1 Pɛ́tɛɛ 1:19 - Ɔngana á Kɛ̌kɛ

¹⁹ Ophendɔ a ka phɔa anu a ndiu á kema á esombi akpɛ ande gea, magia á Kiísito. Yɛ, ɗákú ɓea muna-mɔgɔgɔ ɔ́phɛɔ, mmbé ɗákátú na kiɗɔti na ɓojeɗe.

1 Pɛ́tɛɛ 1:19 Iomraidhean Croise

Matáyɔ 20:28

Kaɓondɔ unge, eme Muna-Nkpa kébiki ka gea ɓakpa ɓámɔbɛɗaneɛgɛ, nebiki ndiu ka bɛɗaneaga á ɓɔ na bisa á enda ani k'ophendɔ ka amisa á ɓakpa ɓásii.»

Matáyɔ 26:28

nga, nnde ande magia ani, magia á ɔngana nnde aɗǔkani ka nyɔngɔ á ima ɓojeɗe á ɓakpa ɓásii.

Yoáni 1:29

Mama í, Yoáni áɔmɔna Yéso n'ambikíí, áogea: «Mmbé ande Muna-Mɔgɔgɔ ndea Mokonga. Yɛ aámbé aophúia ɓojeɗe á ka mokonda.

Yoáni 1:36

Ɗámɔni ye Yéso n'aɔnyɛ́nya áogea: «Cɔ, Muna-Mɔgɔgɔ ndea Mokonga aámbé.»

Ekuma á ɓateki 20:28

Cɔ, engani tambea anu sasanu n'índe á ɓaɓêki ɓɔbu ɓundɔ Měma á kanga ɓojeɗe anophi ka amba aɓɔ. Ambani kanisa ndea Mokonga nnde ɗásombi na magia akɛ sasakɛ.

Ɓalɔ́ma 3:25

Nga, Mokonga ɗámbisi Yéso ka nyama á phɛ́a ka nyɔngɔ á íma á ɓojeɗe nde ɓakpa ɗáɓági mosá. Ka ɓakpa nde ɓáɓeeki, magia á phɛ́a ndɔ aphangisi gea Mokonga ande nto á koɗoni ka nyɔngɔ nde aími ɓojeɗe nde ɓakpa ɗáɓági.

Ɓaɛphɛ́sɔ 1:7

K'aphe ndea Kiísito aunge, ɗéɓejúani ka ɓojeɗe, ka nyɔngɔ á magia akɛ ka íma ɓojeɗe nɛsu. Mokonga ɗásóphangi ɛtɔi á ɓonjánja-ékondi nɛkɛ,

Ɓakɔlɔsái 1:14

K'aphe ndea Kiísito aunge Mokonga aími ɓojeɗe nɛsu.

1 Pɛ́tɛɛ 1:2

Abɛ Mokonga ɗánɔsɔmbu mosá ka ɓeana na moangɔ nɛkɛ. Áonóbisa ɓato á Mokonga kángá ɓojeɗe ka ɓukpɛkpɛ á Měma akɛ ka gea, ɓɔ́mɔ́kɛ Yéso Kiísito na magia akɛ ánosokoseɛ. Cɔ, ɓonjánja-ékondi ndea Mokonga na ɓujɛjɛ áɓikɛ gǔ anu.

1 Pɛ́tɛɛ 3:18

Cɔ, Kiísito yɛ sasakɛ, ɗátambigi phɔtɔ mɔngɔ ímoci tɔ ka nyɔngɔ á ɓojeɗe nɛsu. Yɛ, nto á koɗoni, ɗáku ka nyɔngɔ á ɓunde ɓáná ɓato á koɗoni ka gea, ánophangiɛ aphe á gǎ mɔtɛ á Mokonga. Ɗáku kukuwa á ka nyama, Měma á kanga ɓojeɗe â gǎkɛ onjujukisa ka kukuwa.

1 Yoáni 1:7

A gǎkɛ oɓá na ɓeotamba k'owanga ɓíndɔ yɛ sisakɛ a k'owanga, ɓe ka komunamema ngǔngu asu. Magia á Anakɛ Yéso, aosokosea ɓojeɗe nɛsu bui.

1 Yoáni 2:2

Nga, Yéso sasakɛ ɗěbisi ka phɛ́a ka gea, Mokonga áímɛ ɓojeɗe nɛsu. Nna tɔndɔ ɓojeɗe nɛsu sisasu, phɔtɔ nnde á ka mokonda bui.

Mphaniɔ 1:5

Ɓonjánja-ékondi na ɓujɛjɛ ndɔ átokɛ phɔtɔ ka Yéso Kiísito, nɗigimisi á ɗoni, ánge ka ɓunde ɓájujúki ka kukuwa, na moamɛ á ɓaamɛ á ka mokonda. Yɛ, Kiísito asókondi, magia akɛ aunge ɗásóphúi ka ɓojeɗe nɛsu.

Mphaniɔ 14:1

Ɓî ɗɛ́nɛɛnji goto, Nɛ́ɔmɔna Muna-Mɔgɔgɔ n'amame gǔ á mamba á Sayúni, kimoci na ɓakpa ɛlɛphu mia moci nkama gena na gena (144.000). Ɗáɓáɗundu ina akɛ n'índe á Abakɛ k'éndóndó aɓɔ.

Mphaniɔ 14:5

Ɗáɓákáyɔngi tanda mbɛá, ɓáoɓá kángá kisɛki.

Mphaniɔ 5:6

Mpɔ, Nɛɔmɔna Muna-mɔgɔgɔ n'aɓea mmbé ɓánteni, n'amame ka měme á kankaanga á koɓoamɛ, ɓamakɛlúbi gena na ɓagbɛga na ɓántimbi. Yɛ, ɗátú na ndeka ngianjaga iɓɛ (7), n'íso ngianjaga iɓɛ (7), nnde n'ande měma ngianjaga iɓɛ (7) ndea Mokonga nnde ɗáɓáteki ka mokonda bui.

Mphaniɔ 5:9

Ɓagbɛga ndɔ ɓáoemba embɔ á kɛ̌kɛ ɓe: «Okeni bɛɗa á ɓuku ndɔ, na koɗaga á ngoi á mutúti. Ka nyɔngɔ nde, ɗáɓákomowe, na ka phɛ́a nɛkɔ, ɗóǒsomba ka Mokonga ɓakpa na magia akɔ, ɓakpa á k'ekuna bui, á ɛyɔngi bui, ɛɓɔkɔti bui na nji bui.

Mphaniɔ 7:14

Néonsikisia te: «Mɔkɔta nɛmɔ, oɓɛ aámbé ooúba.» Áomogea: «Ɓundɔ, ɓáunge ɓátóki ka tambaga ángbó. Ɓásokosi bɔngɔ éndǎ nɛɓɔ na magia á Muna-Mɔgɔgɔ, ka ɓondɔ, bɔngɔ nɛɓɔ áoɓá ábu.