1 Timɔtɛ́ɔ 5:9 - Ɔngana á Kɛ̌kɛ

⁹ Ka mɔɔmba á ɓake á kekusa, ɗundua tɔ ina á mmbé ajúsi ɓasaga nkama ngianjaga (60). Akeni phɔtɔ mmbé ɗáɔmani tɔ na mǒko moci.

1 Timɔtɛ́ɔ 5:9 Iomraidhean Croise

1 Timɔtɛ́ɔ 3:12

Ɓabɛɗanigi ndea ka kanisa ɓáɓɛ tɔ na ɓake moci-moci. Ɓáɓɛoanga ekombo nɛɓɔ bui ánjá, ɓaniki na ɓakpa ɓɔbu ɓunde ɓá k'éndu nɛɓɔ.

1 Timɔtɛ́ɔ 3:2

Cɔ, akeni nambi-kanisa áɓɛ kángá á nyɔngɔ ájeɗe. Áɓɛ tɔndɔ na nke moci, áambɛ tambea akɛ ánjá sasakɛ, áɓɛ múbaphi, áɓɛ na měma ánjá, áɓɛ nsesi-ɓakɛni na ngoisigi anjánjá.

1 Timɔtɛ́ɔ 5:11

Koɗunduɛmbɛ gǎkɛ ina á ɓake á kekusa íɓunde ɓá phɔ́tɔ ɓamponjo nga, mbenɔ nde mɔphɛ aɓɔ aǒkatanisa na Kiísito ɓâ goto okonda ɔmana,

1 Timɔtɛ́ɔ 5:14

Cɔ, nekondi gǎkɛ ɓake á kekusa íɓunde ɓá phɔ́tɔ ɓamponjo, ɓáɔmanɛ, ɓáɛɓɔkɔtɛ ɓaniki, ɓáambɛ endu nɛɓɔ ka gea, ɓaɓiɓia asu ɓákáɓɛmbɛ n'aphe moci nde ɓásóbómande kau.

1 Timɔtɛ́ɔ 5:16

Aoɓá nke mɓêki na a gǎkɛ na ɓake á kekusa k'ékombo nɛkɛ, ambe éambɛ ɓɔ ka gea, kanisa kakumbɛmbɛ ɓoɗoko aɓɔ. Aogea ɓó, kanisa akumbande ye tɔ ɓoɗoko á ɓake á kekusa íɓunde ɓáká ɗoni na ɓakpa k'ékombo ka amba aɓɔ.