1 Timɔtɛ́ɔ 6:3 - Ɔngana á Kɛ̌kɛ

³ Aoɓá nkpa n'agoisigi ɓɔphɛi nɛngbo n'atingani na nyɔngɔ á ɗoni ndea Mɔkɔta nɛsu Yéso Kiísito, na nnde atingani na goisaga nde akeni ka ɓeekea,

1 Timɔtɛ́ɔ 6:3 Iomraidhean Croise

Matáyɔ 22:21

Ɓáonsikisia te: «Ande á moamɛ angbóngbó á Ɓalɔ́ma.» Mpɔ Yéso áǒgea te: «Mophani Kaisáa kema nɛkɛ, ɓómophɛ phɔtɔ Mokonga kema ínɛkɛ.»

Matáyɔ 28:20

Ɓógoisɛgɛ ɓɔ amba á nyɔngɔ bubui nde ɗénósosi. Na úbani gea, ne kimoci na ɓenu esa bui na ka sungiaga á mokonda.»

Ɓalɔ́ma 16:17

Kaɗenge-ɗenge ɓaya! Óengani na ɓunde ɓáosoea katanaga á ɓakiísito na ɓúngaga ka nyɔngɔ á ɓɛnjiaga ɓɔphɛi nde ɓotɔ́ɔ́ki. Ikani ɗanga na ɓɔ.

1 Ɓatɛsalɔníka 4:8

Cɔ, nkpa nde ayé ɓɔphɛi ndɔ, kán'yé nkpa nde amphɛí, an'yé ndiu Mokonga, mmbé asóphi Měma nɛkɛ.

1 Timɔtɛ́ɔ 1:10

ɓato á iɛɓɛ, ɓǒko íɓunde ɓáoɗaga na ɓadaɓɔ ɓǒko, ɓasombisigi ɓakɔɓɛ, ɓato á mbɛa, na ɓakpa nde ɓáɔɔpha ka mbɛa, na ɓunde ɓákáoɓeekea ɓɔphɛi á kanga ɓojeɗe.

1 Timɔtɛ́ɔ 1:3

Ɓî ɗétúoga na Makɛdɔnía, ɗékongonɗi gea, óikɛ ka Ɛphɛ́sɔ. Kó, óimisiɛ ɓakpa nde ɓáogoisaga ɓɔphɛi á mbɛa.

1 Timɔtɛ́ɔ 1:6

Ɓakpa ɓunɛngbo ɗáɓáɗú gǎkɛ aphe ndɔɔ, ɓáoɓúngaga ka ɓeá nyɔngɔ á jǎi-jǎi.

2 Timɔtɛ́ɔ 1:13

Cɔ, amba á nyɔngɔ á ɗoni nde ɗékongoɗi áɓɛ mphangiɔ k'óɓɛ. Ámbá ɓeekea n'ekondi nde ɓeně suɓi á Kiísito Yéso.

2 Timɔtɛ́ɔ 4:3

Mbenɔ abikande, nnde ɓakpa ɓáyande ɓɔphɛi á ɗoni, ɓâ ndiu oɓea mɔphɛ nɛɓɔ sasaɓɔ. Ɓáékáɓande ɓagoisigi ɓásii ɓunde ɓáétimbande ka phɛá aɓɔ nyɔngɔ nde ɓɔ ɓáokonda ɔ́ka í.

Títɔ 1:1

Títɔ, samba! Eme Pɔ́lɔ, mbɛɗanigi nde ɓa Mokonga na nteki nde ɓa Yéso Kiísito aámbé neɗundu ɓaoɓa ndee. Mokonga ɗámoteki ka gea, ɓakpa nde yɛ ɗáɛsɔmbu ɓámɓeekeɛ na úbisa aɓɔ ɗoni nde akeni ka kanisa nɛsu.

Títɔ 1:9

Áɓɛ nto á amba á nyɔngɔ á ɗoni nnde akeni ka ɓeekea, ka ɓeana na goaga nde ɗáɓeeki. Kaɓondɔ, goaga nɛkɛ á ɗoni ěgbagisagande gǎkɛ ɓato á Mokonga ka měma na tɔka á ɓakpa nde ɓáoyá goisaga nɛkɛ.

Títɔ 3:8

Cɔ, yɔnga ndɔ, ande á ɓeekea í. Nekondi óphangiɛgɛ ɓaɓêki ú na ɓukpɛkpɛ ka gea, ɓakpa nde ɓámɓeeki Mokonga ɓéyameɛ ka tɔtɔkisa á ekuma ánjá. Nyɔngɔ ndɔ aánjá na ana kantíti ka ɓakpa.