1 Pɛ́tɛɛ 1:17 - Ɔngana á Kɛ̌kɛ

¹⁷ Cɔ, akoɓá k'ɛ́mɛmi nɛnu na ɓɔɔmɔphana Mokonga «Abɛ», mmbé aotena nyɔngɔ á nkpa buakɛ kángá oɓayɔ, ka ɓeana na tambea akɛ, tambeani na kɔɓɔɓɔkɔ ka Mokonga ka mbenɔ nde ɓo phɔ́tɔ ka mokonda.

1 Pɛ́tɛɛ 1:17 Iomraidhean Croise

Matáyɔ 16:27

Cɔ, Muna-Nkpa, abikande ka ɓophombia ndea Abɛ, kimoci na ɓamalaéka nɛkɛ. Mpɔ, amphendande nkpa na nkpa ka ɓeana na tambea akɛ.

Matáyɔ 22:16

Ɓáǒteka ka ɓagoigi nɛɓɔ kimoci na ɓakpa ndea moamɛ Ɛlɔ́dɛ. Ɓáongoɗea Yéso te: «Ngoisigi, ɓeoúba gea onde nto á ɗoni na ǒphangiaga ɓakpa nyɔngɔ á ɗoni ka ɓeá á Mokonga. Kóna kɔɓɔɓɔkɔ á mɔphɛ á ɓakpa na kóoɓongeaga kɔkɔta á ɓakpa.

Matáyɔ 6:9

Cɔ, mɛmani ndiu ɓe: Abasu, ímbɔ ona koba, ambe ɓáɗokomisɛ ina akɔ phɛɛ.

Ɓalɔ́ma 11:20

Eya a ɓó! Mokonga ɗáetenigi ka nyɔngɔ á kanga ɓeekea nɛɓɔ. Oɓɛ oiki gǎkɛ súa ka nyɔngɔ á ɓeekea. Kǒbebɛmbɛ, ɓá ndiu na ɓánga.

2 Ɓakɔlítɔ 1:2

Ambe Abasu Mokonga na Mɔkɔta nɛsu Yéso Kiísito, ánophɛ ɓonjánja-ékondi na ɓujɛjɛ nɛkɛ.

2 Ɓakɔlítɔ 5:6

Kaɓondɔ, ɓena nténdé. Ɓeoúba gea, ɓî ɓe phɔ́tɔ suɓi á nyama ndɔ, ɓe phɔtɔ ɗanga na ɔma á ɓoiki ndea Mɔkɔta.

2 Ɓakɔlítɔ 7:1

Cɔ, ɓaya, mɔkɔ ɗanga-ɗanga ndɔ ande asu. Ɓadani ékondi, ambe ɓéesokoseɛ ka tokisa ɓosoɛ nde aosoomisa nyama na měma asu. Ambe ɓékaɓɛ ɓá ɓato á kanga ɓojeɗe na ɓánga á Mokonga.

2 Ɓakɔlítɔ 7:11

Cɔ, ɔ́nani phɔ́ kema nde esúia nde ande á mɔphɛ á Mokonga aobikisa: Ɓá na moíngí phɛɛ, ɛ́yɔngɛa, kangea ɓojeɗe, ɓá na ɔ́kapha, ɓá na mɔphɛ á ɔna ani, ɓá na mɔphɛ á bɛɗaneaga ani, keea ɓojeɗe. Kaɓondɔ, ɓɔɔnisi gea, ɓókótú suɓi á nyɔngɔ ndɔɔ.

Ɓagalatía 2:6

Ɓakɔta á kanisa ɗáɓákáyamei gǎkɛ ka kema ka ɓɔphɛi nɛmɔ. Nanga ɓáɓá ɓakɔta, nndɔ nna kema k'éme nga, Mokonga nna n'oɓayɔ. Ɓakɔta ndɔ, ɗáɓákámososi gǎkɛ moangɔ á kɛ̌kɛ.

Ɓaɛphɛ́sɔ 1:17

nɛɔmɛma Mokonga ka gea, Mokonga ndea Mɔkɔta nɛsu Yéso Kiísito, Aba ɓoombia ánophɛ měma á kɔɓɔɔngɛ mmbé anóphangiande na úbisa anu Mokonga.

Ɓaɛphɛ́sɔ 3:14

Kaɓondɔ unge negbúki muanku mosá á Abɛ Mokonga,

Ɓaɛphɛ́sɔ 6:9

Ɓenu ɓakɔta, ógeeani phɔtɔ ɓakɔɓɛ nenu ánjá. Ɓókǒagatisɛmbɛ. Úbani gea, ɓenu na ɓakɔɓɛ nɛnu Mɔkɔta nɛnu a tɔ mo. Yɛ, ana koba nna n'oɓayɔ.

Ɓaphilípi 2:12

Cɔ, ɓadani ékondi, ɗɔ́ɓɔɔmɔ́ka na ne ka ɔlɔ anu. Kɛ̌kɛnde, atókeni ɓótútuisɛ gea ɓó ka ɓ'esa ndee nanga ɓî ne ɗanga na ɓenu. Bɛɗanagani ka nyɔngɔ á ɓoamia nenu na ɓánga na kɔɓɔɓɔkɔ.

Ɓakɔlɔsái 3:25

Mmbé a gǎkɛ ogea ájeɗe, ɓámphendande ájeɗe nga, Mokonga nna n'oɓayɔ.

Ɓaɛbulanía 12:28

Cɔ, ɓénsikisiɛ Mokonga ɓosegi, ka nyɔngɔ nde, asóphi koɓoamɛ akpɛ, nnde nnaɔtɔka n'aɗengi. Kaɓondɔ, ɓémbɛɗaneɛgɛ ɓíndɔ amɓɔngɛi, ɓɛmɔ́kɛ, ɓémɓangɛ.

Ɓaɛbulanía 4:1

Mokonga ɗásɔɔku ɓesu gea, asóphande aphe á ngia ka muúmbiɔ nɛkɛ. Cɔ, ɓɛ́ɛnjiɛni ɓonjánja kaɓɛmbɛ na ka ɓesu moci mmbé aúkande aphe á ngia kau

1 Pɛ́tɛɛ 2:11

Ɓadani ékondi, ɓonde ɓakɛni na ɓato á motô ka mokonda ndee. Kaɓondɔ unge nɛnɔ́phɛí gea, teani mɔphɛ ájeɗe, nnde aomana na měma anu.

1 Pɛ́tɛɛ 3:15

Nɗokomisani ndiu Kiísito ka měma anu ɓea Mɔkɔta nɛnu. Aoɓá na ɓáonóúsia cina á nseɓeɔ nɛnu ka Kiísito, ɓáni tɔ mbenɔ bui na nyɔngɔ á sikisia aɓɔ.