1 Timɔtɛ́ɔ 6:2 - Ɔngana á Kɛ̌kɛ

² Ɓakɔɓɛ íɓunde ɓakɔta nɛɓɔ ɓánde ɓaɓêki, ɓákɛ̌ɓɛnjiɛgɛmbɛ ka nyɔngɔ á gea, ɓánde ɓana-amaɓɔ. Akeni ndiu ɓáɛ́bɛɗaneɛgɛ ánjá phɛɛ, ka nyɔngɔ nde ɓakɔta nɛɓɔ ɓánde ɓaɓêki nde Mokonga aekondi. Nyɔngɔ ndɔ unge akeni ɔ́phɛɛ́ na goisaga á ɓakpa.

1 Timɔtɛ́ɔ 6:2 Iomraidhean Croise

Matáyɔ 23:8

Ɓenu gǎkɛ, ɓókóɓeekeɛmbɛ ɓánɔɔphanɛ: ‹Ɓagoisigi›. Nga, ɓenu ɓɔbu ɓonde ɓato á komunamema na ɓona ngoisigi moci tɔndɔ.

Matáyɔ 25:40

Moamɛ aesikisiande te: ‹Nenóngoɗi ɗoni gea, kema nde ɓoogea ka ɓadani íɓundɔ ɓáná na ɓoombia, aunge ɓo ye gi k'eme.›

Matáyɔ 6:24

Nna na nkpa nde aɔtɔka bɛɗaneaga á ɓakɔta ɓaɓɛ. Nga, ankangeande moci, áonkonda ɓaangbo. Kaɓɛ na nna ɓó, ajúkanande na moci, áomɓɛnjiaga ɓaangbo. Kɔ́ɔtɔka bɛɗaneaga á Mokonga na bɛɗaneaga á imɔna mɔngɔ moci.

Ekuma á ɓateki 1:15

K'ésa ndɔ, ɓaɓêki nde ɗáɓádondanigi, ɗáɓátú ɓea ɓakpa mia moci nkama-iɓɛ (120). Mpɔ, Pɛ́tɛɛ áoma sɔsɔɓɛ aɓɔ, áǒgeae:

Ɓalɔ́ma 11:17

Ɓaisilaɛ́li ɓá ɓea me á mujɛitúni nde Mokonga ɗátenigi ka ntabi í. Oɓɛ, o ɓea ntabi á me á k'osaa. Ɓákɔtɛisi k'ɔ́ma nɛɓɔ oɓɛ ímbe kó Moyúda onde ɓea ntabi á me á k'osaa. Kɛ̌kɛnde ɔɔtɔa phɔtɔ iɓo á ka mǐgi á mujabíbu.

Ɓalɔ́ma 8:29

Nga, ɓakpa nde Mokonga ɗɛ́sɔmbu kala, ɗáeangei phɔtɔ kala gea, ékengeanisɛ na Anakɛ, ka gea Anakɛ áɓɛ ánge mmbé ana ɓamɔtɔakɛ ɓásii.

Ɓagalatía 5:6

Nga, ka nkpa nde aɔngani na Yéso Kiísito, gúa á ganja na ika á kanga á gua ganja, nndɔ nna na kantíti. Nnde ana kantíti a tɔ ɓeekea nde aɔɔnɛkana k'ékondi.

Ɓaɛphɛ́sɔ 1:1

Ka ɓaɓêki á ka Ɛphɛ́sɔ sambani! Eme Pɔ́lɔ nende nteki nde ɓa Kiísito Yéso ka mɔphɛ á Mokonga. Nenóɗundui ɓenu ɓato á Mokonga ka Ɛphɛ́sɔ ɓunde ɓoɓeeki suɓi á ɔngana na Yéso Kiísito.

Ɓaɛphɛ́sɔ 1:15

Ka nyɔngɔ índɔ unge, ɓî ɗɛ́nɛɔ́ki nyɔngɔ á ɓeekea anu Mɔkɔta Yéso na konda anu ɓato á Mokonga,

Ɓaɛphɛ́sɔ 3:6

Nyɔngɔ á ɓɔsɔmɛa kau aungee: Ka nyɔngɔ á Mbino-Ánjá aunge Ɓayúda na ɓunde ɓáná Ɓayúda ɓátɔande ɓotukɔ nde Mokonga aebisíí ɓakpa nɛkɛ. Ɓátóki tɔ ka nyama mo, mɔkɔ ndɔ Mokonga ɗábisi ka Yéso Kiísito, a tɔ ka ɓɔ.

