1 Pɛ́tɛɛ 1:1 - Ɔngana á Kɛ̌kɛ

¹ Eme Pɛ́tɛɛ, nteki nde ɓa Yéso Kiísito, aámbé neɗundu ɓaoɓa ndee. Neɗundu ka ɓakpa nde Mokonga ɛ̌sɔmbu, ɓunde ɗáɓáphanjekani na ɓáoenda ɓea ɓakɛni ka ntanga-nji á ka Pɔ́ntɔ, Galatía, Kapadɔkía, Asía, na Bitinía.

1 Pɛ́tɛɛ 1:1 Iomraidhean Croise

Matáyɔ 10:2

Cɔ, ina á ɓateki ndɔ aunge: Simɔ́ni, mmbɔ ɗáɓánsǔ Pɛ́tɛɛ na muna-amakɛ Andeé, Yakɔ́ɓɔ na muna-amakɛ Yoáni ɓana Jɛbɛdáyɔ.

Matáyɔ 24:22

Atú oɓá Mokonga na kángbîmisi mbenɔ kau, ámbé ka ɓakpa kátóamɛeka. Angbîmisande gǎkɛ ú ka nyɔngɔ á ɓakpa ndɔ ɗáɛsɔmbu.

Matáyɔ 4:18

Yéso ɗátúotamba ka ɔɓɛɛ á etǔ Galiláya, áɔ̌ɓɔna ɓaɔphigi ɓaɓɛ, ɓato á ka sɔphɔ moci, na ɓáomaka moaɓɔ nɛɓɔ ka etǔ. Ina aɓɔ ɗátú: Simɔ́ni, mmbɔ ɓáɔmɔphana Pɛ́tɛɛ, na muna-makɛ Andeé.

Lóka 18:7

Ande gea, Mokonga kátenɛku gǎkɛ nyɔngɔ ndea ɓakpa nɛkɛ, ɓundɔ aɛsɔmbu, ɓî ɓáogáma mosá akɛ keiphe n'esa? Aphiphiande kángá enga aɓɔ?

Yoáni 11:52

Nna tɔndɔ ka nyɔngɔ á ekuna, ɗátú phɔtɔ ka nyɔngɔ á dondanisaga ɓana-Mokonga ɓɔbu kimoci, ɓunde ɗáɓáphanjekani.

Yoáni 7:35

Ɓayúda ɓâ gǎkɛ ɔyɔngaga sɔsɔɓɛ aɓɔ te: «Nkpa nde agande ɔma sina, ka gea ɓɛ́kɛmɔnɛ? Aoga mɔtɛ á ɓadasu íɓunde ɓáphanjekani ka nji á Ɓagiíki gea, áégoisɛgɛ Ɓagiíki?

Ekuma á ɓateki 18:2

Kó, áondonda Moyúda moci inakɛ Akíla, mmbé nji á ɓɔkɔtɛana nɛkɛ ande Pɔntɔ. Yɛ na nkakɛ Piisíla ɗáɓákiɗi tɔ kɛ̌kɛ ka toka á ɓɔ na Italía. Ɗáɓátóki kó ka nyɔngɔ nde, Kɔɔdíɔ moamɛ ndea Lɔ́ma, ɗáesosi Ɓayúda ɓɔbu gea ɓátokɛ ka Lɔ́ma. Ka Kɔlítɔ unge Pɔ́lɔ ɗájúkani na ɓɔ.

Ekuma á ɓateki 18:23

Mbusa á ika kó k'ésa ábɔa, áoga. Áɔtɔmba nji moci-moci á Galatía na Phuigía n'aógbagisaga ɓagoigi ɓɔbu ka měma.

Ekuma á ɓateki 19:10

ka ɓasaga ɓaɓɛ. Kaɓondɔ unge, Ɓayúda na Ɓagiíki ɓɔbu ɓundɔ ɗáɓáiki ka nji á ka Asía, ɗáɓáɔ́ki nyɔngɔ á Mɔkɔta.

Ekuma á ɓateki 6:9

Ɓakpa ɓuangbo ɗáɓátú ka ɓato á k'éndu á madondanɔ ndea Ɓayúda ka nyɔngɔ á Mokonga, nnde ɗáɓáɔɔphana «Ɓakɔɓɛ na ɓáekoɗi.» Ɓakpa ndɔ ɗáɓátóki na Kuɛ́nɛ na Alɛsanduía. Ɓuangbo ɗáɓátóki na Kilikía na Asía. Cɔ, ɓakpa ndɔ ɓáokpanga púa na Sɛtɛphánɔ.

