1 Pɛ́tɛɛ 1:12 - Ɔngana á Kɛ̌kɛ

¹² Mokonga ɗéúbisi gea te, mbino ndɔ ɗákátú ka phɔaɓɔ sasaɓɔ, ɗátú ndiu ka phɔanu. Cɔ, kɛ̌kɛnde, ɓatɔmi Mbino-Ánjá ɗáɓánɔ́tɔ̌mi mbino ndɔ na ɓukpɛkpɛ á Měma á kanga ɓojeɗe, mmbé Mokonga ɗánteki ka toka na koba. Ɓamalaéka ɓɔ sasaɓɔ ɓákondi phɔtɔ úba á mbino ndɔɔ.

1 Pɛ́tɛɛ 1:12 Iomraidhean Croise

Matáyɔ 11:25

Ka matú ndɔ, Yéso áɔyɔnga ɓe: «Abɛ, Mɔkɔta á na koba na mokonda, nekobebi phɛɛ nga, kema nde ɔsɔmi ka ɓato á kɔɓɔɔngɛ na ɓaúbaphi, obisi ú base ka ɓaniki ɓábɔbɔa.

Matáyɔ 11:27

«Abɛ ɗámopi kema bui. Nna na nkpa nde aomúba Miki, na nna tɔndɔ Abɛ. Nna na nkpa nde aomúba Abɛ, na nna tɔndɔ Miki, phɔtɔ na ɓunde Miki akondi áephangiɛ Abɛ base.»

Matáyɔ 16:17

Yéso áongoɗea: «Maseye k'oɓɛ Simɔ́ Muna-Yɔ́na ka nyɔngɔ nde, nna nkpa aámbé akophangi nyɔngɔ nde base, a ndiu tɔ Abɛ mmbé á na koba.

Málikɔ 16:15

Mpɔ, Yéso áǒngoɗea: «Gǎni ka mokonda bui, ɓɔ́tɔ̌miɛ ɓakpa ɓɔbu Mbino-Ánjá ndea Mokonga.

Lóka 15:10

Nenógie, ɓondɔ unge ɓamalaéka ndea Mokonga ɓáguande jaí ka nyɔngɔ á nto á ɓojeɗe moci n'akěti tambea akɛ.»

Lóka 2:26

Měma á kanga ɓojeɗe ɗámúbisi gea, kákuwɛku mosá á ɔna ka Kiísito mmbé Mɔkɔta anteki.

Lóka 9:6

Mpɔ, ɓateki ɓáoga na ɓáɔtɔmiaga Mbino-Ánjá ndea Mokonga nji ka nji, ɓâ phɔtɔ ǒamisa ɓato á esambɔ k'ɔ́ma bui.

Yoáni 15:26

Nenotekisiande Nengi n'atóki ka Abɛ. Ande Měma á ɗoni, mmbé atóki mɔtɛ á Abɛ. Mbenɔ nde akiɗiande, yɛ aámbé amoɗigimisande.

Ekuma á ɓateki 10:44

Pɛ́tɛɛ n'a phɔ́tɔ ɔyɔnga, Měma á kanga ɓojeɗe áodida gǔ á ɓakpa ɓɔbu ɓunde ɗáɓáɔɔ́ka nyɔngɔ nɛkɛ.

Ekuma á ɓateki 16:10

Kɛ̌kɛndɔ mbusa á mphaniɔ, ɓéokamisaga mɛ́a ka gǎ na Makɛdɔnía nga, ɗéɓeúbi ɗoni gea te, Mokonga asɔ́ɔphanima ka tɔ̌miaga Mbino-Ánjá kó.

Ekuma á ɓateki 2:33

Ɓî Mokonga antáisi na bisa akɛ ka njaga akɛ á mǔku, áoɓá na Měma á kanga ɓojeɗe nnde yɛ abakɛ ɗámɔku. Yéso aámbé aɛmbisi kema nde ɓɔɔ́ka na nnde ɓɔɔna ka ɓesu.

