1 Timɔtɛ́ɔ 6:4 - Ɔngana á Kɛ̌kɛ

⁴ mmbɔ an'ěbeba phɛɛ na nna gǎkɛ koúba kema. Ande nkpa nde ana tambea ájeɗe aopúa na ɓakpa na sani ka phɔa á yɔnga. Nndɔ aobikisa ngíni, sani, mbóma na maca,

1 Timɔtɛ́ɔ 6:4 Iomraidhean Croise

Ekuma á ɓateki 15:2

Cɔ, Pɔ́lɔ na Baanába ɓáoyá ɓɔphɛi nɛɓɔ, ɓáopúa na ɓɔ ásii ka yɔnga. Kaɓondɔ, ɓaɓêki á ka Antiɔkía ɓáɔnsɔmbɔa Pɔ́lɔ, Baanába na ɓakpa ɓuangbo sɔsɔɓɛ aɓɔ, ka gea ɓágɛ na Yɛusalɛ́ma, mɔtɛ á ɓateki na ɓagbɛga á kanisa, ka phɔa á nyɔngɔ nde ɗáɓáopúa kau.

Ekuma á ɓateki 18:15

Cɔ, ɓî ɓoopúa ka phɔa nyɔngɔ, ina na ɛɔphi nɛnu sasanu, nndɔ a tɔ ɔnɔɛnjia ɓenu. Kékondi gǎkɛ ɓá nteni-nyɔngɔ ndɔɔ.»

Ekuma á ɓateki 8:9

Nkpa moci ɗáiki kala ka ntanga-nji ndɔ á ka Samalía, ina akɛ Simɔ́ni. Ɗátú nkúme, yɛ ɗáɔtɔtɔkisa ketangaɔ nde ɓato á ka Samalía ɗáɓáotangaaga. Ɗáǒbeba gea, ande nkpa angbóngbó phɛɛ.

Ɓalɔ́ma 12:16

Ɓáni na ɔ́kana sɔsɔɓɛ anu. Ɓókóɓɛmbɛ na měma á ébeba. Ɓáni ndiu na měma édidisa. Ɓókǒbisɛmbɛ ɓea ɓa mɔɔngɛ.

Ɓalɔ́ma 13:13

Ɓéɓɛni na tambea ánjá nde akeni n'esa, ɓékéɓɛmbɛ n'osǎ ka eaga na noa, ɓékéɓɛmbɛ n'otungɔ, n'iɛɓɛ, sani na nsengo.

Ɓalɔ́ma 14:1

Nseseani mmbé kámɔtimbɛ ka ɓeekea, kángá á ianaga kanisia akɛ.

Ɓalɔ́ma 2:8

Aphangiande gǎkɛ ɓɛí na esúia nɛkɛ ka ɓakpa nde ɓánde ɓaɓiɓia akɛ na ɓunde ɓáoyá ɗoni na ɓeá á ɓojeɗe.

1 Ɓakɔlítɔ 11:16

A gǎkɛ oɓá nkpa n'aopúa ka nyɔngɔ ndɔ, kaɓɛ ɓesu, kaɓɛ kanisa ndea Mokonga, áúbɛ gea, ɓéké na asii nɛngbo.

1 Ɓakɔlítɔ 11:18

Ɓámongoɗi phɔ́ gea, ɓî ɓoodondanaga, ɓokatanigi sɔsɔɓɛ anu. Na neɓeeki gea ka nyɔngɔ ndɔ, kau ande ɗoni.

1 Ɓakɔlítɔ 3:18

Cɔ, nkpa kědemɛ mɔnɔ sasakɛ. Aoɓá ka ɓenu moci n'aokanisia te, ande mɔɔngɛ á ka mokonda nde, áɓɛ mbóbó ka gea, áɓɛ ye tɔ mɔɔngɛ ɗoni.

1 Ɓakɔlítɔ 3:3

nga, ɓo phɔ́tɔ otambea ɓea ɓakpa á ka mokonda ndee. Sɔsɔɓɛ anu, ɓona nsengo na sani. Cɔ, ɓókó phɔ́tɔ na tambea á ɓato á ka mokonda nde? Ɓókó phɔ́tɔ na tambea á kokpa?

2 Ɓakɔlítɔ 11:20

Ɓǒphiphia gea ɓánótambisɛgɛ ɓea ɓakɔɓɛ, ɓáonóuta nkumba, úɓia anu nkumba nɛnu, ɔnisa anu ka ɓɔngɔ, tóndea anu na ɓɛta anu ka keongi, ɓô tɔ ophiphia nndɔ bui.

Ɓagalatía 5:15

A gǎkɛ oɓá ɓoiki anu n'a ɓea ɓanyama á k'osaa ka kokanaga na kaɗuanaga ngǔngu anu, óambani, ámbé ɓomowanagande.

Ɓagalatía 5:26

Ɓékéɓɛmbɛ na ɓemboko, kaɓɛ uɓana, kaɓɛ kuina na nsengo.

Ɓagalatía 6:3

Mmbé aǒɗokomisa na nna na kantíti, aǒdema sisakɛ.

Ɓaphilípi 1:15

Cɔ, ɓakpa ɓunɛngbo ɓáɔtɔmiaga nyɔngɔ á Kiísito na měma á nsengo na měma éteɓa. Ɓakpa ɓunɛngbo ɓâ gǎkɛ ɔtɔmiaga na mɔphɛ ánjá.

