1 Pɛ́tɛɛ 1:14 - Ɔngana á Kɛ̌kɛ

¹⁴ Mɔ́kani Mokonga ɓíndɔ ɓaniki ɓáɔ̌ɓɔ́ka ɓaɓɔkɔti aɓɔ, ɓókóɓeɛmbɛ mɔphɛ nɛnu á kala mbenɔ nde ɗóɓokóoúba nyɔngɔ á Mokonga.

1 Pɛ́tɛɛ 1:14 Iomraidhean Croise

Ekuma á ɓateki 17:30

Mokonga nna ye gǎkɛ oɓea nyɔngɔ nde ɓakpa ɗáɓági na ɓákáomúba. Kɛ̌kɛnde aeɓɔphani ye tɔ ɓakpa ɓɔbu á k'ɔma bui ka kětia á tambea aɓɔ.

Ɓalɔ́ma 12:2

Ɓókoɓongeɛgɛmbɛ nyɔngɔ á ka mokonda ndee. Ɗeketani ndiu Mokonga ánokětiɛ na opha anu úbapha á kɛ̌kɛ. Ɓondɔ unge ɓoengekisande kema nde amɓɔngɛi Mokonga, nnde aánjá na nnde á kanga kisɛki.

Ɓalɔ́ma 6:4

Ka phɔa oɓatisɔ ndɔ ɗéɓejúkani na yɛ ka kukuwa akɛ na ka úmba akɛ gea te, ɓíndɔ Kiísito ɗájujúki ka kukuwa sɔsɔɓɛ á ɓasí ka ɓoombia ndea Abɛ, ɓesu phɔtɔ ɓéɓɛ na tambea á enda á kɛ̌kɛ.

Ɓaɛphɛ́sɔ 2:2

Ɗóɓooenda suɓi á ɓojeɗe na ɓeá nyɔngɔ á mokonda ndee. Ɗɔ́ɓɔɔmɔ́ka mɔkɔta á ɓansombo á ɓukpɛkpɛ ájeɗe mmbé amamei nji sɔsɔɓɛ á mokonda na koba, měma ndɔ aɔbɛɗanaga suɓi á ɓakpa nde ɓákáɔmɔ́ka Mokonga.

Ɓaɛphɛ́sɔ 5:6

Nkpa kanódemɛmbɛ na nyɔngɔ á jǎi-jǎi. Nga, ka nyɔngɔ índɔ unge, esúia ndea Mokonga ěguiande ɓakpa nde ɓánáɔmɔ́ka.

1 Ɓatɛsalɔníka 4:5

kángá á mɔphɛ ájeɗe ɓotea anu ɓea ɓakpa nde ɓánáomúba Mokonga.

1 Pɛ́tɛɛ 1:2

Abɛ Mokonga ɗánɔsɔmbu mosá ka ɓeana na moangɔ nɛkɛ. Áonóbisa ɓato á Mokonga kángá ɓojeɗe ka ɓukpɛkpɛ á Měma akɛ ka gea, ɓɔ́mɔ́kɛ Yéso Kiísito na magia akɛ ánosokoseɛ. Cɔ, ɓonjánja-ékondi ndea Mokonga na ɓujɛjɛ áɓikɛ gǔ anu.