ ɓámɓeekeɛ na ɓámɓangɛ.

Ɓalɔ́ma 2:8

Aphangiande gǎkɛ ɓɛí na esúia nɛkɛ ka ɓakpa nde ɓánde ɓaɓiɓia akɛ na ɓunde ɓáoyá ɗoni na ɓeá á ɓojeɗe.

Ɓalɔ́ma 8:13

Nga, kaɓɛ na ɓooenda ka tambea nɛnu á kokpa, ɓokuwande. Kaɓɛ gǎkɛ na ɓokusí nyama anu ka ɓeá tambea á Měma á Mokonga, ɓoendande.

2 Ɓakɔlítɔ 6:6

Ɓɛɔ̌ɔnisa sisasu gea ɓende ɓabɛɗanigi ndea Mokonga ka esokosea asu, úbapha asu, ɓá asu na měma á phiphia na ɓonjánja. Ɓe kimoci na Měma á kanga ɓojeɗe k'ékondi nɛsu á ɗoni á ɗoni.

Ɓagalatía 3:1

Ɓagalatía ɓabóbó nde ca! Ani mmbé anɔɔgi mɔnɔ? Nyɔngɔ á kukuwa á Yéso ka moyangɔ ɗáɓátɔ̌migi ú base mosá anu.

Ɓagalatía 5:5

Ɓesu gǎkɛ, nseɓeɔ nɛsu ande gea Mokonga aámbé asóngoɗande ɓato á koɗoni mosá akɛ ka nyɔngɔ á ɓeekea. Nndɔ ungɔ ɓeoɓondea ka ɓukpɛkpɛ á Měma á kanga ɓojeɗe nnde a suɓi asu.

Ɓagalatía 5:7

Tambea anu atókpangi ánjá. Ani goto anoɗakei aphe na imisia anu ɓeá á ɗoni?

Ɓaɛphɛ́sɔ 4:3

Suiani ika suɓi á ɔngana nde Měma á kanga ɓojeɗe aobikisa ka ɓujɛjɛ nde anójúkanisi.

Ɓaphilípi 1:9

Cɔ, ɛmɛmi nɛmɔ ka Mokonga a ɓe: Ekondani nɛnu áɓikɛ phɛɛ, ɓóúbaphɛ na ɓá na kɔɓɔɔngɛ phɛɛ

1 Ɓatɛsalɔníka 3:12

Mɔkɔta ánotúmisɛ phɔtɔ n'ekondi ka ɓakpa ɓea mboso n'atúmi na iɓo, áoɗǔkanaga. Mpɔ, ekondi nɛnu áokengeana n'índeasu ka ɓenu.

2 Ɓatɛsalɔníka 1:3

Ɓaya, akeni ɓénsegɛ Mokonga esa bui ka phɔa anu. Aánjá ɓegeɛ ɓó nga, ɓeekea nɛnu aɔmɔta phɛɛ, na ekondani nɛnu ɓenu ɓɔbu, nkpa na nkpa ka dakɛ amɔti phɔtɔ phɛɛ.

2 Ɓatɛsalɔníka 2:13

Ɓaya, akeni gǎkɛ ɓesu ɓémbebɛ Mokonga esa bui ka nyɔngɔ anu, ɓenu íɓunde Mɔkɔta anókondi. Ande gea, Mokonga ɗánɔsɔmbu mosá ka gea, ɓóamɛ ka měma ka ɓukpɛkpɛ á Měma á kanga ɓojeɗe nnde aonóɓotea ka enda ánjá, phɔtɔ ka nyɔngɔ nde ɓoɓeeki ɗoni.

1 Timɔtɛ́ɔ 1:3

Ɓî ɗétúoga na Makɛdɔnía, ɗékongonɗi gea, óikɛ ka Ɛphɛ́sɔ. Kó, óimisiɛ ɓakpa nde ɓáogoisaga ɓɔphɛi á mbɛa.

