1 Timɔtɛ́ɔ 6:20 - Ɔngana á Kɛ̌kɛ

²⁰ Cɔ, Timɔtɛ́ɔ, amba ánjá nnde Mokonga ɗákophi. Ɓánga yɔngaga á jǎi-jǎi, nnde atinganigi na ɓɔphɛi á ɗoni. Yɔngaga ndɔ aunge ɓaɓiɓia nɛsu ɓáɔɔphana «úbapha», n'ande mbɛa.

1 Timɔtɛ́ɔ 6:20 Iomraidhean Croise

Ekuma á ɓateki 16:1

Pɔ́lɔ áojua ka Dɛ́ɛbɛ mbusa á wa, áɔtɔngana na Lísta. Wa, ɗátú na ngoigi moci ina akɛ Timɔtɛ́ɔ. Amakɛ ɗátú Moyúda mɓêki. Abakɛ ɗátú gǎkɛ nɛkɛ Mogiíki.

Ekuma á ɓateki 17:18

Ka ɓato á ubapha á ka nkíndí ndea Ɓaipikulíɔ na Ɓasitɔíkɔ, ɓáokpanga púa na Pɔ́lɔ. Ɓunɛngbo ɓáɔyɔnga gea: «Nto á eongo nde akondi yɔnga á kema sina?» Ɓuangbo goto: «A ɓea nkpa n'aɔtɔmiaga nyɔngɔ á ɓamokonga á mbɛa ɓunde ɓékéǒɓúba.» Ɗáɓáyɔngi ɓó nga, ɗáɓáɔmɔ́ka Pɔ́lɔ n'aɔtɔmiaga Mbino-Ánjá ndea Yéso na nyɔngɔ á jujúka á ɓasí ka kukuwa.

Ekuma á ɓateki 17:21

(Nga, ɓato á ka Atɛ́nɛ ɓɔbu na ɓakɛni nde ɗáɓáiki kó, ɗáɓáikíí tɔ tɔ̌miaga kaɓɛ n'ande ka ɔ́ka á mbino ɗanga-ɗanga á kɛ̌kɛ.)

Ɓalɔ́ma 1:22

Ɓáǒbeba gea ɓánde ɓato á kɔɓɔɔngɛ, na ɓá ndiu ɓabóbó.

Ɓalɔ́ma 3:2

Anyɛ́nyi ka kema ásii ɗanga-ɗanga. Ka nyɔngɔ nde Ɓayúda ɓáunge Mokonga ɗéɓophi phɔ́ nyɔngɔ nɛkɛ.

1 Ɓakɔlítɔ 2:6

Cɔ, nɛ tɔ ɔphɛa kɔɓɔɔngɛ ka ɓakpa nde ɓámɔti ka ɓeekea. Kɔɓɔngɛ ndɔ nna gǎkɛ á ka mokonda ndee, nna phɔtɔ á kɔkɔta á ka mokonda nde nnde aújukanande.

1 Ɓakɔlítɔ 3:19

Nga, kɔɓɔɔngɛ ndea ka mokonda nde, ande kobóbó mosá á Mokonga. Cɔ, ɓáɗundu suɓi á Ɓuku á Mokonga ɓe: «Mokonga aǒkoɗa ɓato á kɔɓɔɔngɛ ka mɛ̌kɔ nɛɓɔ sasaɓɔ.»

Ɓakɔlɔsái 2:18

Ɓókǒɗeketeɛmbɛ ka gea, nkpa buakɛ átenɛ nyɔngɔ nɛnu akpɛ, mmbé aǒdemisaga gea ana měma édidisa na beba á ɓamalaéka. Ɓábisi phɔtɔ měma aɓɔ ka kema nde ɓáɔɔna ka mphaniɔ. Kanisia aɓɔ a tɔ á kokpa, nndɔ aǒɓopha ɓemboko.

Ɓakɔlɔsái 2:8

Óambani ka gea, nkpa kanótombɛgɛmbɛ ka ɓɔngaga anu na nyɔngɔ á mbɛa á kanga kantíti á kɔɓɔɔngɛ, nnde aotóka ka ɓato á ka mokonda. Nndɔ aotóka ka asii á ɓakpa na měma ájeɗe á ka mokonda. Nndɔ nna gǎkɛ ka Kiísito.

2 Ɓatɛsalɔníka 1:4

Kaɓondɔ unge, ɓeǒbeba ka phɔanu mosá á ɓato á kanisa ndea Mokonga ka nyɔngɔ á moíngí nɛnu na ɓeekea nɛnu suɓi á tambaga bui na kema ájeɗe phɛɛ nde ɓosuɓi í.

2 Ɓatɛsalɔníka 2:15

Cɔ, ɓaya, mamani akpɛ na ɓóambɛ ɓɔphɛi nde ɗéɓenógoisigi, nanga nnde ɗéɓenógoisigi n'ɛsɔ, nanga nnde á ka ɓaoɓa nɛsu.

