1 Pɛ́tɛɛ 1:18 - Ɔngana á Kɛ̌kɛ

¹⁸ Cɔ, ɓooúba etéte á ophendɔ nde Mokonga ɗáphendi ka phɔa anu ka tokisa anu ka tambea á jǎi-jǎi nde ɓatatanu ɗáɓánoɗeketei. Ɗákági ɓó na kema nde aoújukana ɓea, láté na imɔna.

1 Pɛ́tɛɛ 1:18 Iomraidhean Croise

Málikɔ 8:37

Kema sina nde nkpa aánganisande na enda akɛ?

Ɓalɔ́ma 1:21

Nanga ɗáɓáomúba Mokonga, ɓákáɓɛ onɗokomisa na sega akɛ ɓíndɔ akeni gea í ka Mokonga. Ɓâ ndiu óɓá na kanisia á kanga kantíti, měma aɓɔ á kanga úbapha áoɓá na kaiphiɔ.

1 Ɓakɔlítɔ 3:20

Goto: «Mɔkɔta aoúba kanisia ndea ɓato á kɔɓɔɔngɛ, aoúba gea, a tɔ jǎi-jǎi.»

1 Ɓakɔlítɔ 6:20

Mokonga aámbé ɗánósómbi k'ésombi akpɛ. Kaɓondɔ, nɗokomisani pɛ Mokonga ka nyama anu.

1 Ɓakɔlítɔ 7:23

Mokonga ɗánósombi k'ésombi akpɛ. Ɓî a ɓó, ɓókoɓɛmbɛ ka kɔkɔɓɛ ndea ɓakpa.

Ɓagalatía 1:4

Kiísito yɛ sisakɛ aámbé ɗábiki osókuia ka amisa asu ka ɓojeɗe ka gea, ásophúiɛ ka ɓojeɗe á ka mokonda nde á kɛ̌kɛ ɓíndɔ Abasu Mokonga ɗákondi.

Ɓaɛphɛ́sɔ 4:17

Cɔ, nenóɗengemisigi k'ína á Mɔkɔta gea: Ɓókótambeɛ mɔnɔ ye ɓea ɓakpa nde ɓánáomúba Mokonga, ɓunde kanisia aɓɔ a tɔ jǎi-jǎi

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.

Ɓaɛbulanía 9:12

Nna gǎkɛ ka nyɔngɔ á magia á ɓǔku á mɛmɛ na magia á ɓamponjo á ɓǔku á ngɔmbɛ, ɗábisi ndiu magia akɛ sasakɛ ka phɛ́a, mpɔ â tɔ ongia mɔngɔ ímoci tɔndɔ k'ɔ́ma á kanga ɓojeɗe phɛɛ, áosókoɗaga ka ɓojeɗe nɛsu ɗoni, ɓéoɓá na ɓoamia á mɛyɔ.

1 Pɛ́tɛɛ 1:7

Tombaga ndɔ ande ka gea, ɓáengekisɛ ɓeekea nɛnu ka gea áúbikanɛ gea, ande á ɗoni. Láté ande kema nde aoújukana, ɓá gǎkɛ otoɓoa ú ka engekisa ɓonjánja í. Ɓeekea nɛnu a phɔtɔ ɓó. Ana kantíti kɔnyɛ́nya láté, akeni gǎkɛ ɓáengekisɛ ú. Ka nyɔngɔ índɔ unge ɓeɓande n'obebɔ, ɓoombia na ɓokutú mbenɔ nde Yéso Kiísito asɛnɛkaeka.

1 Pɛ́tɛɛ 4:3

Eya, kala, ɗɔ́ɓɔtɔtɔkisi ka mbenɔ ásii mɔphɛ á ɓakpa nde ɓákáomúba Mokonga. Tambea anu ɗátú á ɓato á mambɔ, mɔphɛ ájeɗe, ɛbɛɗi á makana, osǎ, ɓoita á makana phɛɛ na ɗokomisa á ɓamokonga á mbɛa.

1 Yoáni 3:5

Ɓooúba gea, Kiísito ɗábiki ka íma á ɓojeɗe ndeasu na nna tanda na ɓojeɗe suɓi akɛ.