Ekuma á ɓateki 8:4

Ɓaɓêki ɓunde ɗáɓáphanjekani, ɗáɓáge na ɓáɔtɔmiaga Mbino-Ánjá.

1 Ɓakɔlítɔ 16:19

Ɓato á ka kanisa á ka Asía ɓánósesi. Akíla na Pisíla na ɓaɓêki ɓuangbo ɓunde ɓáodondanaga mɔtɛ-aɓɔ, ɓánósesi k'ína á Mɔkɔta.

2 Ɓakɔlítɔ 1:8

Ɓaya, ɓekondi ɓóúbɛ base gea, ɓî ɗéɓetambigi phɛɛ ka nji á ka Asía, ɓoɗoko í ɗásɔnyɛ́nyɛi, ɓéoúba te, ɓékéendɛku ye.

Ɓagalatía 1:2

Cɔ, ne kimoci na ɓadasu ɓɔbu ɓunde ɓá wani ka ɗundua á ɓaoɓa nde ka kanisa ɗanga-ɗanga á ka nji á Galatía.

Ɓaɛphɛ́sɔ 2:12

Mosá, ɗóɓokótú omúba Kiísito. Ɗóɓokótú k'ékombo ndea Ɓaisilaɛ́li ɓunde Mokonga ɗáɛsɔmbu, ɗóɓotú ndiu nɛnu ɓatókanga. Mɔkɔ á ɔngana ndea Mokonga ɗákátú ka ɓenu. Ɗátú tɔ ka ɓakpa nɛkɛ. Ɓóoɓá ka mokonda, kángá á nseɓeɔ, na kángá á Mokonga.

Ɓaɛphɛ́sɔ 2:19

Kaɓondɔ, ɓenu íɓundɔ ɓókó Ɓayúda, ɓókó ye ɓatókanga, kaɓɛ ɓunde ɗáɓátói ka nji nɛɓɔ, ɓo ye tɔ ɓato á ka nji ndea Mokonga. Ɓo ye tɔ ɓato á k'ékombo nɛkɛ.

2 Timɔtɛ́ɔ 1:15

Cɔ, a ɓíndɔ ooúba, ɓakpa ɓɔbu á ka Asía ɓámomakei ngɔngɔ. Sɔsɔɓɛ aɓɔ ande Phigɛ́lɔ na Ɛɛmɔgɛ́nɛ.

Ɓaɛbulanía 11:13

Suɓi á ɓeekea nɛɓɔ, ɓáokuwa ɓɔbu kángá tɔá á kema nde Mokonga ɗɛ́ɔku. Cɔ ɓɔ, ɗáɓáɔni gǎkɛ n'a phɔ́tɔ ɗanga, ɓáosesea ú. Mpɔ ɓáoɗigimisa gea, ɗáɓátú ɓakɛni, nji nɛsu nna ka mokonda.

Yakɔ́ɓɔ 1:1

Eme Yakɔ́ɓɔ mbɛɗanigi ndea Mokonga na Mɔkɔta Yéso Kiísito nenósambei. Nenóɗundui ɓenu ɓato á k'ékuna nkama na iɓɛ (12) ɓunde ɓophanjekani ka mokonda.

1 Pɛ́tɛɛ 2:11

Ɓadani ékondi, ɓonde ɓakɛni na ɓato á motô ka mokonda ndee. Kaɓondɔ unge nɛnɔ́phɛí gea, teani mɔphɛ ájeɗe, nnde aomana na měma anu.

2 Pɛ́tɛɛ 1:1

Eme Simɔ́ni Pɛ́tɛɛ, mbɛɗanigi na nteki nde ɓa Yéso Kiísito, aámbé neɗundu ɓaoɓa ndee. Nenóɗundui ɓenu íɓunde ɓona ɓeekea ángbó ɓea ɓesu, ka nyɔngɔ á koɗoni ndea Mokonga na Namisi nɛsu Yéso Kiísito.

Mphaniɔ 1:11

Ɛsɔ ndɔ ɗáɔyɔnga ɓe: «Kema nde ɔɔna, ɗundua ú suɓi á ɓuku, ótekɛ ɓuku ndɔ ka kanisa ngianjaga iɓɛ (7) ndee: Ɛphɛ́sɔ, Smúna, Pɛɛgámɔ, Tuatɛ́a, Sáadi, Philadɛlphía, na Laɔdikía.»