1 Timɔtɛ́ɔ 1:11

Ɓɔphɛi ndɔ a suɓi á Mbino-Ánjá nnde ɗámopi nɛ́tɔ̌miɛgɛ ú, n'atóki ka Mokonga, mɛna-ɓoombia na ɓonjánja.

1 Timɔtɛ́ɔ 1:4

Óngoɗeɛ phɔtɔ gea, ɓákábisɛmbɛ kanisia aɓɔ ka nyɔngɔ á egani á jǎi-jǎi, na nnde á cɔca cina á ɓatataɓɔ. Nndɔ aikíí tɔ kampápa á jǎi. Nnaoenga ka tútuisa moangɔ á ɓoamia nnde atóki ka Mokonga, nnde aúbikani ka nyɔngɔ á ɓeekea.

1 Timɔtɛ́ɔ 1:6

Ɓakpa ɓunɛngbo ɗáɓáɗú gǎkɛ aphe ndɔɔ, ɓáoɓúngaga ka ɓeá nyɔngɔ á jǎi-jǎi.

1 Timɔtɛ́ɔ 1:9

Ɓê phɔtɔ oúba gea, ɛɔphi ndɔ nna ka ɓato á ɗoni, a ndiu tɔ ka ɓakpa nde ɓáogea ɓojeɗe, ɓunde ɓáoɓúna ɛɔphi, ɓunde ɓákáomɓánga Mokonga, ɓato á ɓojeɗe na ɓunde ɓáɔjɔɔkisa kema ánjá nɛkɛ. Ɛɔphi ndɔ a phɔtɔ ka ɓunde ɓáǒma ɓ'abaɓɔ, ɓ'amaɓɔ na ɓato á kaiso,

1 Timɔtɛ́ɔ 4:7

Kóɓeekeɛmbɛ gǎkɛ egani á jǎi-jǎi, na nnde atingani na moangɔ á ɓeekea. Ókakamisa ka tambea ánjá mosá á Mokonga.

1 Timɔtɛ́ɔ 6:11

Oɓɛ gǎkɛ, nkpa ndea Mokonga, ɓánga kema ndɔ bui. Káɓa ndiu koɗoni, tambea ánjá mosá á Mokonga, ɓeekea á Mokonga, ekondi, phiphia na ɓɔphɔngɔ.

1 Timɔtɛ́ɔ 6:14

amba ɛɔphi nde ɗɔ́ɔ́ki, ɓá nto á koɗoni, kángá kisɛki na ka ɓî Mɔkɔta nɛsu Yéso Kiísito asɛnɛkaeka.

2 Timɔtɛ́ɔ 2:1

Cɔ, oɓɛ miki nɛmɔ Timɔtɛ́ɔ, ɓá na ɓukpɛkpɛ ka ɓonjánja-ékondi nde Kiísito Yéso ɗásóphi.

2 Timɔtɛ́ɔ 2:16

Téa yɔngaga á jǎi-jǎi nnde atingani na moangɔ á ɓeekea nga, ɓakpa nde ɓáoɓea nndɔ, ɓáǒɗangamisa na Mokonga phɛɛ.

Títɔ 1:14

ka gea, ɓákaɓeekeɛ egani á jǎi-jǎi ndea Ɓayúda, ɓákaɓeɛmbɛ ɛɔphi ndea ɓakpa nde ɓáyé ɓɔphɛi á ɗoni.

Títɔ 1:4

Nekoɗundui ɓaoɓa nde, oɓɛ Títɔ, miki nɛmɔ á ɗoni ka ɓeekea nde ɓenoɓɛ kau. Cɔ, Abɛ Mokonga, na Kiísito Yéso Namisi nɛsu, ákophɛ ɓonjánja-ékondi na ɓujɛjɛ.

Títɔ 1:9

Áɓɛ nto á amba á nyɔngɔ á ɗoni nnde akeni ka ɓeekea, ka ɓeana na goaga nde ɗáɓeeki. Kaɓondɔ, goaga nɛkɛ á ɗoni ěgbagisagande gǎkɛ ɓato á Mokonga ka měma na tɔka á ɓakpa nde ɓáoyá goisaga nɛkɛ.

Títɔ 3:9

Kǒngisɛgɛmbɛ gǎkɛ ka pua ka nyɔngɔ nde nna na kantíti, ina á ɓato-ɛ́ɓɔkɔti, sani, eongo ka phɔa á ɛɔphi. Nndɔ nna na kantíti, a tɔ jǎi.

Mphaniɔ 3:3

Cɔ, kanisia phɔ́ ɓɔphɛi nde ɗɔ́ɔ́ki na ɓeekea í. Ámbá ɓɔphɛi ndɔ, na ókětiɛ tambea akɔ ájeɗe. Aoɓá na kɔ́ɛngɛphi, nebikande ɓea nkukuɓa, kóúbɛku tanda mbenɔ sina nde nebikande okobutukisa.