1 Timɔtɛ́ɔ 6:1 - Ɔngana á Kɛ̌kɛ

¹ Akeni ɓakɔɓɛ ɓɔbu ɓáɛɓɔ́kɛ ɓakɔta nɛɓɔ ɗoni gea, ɓakpa ɓákabómɛmbɛ ina á Mokonga na ɓɛnjiaga á goisaga nɛsu.

1 Timɔtɛ́ɔ 6:1 Iomraidhean Croise

Matáyɔ 11:30

Moangɔ nde nenóangei nna akpɛ, na nkumba nde nenóphande aáphǒ.»

Matáyɔ 11:9

Cɔ, eke nde ɓotóge kɔɛnjia? Mɔtu-nyɔngɔ ndea Mokonga? Eya, nenóngoɗi ɗoni gea, anyɛ́nyi mɔtu-nyɔngɔ ndea Mokonga.

Lóka 17:1

Yéso áǒngoɗea ɓagoigi nɛkɛ: «Aɓá tɔ na kema nde aǒɓotea ɓakpa ka gea ɓojeɗe. Cɔ, ande ngomi ka nkpa nde abisi kema á kau.

Ekuma á ɓateki 10:22

Ɓáonsikisia te: «Moamɛ á ɓato émani Kɔɔnɛlíɔ aámbé asóteki. Ande nto á koɗoni na mmbé áomɓanga Mokonga. Ɓayúda ɓɔbu, ɓá phɔtɔ ombeba phɛɛ. Malaéka ndea Mokonga angoɗi gea, ákɔɔphanɛ mɔtɛ-akɛ, ka ɔ́ka nyɔngɔ nde ongoɗeande.»

Ekuma á ɓateki 10:7

Ɓî Malaéka nde ɗáɔyɔngaga na yɛ age, Kɔɔnɛlíɔ áɔ̌ɓɔphana ka ɓabɛɗanigi nɛkɛ ɓaɓɛ na nto émani moci, ka ɓunde ɗáɓáɔbɛɗanaga bíbí akɛ phɛɛ n'aomɓánga Mokonga.

Ekuma á ɓateki 15:10

Cɔ, kɛ̌kɛnde ɓo gǎkɛ ɔnjɔbisaga Mokonga ka ɓo nga, ɓǒsosea ɓagoigi nde ɓákumbɛ nkumba nde, nanga ɓatatasu, nanga ɓesu sisasu ɗéɓékétɔki kumba í.

Ɓalɔ́ma 2:24

Nga, a ɓíndɔ ɓáɗundu suɓi á Ɓuku á Mokonga gea: «Ka nyɔngɔ anu Ɓayúda aunge ɓakpa nde ɓáná Ɓayúda ɓáobóma ina á Mokonga.»

1 Ɓakɔlítɔ 10:32

Tambea anu kaɓɛmbɛ ephiphi ájeɗe ka Ɓayúda, na ɓunde ɓáná Ɓayúda, phɔtɔ ka ɓato á kanisa ndea Mokonga.

Ɓagalatía 5:1

Kiísito asotókisi ka kɔkɔɓɛ ka gea te, ɓékéikɛmbɛ ye ka kɔkɔɓɛ. Kaɓondɔ, ókakamisani ka gea, ɓókosikianɛgɛ mɔnɔ ye goto ka kɔkɔɓɛ.

1 Timɔtɛ́ɔ 5:14

Cɔ, nekondi gǎkɛ ɓake á kekusa íɓunde ɓá phɔ́tɔ ɓamponjo, ɓáɔmanɛ, ɓáɛɓɔkɔtɛ ɓaniki, ɓáambɛ endu nɛɓɔ ka gea, ɓaɓiɓia asu ɓákáɓɛmbɛ n'aphe moci nde ɓásóbómande kau.

Títɔ 2:5

ɓáɓɛ phɔtɔ ɓato á tambea ánjá, na ɓáɓɛ kángá á ɓɔjɔɔkiɔ. Ɓátɔtɔkisɛ ekuma á k'éndu nɛɓɔ ánjá, ɓáɓɛ ɓake ɓánjá, ɓáɛɓɔ́kɛ ɓamunyaɓɔ ka gea, ɓakpa ɓákátɛbɛɛgɛmbɛ nyɔngɔ á Mokonga.

1 Pɛ́tɛɛ 2:12

Tambeani ánjá ka ɔlɔ á ɓakpa nde ɓánáomúba Mokonga. Kaɓondɔ, nanga ɓáyɔnga mbɛa ka phɔa anu gea, ɓoogea ájeɗe, ɓáɔnande ekuma nɛnu ánjá, ɓánɗokomisande Mokonga k'ésa nde abikande.

1 Pɛ́tɛɛ 3:16

Geani tɔ ɓó na měma aphɔngɔ na ɓánga. Ɓáni na měma ánjá. Nanga ɓakpa ɓánɔtɔnga ka mbɛa na bóma anu ka nyɔngɔ á tambea anu ánjá ɓî ɓonde ɓakiísito, ɓákuwande na soni.