1 Timɔtɛ́ɔ 6:21 - Ɔngana á Kɛ̌kɛ

²¹ Nga, ɓakpa ɓuangbo ka nyɔngɔ á ɓɔnɛaga úbapha á mbɛa ndɔ, aunge ɓáɗu moangɔ á ɓeekea. Ambe ɓonjánja-ékondi ndea Mokonga áɓɛ kimoci n'oɓɛ.

1 Timɔtɛ́ɔ 6:21 Iomraidhean Croise

Matáyɔ 6:13

Kosóɗeketɛmbɛ ngia ka tombaga, ósoamisa ndiu na Nketi. [Nga koɓoamɛ, ɓukpɛkpɛ na ɓoombia ande akɔ ka saga na saga. Áɓɛ ɓó.]

Ɓalɔ́ma 1:7

Cɔ, nenóɗundui ɓenu ɓɔbu suɓi á Lɔ́ma ɓunde Mokonga aekondi na ɓunde ɗáɛɓɔphani ka ɓá ɓakpa nɛkɛ ɓato á kanga ɓojeɗe, ɓonjánja-ékondi na ɓujɛjɛ ndea Abasu Mokonga na Mɔkɔta nɛsu Yéso Kiísito áɓɛ na ɓenu.

Ɓalɔ́ma 16:20

Mokonga mɛna-ɓujɛjɛ ankpɔtande Sɛtáni kɛ̌kɛnde kusi á ecinji anu. Ambe ɓonjánja-ékondi ndea Mɔkɔta Yéso Kiísito áɓɛ kimoci na ɓenu!

Ɓalɔ́ma 16:23

Gáyɔ, mmbé ne mɔtɛ-akɛ ɔma nde madondanɔ á koni bui amɔnɔ ongiaga anósesi. Ɛlástɔ, nambigi imɔna á ka nji na muna-amasu Kwáatɔ ɓanósambei. [

Ɓakɔlɔsái 4:18

Eme Pɔ́lɔ aámbé neɗundu na njaga ani nsesɔ nde ka ɓenu: Ɓókoɓoseɛmbɛ gea, ne ka mekakɔ. Cɔ, ɓonjánja-ékondi ndea Mokonga áɓɛ na ɓenu.

1 Timɔtɛ́ɔ 1:19

ka amba ɓeekea na úbapha ánjá. Ɓakpa ɓunɛngbo ɓáyé kanisia á ka měma aɓɔ, ɓâ gǎkɛ oɓúngisa ɓeekea nɛɓɔ.

1 Timɔtɛ́ɔ 1:6

Ɓakpa ɓunɛngbo ɗáɓáɗú gǎkɛ aphe ndɔɔ, ɓáoɓúngaga ka ɓeá nyɔngɔ á jǎi-jǎi.

1 Timɔtɛ́ɔ 6:10

Nga, ekondi á imɔna ande cina á ɓojeɗe bui. Ka nyɔngɔ índɔ unge, ɓakpa ɓuangbo ɓáɓúngisi ɓeekea nɛɓɔ, ɓáǒtambisaga sasaɓɔ ka měma phɛɛ.

2 Timɔtɛ́ɔ 2:18

Ɓɔ, ɓásagi ɓɔphɛi á ɗoni, ɓáɔyɔnga te, moangɔ á jujúka á ɓasí ka kukuwa a ye tɔtɔkɛani. Kaɓondɔ, ɓáoɓotea ɓeekea á ɓakpa ɓásii k'ódemayɔ.

2 Timɔtɛ́ɔ 4:22

Cɔ, Mɔkɔta áɓɛ n'oɓɛ. Ɓonjánja-ékondi nɛkɛ áɓɛ na ɓenu.

Títɔ 3:15

Ɓakpa ɓɔbu ɓunde ɓá kimoci n'eme, ɓákosambei. Ósambea ɓadasu á suɓi á ɓeekea. Ambe ɓonjánja-ékondi ndea Mokonga, áɓɛ na ɓenu ɓɔbu.

Ɓaɛbulanía 13:25

Ambe ɓonjánja-ékondi ndea Mokonga áɓɛ na ɓenu ɓɔbu.