Ɓakɔlɔsái 1:2

Ɓaoɓa nde, ɓenóɗundui ɓenu ɓato á Mokonga ɓunde ɓo ka Kɔlɔsái, ɓenu ɓadasu íɓunde ɓɔɔngani ɗoni na Kiísito. Abasu Mokonga ánophɛ ɓujɛjɛ na ɓonjánja-ékondi.

Ɓakɔlɔsái 1:4

Cɔ, ɗɛ́ɓɛɔ́ki ɓî ɓomɓeeki Kiísito Yéso, na ɓǒkondi ɓakpa ndea Mokonga ɓɔbu.

Ɓakɔlɔsái 4:1

Cɔ, ɓenu íɓunde ɓona ɓakɔɓɛ, ógeeani ɓakɔɓɛ nɛnu ánjá na koɗoni. Úbáni gea, ɓenu phɔtɔ, ɓona Mɔkɔta nɛnu na koba.

2 Ɓatɛsalɔníka 1:3

Ɓaya, akeni ɓénsegɛ Mokonga esa bui ka phɔa anu. Aánjá ɓegeɛ ɓó nga, ɓeekea nɛnu aɔmɔta phɛɛ, na ekondani nɛnu ɓenu ɓɔbu, nkpa na nkpa ka dakɛ amɔti phɔtɔ phɛɛ.

1 Timɔtɛ́ɔ 4:11

Cɔ, óngoɗea na goisaga á ɓakpa nyɔngɔ ndɔ bui.

1 Timɔtɛ́ɔ 5:1

Kómphekeɛgɛmbɛ ngbɛga, ntɔ̌mia ndiu nyɔngɔ ɓea abakɔ. Ɔ́tɔmia phɔtɔ ɓaganda nyɔngɔ ɓea ɓana-amakɔ,

Títɔ 2:1

Cɔ, oɓɛ gǎkɛ, góisaga tɔ nnde akeni ka goisaga á ɗoni.

Títɔ 2:15

Cɔ, ɓondɔ ungɔ akeni ógoisɛgɛ na gbagisaga á měma á ɓakpa na phekeaga aɓɔ na kɔkɔta nɛkɔ bui. Ambe nkpa kakɔɓɛnjiɛgɛmbɛ.

Títɔ 3:8

Cɔ, yɔnga ndɔ, ande á ɓeekea í. Nekondi óphangiɛgɛ ɓaɓêki ú na ɓukpɛkpɛ ka gea, ɓakpa nde ɓámɓeeki Mokonga ɓéyameɛ ka tɔtɔkisa á ekuma ánjá. Nyɔngɔ ndɔ aánjá na ana kantíti ka ɓakpa.

Ɓaɛbulanía 3:1

Ɓadasu ɓato á Mokonga, ɓî a ɓó, ɓe tɔ na ɓenu ka mɔphani nde Mokonga asɔɔphani. Cɔ, ntúmiani Yéso n'íso nga, yɛ aámbé Mokonga anteki, a phɔtɔ ngbɛga á ɓatoɓeigi-phɛ́a mosá á Mokonga ka ɓeekea nɛsu nde ɓɛɔtɔmiaga ú.

Ɓaɛbulanía 3:14

Nga, ɓe tɔ oɓá kimoci na Kiísito ámbé ɓeambi akpɛ ɓeekea nde ɗéɓekpangi ně na ka ɓî ɓegande ojúa ka sungiaga.

1 Pɛ́tɛɛ 5:1

Cɔ, kɛ̌kɛnde nɛɔ̌phɛa ɓadani ɓagbɛga á kanisa nde ɓá ka ɔlɔ anu. Eme nende phɔtɔ ngbɛga ɓea ɓɔ. Nende nɗigimisi á tambaga ndea Kiísito, neɓande na ka ɓoombia nde asɛnɛkande.

2 Pɛ́tɛɛ 2:10

Eya, aetambisagande phɛɛ ɓunde ɓáoyá kɔkɔta ndea Mokonga na ɓá ndiu oɓea mɔphɛ á ɓɔjɔɔkiɔ á kokpa. Cɔ, ɓagoisigi á mbɛa ndɔ ɓánde ɓato á kankiki phɛɛ na ɓemboko, ɓánáoɓánga bóma á ɓato á ɓoombia á na koba.

Yúda 1:8

Eya, ɓakpa ɓájeɗe ɓundɔ ɗáɓángí ka nkíndí anu ka ɓɔsɔmɛa, ɓá phɔtɔ ogea ɓó. Njeki nde ɓáoɗa ně, a tɔ á mɔphɛ á uja nyama aɓɔ sasaɓɔ na ɓɛnjiaga kɔkɔta ndea Mokonga. Ɓáǒbóma econji á ɓoombia á na koba.