1 Timɔtɛ́ɔ 1:5

Cɔ, cina á ɓɔphɛi nɛmɔ wani, ande bikisa ékondi nde aotóka suɓi á měma ánjá, úbapha ánjá na ɓeekea nde nna na maibe.

1 Timɔtɛ́ɔ 4:12

Ambe nkpa kakɔɓɛnjiɛgɛmbɛ ka nyɔngɔ nde onde moganda. Óɓɛ ndiu mphangiɔ ka ɓaɓêki, ka ɛyɔngi akɔ, tambea akɔ, k'ékondi, ɓeekea, na ka enda akɔ ánjá.

1 Timɔtɛ́ɔ 5:2

ɓagbɛga á ɓake ɓea ɓamakɔ, na ɓaseka ɓea ɓ'áwákɔ kángá ɓá na kanisia ájeɗe ka phɔa ɓɔ.

2 Timɔtɛ́ɔ 1:14

Ámbá ánjá nyɔngɔ nde ɗáɓákophi, ka ɓukpɛkpɛ á Měma á kanga ɓojeɗe nnde aiki suɓi akɔ.

Ɓaɛbulanía 11:8

Ka nyɔngɔ á ɓeekea, Abalaámu ɗáɓeeki mɔphani ndea Mokonga gea te, átokɛ ka nji nɛkɛ ágɛ ka nji nde Mokonga ɗámɔku gea átɔ́ɛ ú ka ɓotukɔ. Abalaámu áotóa kángá úba ɔma nde aoga.

Ɓaɛbulanía 13:1

Ikani k'ékondi á komunamema ngǔngu anu.

Ɓaɛbulanía 5:9

Ka nyɔngɔ nde ɗákáúki ye ka kema, â ye tɔ oɓá cina á ɓoamia á mɛyɔ ka ɓakpa ɓɔbu ɓunde ɓáɔmɔ́ka yɛ.

Ɓaɛbulanía 6:10

Mokonga nna na měma akpɛ. Káɓoseɛku ekuma nɛnu na ekondi nɛnu ka phɔakɛ nga, ɗóɓobɛɗanigi na ɓî ɓo phɔ́tɔ ɔ̌bɛɗaneaga ɓaɓêki ɓunɛngbo.

Ɓaɛbulanía 9:14

Cɔ, kaɓɛ nndɔ bui n'ande ɗoni, ande gea te magia á Kiísito ana ɓukpɛkpɛ phɛɛ kɔnyɛ́nya nndɔ bui. Nga, ka Měma á mɛyɔ, Kiísito ɗábisi enda akɛ sasakɛ ka Mokonga ɓea nyama á phɛ́a nde nna na kiɗɔti. Magia akɛ aunge aosokosea úbapha asu ka toka k'aphe nde aosóɓotea ka kukuwa, ka gea ɓémbɛɗaneɛgɛ Mokonga mmbé aoenda.

Yakɔ́ɓɔ 1:21

Kaɓondɔ, tókisani kema nde aɔjɔɔkisa měma na kokae ásii bui nnde ɓoně. Ɓeekeani ndiu na édidisa nyɔngɔ nde Mokonga akoni ka měma anu nga, nndɔ ana ɓukpɛkpɛ á amisa anu ka měma.

Yakɔ́ɓɔ 4:8

Mbîmisiani Mokonga, yɛ anóbîmisiande phɔtɔ. Ɓato á ɓojeɗe, sokoseani njaga anu. Ɓato á mɔphɛ ɗanga-ɗanga, sokoseani měma anu.

1 Pɛ́tɛɛ 1:2

Abɛ Mokonga ɗánɔsɔmbu mosá ka ɓeana na moangɔ nɛkɛ. Áonóbisa ɓato á Mokonga kángá ɓojeɗe ka ɓukpɛkpɛ á Měma akɛ ka gea, ɓɔ́mɔ́kɛ Yéso Kiísito na magia akɛ ánosokoseɛ. Cɔ, ɓonjánja-ékondi ndea Mokonga na ɓujɛjɛ áɓikɛ gǔ anu.