Ekuma á ɓateki 4:31

Ɓî ɓágɔɓi ye ɛmɛmi, ɔma nde ɓádondanigi aoémanaga. Wa, ɓáotúma ɓɔbu na Měma á kanga ɓojeɗe, mpɔ ɓáɔtɔmiaga nyɔngɔ á Mokonga kángá kɔɓɔɓɔkɔ.

Ekuma á ɓateki 4:8

Mpɔ, Pɛ́tɛɛ áotúma na Měma á kanga ɓojeɗe, áǒsikisia te: «Hoo! Ɓenu ɓakɔta na ɓagbɛga,

Ekuma á ɓateki 8:25

Cɔ, ɓateki ɓaɓɛ ndɔ ɓágɔɓi ye tɔ̌miaga na phɛá á nyɔngɔ á Mɔkɔta, ɓáosikianaga, ɓáoga na Yɛusalɛ́ma. Na ɓá phɔ́tɔ k'aphe, ɓáɔtɔmiaga Mbino-Ánjá ndea Mokonga ka nji ásii á ka Samalía.

Ɓalɔ́ma 1:15

Ka nyɔngɔ índɔ unge ne phɔtɔ na mɔphɛ á tɔ̌miaga Mbino-Ánjá ka ɓenu íɓunde ɓoiki ka Lɔ́ma.

Ɓalɔ́ma 1:17

Ka nyɔngɔ nde, Mbino-Ánjá aoúbisa aphe sina nde Mokonga aǒtanga ɓakpa ɓato á koɗoni mosá akɛ. Tanga á ɓakpa ɓondɔ, a tɔndɔ ɔtɔtɔkɛana ka ɓeekea á Yéso. A tɔ ɓíndɔ ɓáɗundu suɓi á Ɓuku á Mokonga gea: «Nto á koɗoni aendande ka nyɔngɔ á ɓeekea.»

Ɓalɔ́ma 10:15

Na ɓakpa ɓátɔmiagande ú ɓo na ɓákáeteki ka tɔ̌miaga í? A ɓíndɔ Ɓuku á Mokonga agi: «Ande maseye ka ɔna bika á ɓunde ɓábiki na Mbino-Ánjá.»

Ɓalɔ́ma 15:19

Nga, mphangiɔ na ketangaɔ ɗanga-ɗanga nde ɗátɔtɔkisi ka njaga ani, ɗáphangi ɓukpɛkpɛ ndea Měma á Mokonga. Na ɓukpɛkpɛ ndɔ tɔ, ɗénetɔ̌migi Mbino-Ánjá ndea Kiísito ɔma bui kpanga ka Yɛusalɛ́ma súa ntanga-nji á ka Ililíkɔ.

1 Ɓakɔlítɔ 2:10

Cɔ, Mokonga ɗásóphangi gǎkɛ base nyɔngɔ á ɓɔsɔmɛa ndɔ ka ɓukpɛkpɛ á Měma akɛ. Nga, Měma ndɔ aunge aokáɓa cina á nyɔngɔ bui, nanga áɓá kema nde ɛ̌sɔmɛani phɛɛ suɓi á Mokonga.

2 Ɓakɔlítɔ 1:22

Asóbisíí epe nɛkɛ nnde aoɗigimisa gea, ɓende ɓakpa nɛkɛ n'ande Měma á kanga ɓojeɗe suɓi asu nnde ande moéma á kema bubui nde asóbisi.

2 Ɓakɔlítɔ 6:6

Ɓɛɔ̌ɔnisa sisasu gea ɓende ɓabɛɗanigi ndea Mokonga ka esokosea asu, úbapha asu, ɓá asu na měma á phiphia na ɓonjánja. Ɓe kimoci na Měma á kanga ɓojeɗe k'ékondi nɛsu á ɗoni á ɗoni.

Ɓagalatía 1:12

Nga, nna nkpa aámbé ɗámopi na goisaga ani ú. Yéso Kiísito ndiu aámbé amogoisigi ú.

