1 Timɔtɛ́ɔ 6:9 - Ɔngana á Kɛ̌kɛ

⁹ Ɓunde ɓá gǎkɛ okáɓa ɛtɔi, ɓáogua katombaga na tá ka mɛ̌kɔ, ɓáokáɓa mɔphɛ ájeɗe ásii ka kobóbó na ngisa aɓɔ k'otúkɔtúkɔ na ɓúngaga.

1 Timɔtɛ́ɔ 6:9 Iomraidhean Croise

Matáyɔ 13:22

Mbó nde ɗágú sɔsɔɓɛ á ngenge, a ɓea ɓundɔ ɓáɓeeki Nyɔngɔ ndea Mokonga, mɔphɛ á mokonda na siki ɛ́tɔi â gǎkɛ omowa Nyɔngɔ ndɔ a ka měma aɓɔ, kagɔmbisɛ mbuka.

Matáyɔ 19:22

Nkpa ndɔ aɔ́ki ye nyɔngɔ ndɔ, áoga n'aɓɛí, ka nyɔngɔ nde ɗátú ntɔi phɛɛ.

Matáyɔ 26:15

Áǒɓúsia te: «Aoɓá na nɛntɔngi Yéso mɔtɛ-anu ekende ɓomopande?» Mpɔ ɓɔ, ɓáontagea Yúda imɔna nkama isaɔ (30), ɓáɔmbɛɗekisa.

Matáyɔ 6:19

Ɓókǒtundukisiɛgɛmbɛ ɛtɔi ka mokonda ndee, ka nyɔngɔ nde ɓansɛngɛ na ɓánkɛngɛɔ ɓáújande ú, ɓakukuɓa ɓáɓunande endu ka uɓa í.

Málikɔ 4:19

Nyɔngɔ ndɔ kaɓɛ na ɔma suɓi aɓɔ, ka nyɔngɔ á ianaga á kema á ka mokonda. Ɓá gǎkɛ ǒdemisaga n'ɛtɔi na konda kema ɗanga-ɗanga. Nndɔ bui áophiphisa Nyɔngɔ á Mokonga suɓi aɓɔ. Kagɔmbɛ ye.

Lóka 12:21

Yéso aogea: «Ɓondɔ unge aɓande ka nkpa nde aodondanisaga nkumba ásii ka phɔakɛ sasakɛ na nna n'ɛtɔi k'íso á Mokonga.»

Lóka 21:35

Nga, nyɔngɔ ndɔ aěimisande ɓakpa ɓɔbu á ka mokonda ɓea mɛ̌kɔ.

Ekuma á ɓateki 8:20

Pɛ́tɛɛ áonsikisia te: «Ámbé oɓúngigi phɔ́, oɓɛ na imɔna nɛkɔ, ka nyɔngɔ nde, okanisi tɔá á egabɔ ndea Mokonga ka somba í na imɔna.

Ɓaɛphɛ́sɔ 4:22

Kaɓondɔ, ɗeketani tambea nɛnu á kala. Ɗeketani phɔtɔ kokpa anu á kala nde mɔphɛ í á odemayɔ aongisa ka ɓojeɗe.

1 Timɔtɛ́ɔ 1:9

Ɓê phɔtɔ oúba gea, ɛɔphi ndɔ nna ka ɓato á ɗoni, a ndiu tɔ ka ɓakpa nde ɓáogea ɓojeɗe, ɓunde ɓáoɓúna ɛɔphi, ɓunde ɓákáomɓánga Mokonga, ɓato á ɓojeɗe na ɓunde ɓáɔjɔɔkisa kema ánjá nɛkɛ. Ɛɔphi ndɔ a phɔtɔ ka ɓunde ɓáǒma ɓ'abaɓɔ, ɓ'amaɓɔ na ɓato á kaiso,

1 Timɔtɛ́ɔ 3:7

Goto, ɓunde ɓáná ɓakiísito ɓádigimisɛ nyɔngɔ nɛkɛ ánjá ka gea, ɓákámɓɛnjiɛgɛmbɛ na tá ka mɛ̌kɔ ndea nketi.

1 Timɔtɛ́ɔ 6:10

Nga, ekondi á imɔna ande cina á ɓojeɗe bui. Ka nyɔngɔ índɔ unge, ɓakpa ɓuangbo ɓáɓúngisi ɓeekea nɛɓɔ, ɓáǒtambisaga sasaɓɔ ka měma phɛɛ.

1 Timɔtɛ́ɔ 6:17

Óngoɗea ɓatɔi á ka mokonda á kɛ̌kɛnde gea, ɓákěbebɛmbɛ, phɔtɔ ɓákáseɓeɛmbɛ ɛtɔi nde nna koiphia ka ujukana. Ɓánseɓeɛ ndiu Mokonga mmbé aosópha kema bubui ka gea te, ɓéɓɛ na maseye ka phɔa í.

2 Timɔtɛ́ɔ 2:26

ɓáǒsóɗoa ka mɛ̌kɔ ndea Nketi, mmbé ɗáekoɗi ka gea, ɓátɔtɔkisɛ mɔphɛ nɛkɛ.

Títɔ 2:12

Ɓonjánja-ékondi ndɔ unge, asóphangisi yá á kema ájeɗe, na mɔphɛ á ka mokonda ndee, ɓétambeɛ ka mbenɔ nde na kɔɓɔɔngɛ, na koɗoni na ɓánga á Mokonga.

2 Pɛ́tɛɛ 2:3

Ka nyɔngɔ á mɔphɛ ájeɗe á tɔá á imɔna, ɓagoisigi á mbɛa ndɔ ɓátɔande ka imɔna á ka njaga anu ka demaga anu. Ka ɓɔ, ɗáɓáteni ye gǎkɛ nyɔngɔ nɛɓɔ kala, n'otúkɔtukɔ nɛɓɔ káiphiɛku.

Yúda 1:11

Ngomi aɓɔ ka nyɔngɔ nde ɓáɓi aphe ndea Kaína! Ɗáɓábɛɗanigi ájeɗe ekuma á imɔna ɓea Ɓaláma. Ɗáɓákɔndɔkani ka nyɔngɔ nde ɗáɓáyomboki ɓea nkpa nde ɓáɔmɔphana Kɔ́la.