1 Pɛ́tɛɛ 2:17

Óɗokomisani ɓakpa ɓɔbu, ókondani ɓadanu ɓaɓêki, mɓángani Mokonga, nɗokomisani moamɛ.

1 Pɛ́tɛɛ 3:1

A phɔtɔ ɓó ka ɓenu ɓake, ɔ́ɓɔ́kani ɓamunyanu. Nga, nanga ka ɓɔ sɔsɔɓɛ aɓɔ ɓákáoɓeekea nyɔngɔ á Mokonga, ɓǒɓoteande ka tambea anu ánjá kángá ngoɗea aɓɔ ka nyɔngɔ,

1 Pɛ́tɛɛ 3:20

Ɓato á mekakɔ ndɔ ɓánde ɓundɔ ɗáɓákámɓeeki Mokonga, kala ɓî Mokonga ɗátú na měma éndǎ ka ɓɔ, ka matú ndɔ Nɔ́a ɗáɔsɛka koko ángbó. Ɓakpa ɓábɔa tɔ, ka ɓɔbu ngianjaga isaɔ (8), ɓáunge ɗáɓáami ka iɓo.

1 Pɛ́tɛɛ 3:8

Ka sungiaga, ɓáni ɓenu ɓɔbu na kanisia mo na měma mo. Kondanani ɓea ɓato á komunamema, ɓáni na měma ánjá, n'ědidisa sɔsɔɓɛ anu.

1 Pɛ́tɛɛ 4:17

Cɔ, mbenɔ á tena nyɔngɔ a bîmani. Aoɓá tena á nyɔngɔ n'akpangi ka ɓesu ɓato á Mokonga, sungiaga í aɓande ɓoni ka ɓunde ɓáoyá ɓeekea á Mbino-Ánjá ndea Mokonga?

1 Pɛ́tɛɛ 4:8

Mosá á kema bui, ɓáni n'ekondi sɔsɔɓɛ anu phɛɛ nga, ekondi aogbukumia ɓojeɗe ásii.

2 Pɛ́tɛɛ 1:7

gǔ á tambea ánjá mosá á Mokonga, ɓóyameɛ ekondi á komunamema na gǔ ékondi á komunamema, ɓóyameɛ ekondi.

1 Yoáni 3:11

Cɔ, nyɔngɔ nde ɗɔ́ɓɔɔ́ki kpanga nkpangeɔ aungee: Ɓékondanɛni ngǔngu asu.

1 Yoáni 3:23

Ɛɔphi nɛkɛ aungee: Ɓéɓeekeɛ ina á Anakɛ Yéso Kiísito, na kondana ngǔngu asu ɓíndɔ ɗásósosi.

1 Yoáni 4:12

Nna tanda na nkpa nde amɔnimbɛmɔnɔ Mokonga. Aoɓá na ɓeokondana, Mokonga aiki suɓi asu na ekondi nɛkɛ atɔtɔkɛani ka ɓesu.

1 Yoáni 4:20

Aoɓá nkpa n'agi te: «Nenkondi Mokonga», n'aonkangea muna-amakɛ, ámbé ande nto á mbɛa. Nga, aoɓá nkpa na kánkondi muna-amakɛ mmbé áɔmɔna, kátɔkɛku n'ankondi Mokonga mmbɔ nnaɔmɔna.

1 Yoáni 4:7

Ɓadani ékondi, ɓékondanɛni nga, Mokonga ande cina ékondi. Nkpa buakɛ mmbé ana ekondi ande muna-Mokonga na amúbi Mokonga.

Mphaniɔ 2:4

Cɔ, nyɔngɔ nde ne gǎkɛ ně ka phɔakɔ a ɓe: Kó ye omokonda ɓíndɔ ɗômokonda mosá.