Ɓagalatía 1:16

Áomophangia Anakɛ ka gea te, nɛ́tɔmiɛgɛ Mbino-Ánjá nɛkɛ ka ɓunde ɓáná Ɓayúda. Ɗɛ́kɛ́mɛmi gǎkɛ ɓɔphɛi ka nkpa,

Ɓaɛphɛ́sɔ 3:10

Cɔ, kɛ̌kɛnde k'aphe ndea kanisa unge ɓakɔta ɓɔbu na ɓukpɛkpɛ á na koba, ɓáúbɛ nyɔngɔ ɗanga-ɗanga á kɔɓɔɔngɛ ndea Mokonga.

1 Ɓatɛsalɔníka 2:9

Ɓaya, ɓoúba ɓî ɗéɓeɔbɛɗanaga akpɛ phɛɛ mɔtɛ-anu, keiphe n'esa gea te, ɓékénóɗokomaneɛ mɔnɔ, mbenɔ nde ɗéɓeɔ́nɔtɔmiaga Mbino-Ánjá ndea Mokonga.

1 Timɔtɛ́ɔ 3:16

Ɓɔphɛi á ɗoni ndɔ ande kema á ɓɔsɔmɛa, nnde Mokonga aúbisi, n'ande ángbó phɛɛ, nnde nkpa nnaɔtɔka n'ayé! Kiísito ɗásɛnɛki n'ande nkpa, Měma á Mokonga ɗánɗigimisi gea ande nto á ɗoni. Ɓamalaéka ɗáɓámɔni. Ɓakpa ɗáɓátɔ̌migi nyɔngɔ nɛkɛ k'ékuna bui. Ɓámɓeeki k'ɔ́ma bui. Mokonga ɗántáisi ka ɓoombia na koba.

Ɓaɛbulanía 11:13

Suɓi á ɓeekea nɛɓɔ, ɓáokuwa ɓɔbu kángá tɔá á kema nde Mokonga ɗɛ́ɔku. Cɔ ɓɔ, ɗáɓáɔni gǎkɛ n'a phɔ́tɔ ɗanga, ɓáosesea ú. Mpɔ ɓáoɗigimisa gea, ɗáɓátú ɓakɛni, nji nɛsu nna ka mokonda.

Ɓaɛbulanía 2:4

Mokonga â gǎkɛ oɗigimisa nyɔngɔ nde ɗáɓátɔ̌mi, ka tɔtɔkisa á mphangiɔ na ketangaɔ ɗanga-ɗanga phɔtɔ ɓî agabi Měma á kanga ɓojeɗe ɓíndɔ ɗákondi.

Ɓaɛbulanía 4:2

nga, ɗéɓeɔ́ki tɔ nyɔngɔ ánjá ɓea ɓundɔ ɗáɓátú ka nkanda. Ɓɔ ɗáɓáɔ́ki ú, kěengɛ tanda ka kema moci, ka nyɔngɔ nde ɗáɓákáɓeekeani na ɓunde ɗáɓáɔ́ki nyɔngɔ ndɔɔ.

1 Pɛ́tɛɛ 1:25

Nyɔngɔ á Mɔkɔta a gǎkɛ oenda mɛyɔ.» Cɔ, nyɔngɔ nde, ande á Mbino-Ánjá nde ɗáɓánɔphɛí.

1 Pɛ́tɛɛ 4:6

Ka nyɔngɔ índɔ unge ɗáɓátɔ̌mi phɔtɔ Mbino-Ánjá ka ɓakpa nde ɓáku. Ɗáɓáteni nyɔngɔ nɛɓɔ ɓea ɓakpa ɓɔbu. Kɛ̌kɛnde gǎkɛ, ɓáɔtɔka na ɓáendi ka ɓukpɛkpɛ á Měma á kanga ɓojeɗe ɓíndɔ Mokonga akondi.

Mphaniɔ 5:11

Ɗɛ́ɔnji, na ɗɛ́ɔ́ki ɛsɔ á usɛsɛ á ɓamalaéka ndea Mokonga ɓunde ɓátimbi kankaanga á koɓoamɛ, na ɓamakɛlúbi ndɔ gena na ɓagbɛga ndɔɔ. Mɔɔmba aɓɔ ɗátú ɛlɛphu na ɛlɛphu, miliɔni na miliɔni.