Ɓaphilípi 2:14

Ɓî a ɓó, tɔtɔkisani kema bui, kángá á ngɔngɔnaga na púa,

Ɓaphilípi 2:3

Ɓókogeɛ mɔnɔ kema na měma éteɓa, ɓókokaɓɛ mɔnɔ ɓoombia á jǎi-jǎi. Ɓáni ndiu na měma édidisa, nkpa na nkpa ámɔnɛ dakɛ gea, ana kantíti kɔnyɛ́nya yɛ.

Ɓakɔlɔsái 2:18

Ɓókǒɗeketeɛmbɛ ka gea, nkpa buakɛ átenɛ nyɔngɔ nɛnu akpɛ, mmbé aǒdemisaga gea ana měma édidisa na beba á ɓamalaéka. Ɓábisi phɔtɔ měma aɓɔ ka kema nde ɓáɔɔna ka mphaniɔ. Kanisia aɓɔ a tɔ á kokpa, nndɔ aǒɓopha ɓemboko.

2 Ɓatɛsalɔníka 2:4

Yɛ sasakɛ aoyá kema bui nde ɓakpa ɓáobeba na ɗokomisa í ɓea ɓamokonga á mbɛa. Áɔtɔngana suɓi éndu ndea Mokonga, áǒgea sasakɛ ande Mokonga.

1 Timɔtɛ́ɔ 1:4

Óngoɗeɛ phɔtɔ gea, ɓákábisɛmbɛ kanisia aɓɔ ka nyɔngɔ á egani á jǎi-jǎi, na nnde á cɔca cina á ɓatataɓɔ. Nndɔ aikíí tɔ kampápa á jǎi. Nnaoenga ka tútuisa moangɔ á ɓoamia nnde atóki ka Mokonga, nnde aúbikani ka nyɔngɔ á ɓeekea.

1 Timɔtɛ́ɔ 1:7

Ɓáokonda gea, ɓáɓɛ ɓea ɓagoisigi-ɛɔphi ndea Mósa. Ɓáná gǎkɛ oúba nnde ɓáɔyɔnga, kaɓɛ nnde ɓáogoisaga na ɓukpɛkpɛ.

1 Timɔtɛ́ɔ 3:6

Kaɓɛmbɛ mokiísito á kɛ̌kɛ, ámbé aebebande, mbusa í, Mokonga áotena nyɔngɔ nɛkɛ akpɛ ɓíndɔ á nketi.

2 Timɔtɛ́ɔ 2:14

Ókanisia ɓakpa nyɔngɔ ndɔ bui, ɔ́phɛ̌ base mosá á Mokonga gea, ɓákasanɛ mɔnɔ ka nyɔngɔ á kampápa nga, sani nna na kantíti, a ndiu ǒɓúngisaga ɓunde ɓáɔɔ́ka.

2 Timɔtɛ́ɔ 2:23

Ya kampápa á kobóbó nnde nna na kantíti ka nyɔngɔ nde oúba gea nndɔ aobikisa sani.

2 Timɔtɛ́ɔ 3:4

ɓatɔngi-ɓakpa, ɓato á mɔ̌ akpɛ, ɓato étondoa, ɓato á konda nnde ɛ̌ɓɔngɛi kángá á konda gǎkɛ Mokonga.

Títɔ 3:9

Kǒngisɛgɛmbɛ gǎkɛ ka pua ka nyɔngɔ nde nna na kantíti, ina á ɓato-ɛ́ɓɔkɔti, sani, eongo ka phɔa á ɛɔphi. Nndɔ nna na kantíti, a tɔ jǎi.

Yakɔ́ɓɔ 1:19

Ɓadani ékondi, kanisiani phɔ́ nyɔngɔ ndee: Ambe nkpa buakɛ, áɓɛ aphǒ ka ɔ́kapha. Áɓɛ gǎkɛ aɗǒ ka yɔnga na ka ɓɛá.

2 Pɛ́tɛɛ 2:12

Ɓagoisigi á mbɛa ndɔ, ɓáúkí gǎkɛ úbapha ɓea ɓanyama, ɓunde ɓáɓɔkɔtɛani tɔ ka ta ka mɛ̌kɔ na mowa aɓɔ. Ɓakpa ndɔ ɓáobóma kema nde ɓánáoúba na ɓákuwande ɓea ɓanyama.

2 Pɛ́tɛɛ 2:18

Ɓáǒɗokoa na nyɔngɔ á ɓemboko na á jǎi-jǎi. Ka mɔphɛ nɛɓɔ á iɛɓɛ, ɓáǒɓotea ɓunde ɓátóɗeketani na ɓakpa nde ɓáoenda k'ódemayɔ.

Yúda 1:10

Cɔ, ɓakpa ndɔ ɓáobóma kema bui nde ɓákáoúba. Úbapha aɓɔ aotamba kimoci na tambea aɓɔ ɓea ɓanyama ɓunde ɓáká na úbapha. Nndɔ ungɔ aǒɓúngisaga.

Yúda 1:16

Ɓakpa ndɔ ɓáná na maseye. Ɓáophangia esúia nɛɓɔ ka ngɔngɔnaga. Ɓáotówa ntaɓo esa bui ka nyɔngɔ nde ědondaeka ka sungiaga á enda aɓɔ. Ɓá tɔ oɓea tambea aɓɔ ájeɗe, nyɔngɔ á k'aphenɔkɔ aɓɔ a tɔ á ébeba na ɓɔ́ngá á ɓakpa ka gea ɓátɔɛ ka kema.

Mphaniɔ 3:17

Ɔɔyɔnga gea: ‹Nende ntɔi, néosikia néɓá ntɔi, kéna ka siki á kema›, kángá uba sasakɔ gea, onde nto á ɓuyɛnɛ, nto á ngomi, múki, keíme-íme na ndumbu.