1 Timɔtɛ́ɔ 5:8 - Ɔngana á Kɛ̌kɛ

⁸ Aoɓá nkpa na káǒamba ɓakpa nɛkɛ na amba phɛɛ ɓato á k'ékombo nɛkɛ, mmbɔ ayé ɓeekea nɛkɛ. Kaɓondɔ, yɛ ande nkpa ájeɗe phɛɛ kɔnyɛ́nya mmbé káɓeeki.

1 Timɔtɛ́ɔ 5:8 Iomraidhean Croise

Matáyɔ 18:17

Aoɓá gǎkɛ na káɛɓɔ́ki, tɔ̌mia nyɔngɔ nɛkɛ ka kanisa. Aoɓá n'ayé phɔtɔ ɔ́ka á kanisa, ntángá ɓea mphendisigi-manjanja, na nkpa nde nna mɓêki.

Matáyɔ 7:11

Ɓenu, nanga ɓóɓa ɓakpa ɓájeɗe, ɓoúba opha á ɓ'ananu kema ánjánja. Abanu mmbé á na koba, aéɓophande ɓunde ɓáɔmmɛma kema ánjá phɛɛ.

Yoáni 15:22

Aoɓá na ɗékébiki, na ɗékěngoɗi nyɔngɔ nɛmɔ, ámbé ɓákátóɓɛku na ɓojeɗe. Kɛ̌kɛnde gǎkɛ, ɓákánganɛku ye ɓojeɗe nɛɓɔ.

1 Ɓakɔlítɔ 6:6

Kɛ̌kɛnde gǎkɛ, mɓêki aɔntɔnga dakɛ mɓêki mosá á ɓateni nyɔngɔ ɓunde ɓáká ɓaɓêki!

2 Ɓakɔlítɔ 12:14

Nesóɔmɛa ka gǎ mɔtɛ-anu ka mɔngɔ á ko isaɔ. Kénokumbisɛku ɓoɗoko ani nga, kéokáɓa nkumba nɛnu, ne ndiu tɔ onokáɓa ɓenu. Nga, nna ɓaniki ɓáunge ɓáɔ̌kɔngɔɛa ɓaɓɔkɔti aɓɔ imɔna. Ɓaɓɔkɔti ndiu ɓáunge ɓáogea ɓó ka ɓ'anaɓɔ.

2 Ɓakɔlítɔ 6:15

Kiísito na Nketi, ɓáɔtɔka na ɓáɔ́kani ka ɓo? Cɔ, mɓêki na nkpa nde kámɓeeki Mokonga ɓáɔtɔka ɔ́kana k'éke?

Ɓagalatía 6:10

Cɔ, aoɓá na ɓena mbenɔ átɔtɔkisa kema ánjá, ɓétɔtɔkisɛni ú ka phɔa ɓakpa ɓɔbu. Ɓegeɛni ánjá phɛɛ ka phɔa ɓunde ɓá ka ekombo á ɓaɓêki.

2 Timɔtɛ́ɔ 2:12

Aoɓá na ɓeophiphia tambaga kimoci na Kiísito, ɓemameande nji kimoci na yɛ. Kaɓɛ na ɓen'yé Kiísito, yɛ phɔtɔ, asóyande.

2 Timɔtɛ́ɔ 3:5

Ɓáɔɔnɛkana ka nsɛgɛ ɓea ɓakpa nde ɓáomɓánga Mokonga, na ɓáyé ndiu ɓukpɛkpɛ á Mokonga. Cɔ, óɓángisani na ɓakpa ndɔɔ.

Títɔ 1:16

Ɓáɔyɔnga te, ɓáomúba Mokonga, na ekuma nɛɓɔ a gǎkɛ ophangia gea, ɓáongána Mokonga. Ɓɔ, ɓáogea kema nde ɓakpa ɓáokangea ú, ɓákáɔmɔ́ka nkpa, ɓákáɔtɔka na ɓátɔtɔkisi ekuma ánjá.

2 Pɛ́tɛɛ 2:1

Kala, ɓaɔtu-nyɔngɔ á mbɛa ɗáɓásɛnɛki ka ɔlɔ á Ɓaisilaɛ́li. A phɔtɔ ɓó unge ɓagoisigi á mbɛa ɓásɛnɛkande ka ɔlɔ anu. Ɓagoisigi á mbɛa ndɔ, ɓángisande ka ɓɔsɔmɛa ɓɔphɛi ájeɗe nde aoɓúngisaga na ka ɓî ɓán'yande Mɔkɔta nde ɗáetókisi ka kɔkɔɓɛ á ɓojeɗe. Kaɓondɔ, ɓáɓoteande otúkɔtúkɔ ka phɔaɓɔ kángá iphia.

Yúda 1:4

Nenóɗundui ɓo nga, ɓakpa ɓájɛɗe ɓángí ka nkíndí anu ka ɓɔsɔmɛa. Ɓáoketia ka ɓojeɗe ɓonjánja-ékondi ndea Mokonga, ka gea ɓágbukumiɛ nyɔngɔ á iɛɓɛ nɛɓɔ. Ɓɔ, ɓáon'yá ngoisigi ndeasu mmbé a tɔ moci n'ande Mɔkɔta ndeasu Yéso Kiísito. Cɔ, Ɓuku á Mokonga ɗáyɔngi nyɔngɔ á tena nyɔngɔ ndeabɔ kala.

Mphaniɔ 2:13

Neoúba ɔma nde oiki. Wa unge ande kankaanga á koɓoamɛ ndea Sɛtáni. Nanga a ɓó, otétemisi tɔ ɓeekea ani kángá á ngana á ɓeekea ndɔ. Oɓɛ, kóɗeketi ɓeekea ani mbenɔ nde ɗáɓámowe Antípa, nɗigimisi nɛmɔ á ɗoni mɔtɛ-anu, ɔma nde Sɛtáni aiki.

Mphaniɔ 3:8

Neoúba ekuma nɛkɔ. Neoúba gea, o tɔ na ɓukpɛkpɛ ábɔa. Kaɓondɔ unge, neúku kǐo mosá akɔ, nnde nkpa nnaɔtɔka n'aphati, ka nyɔngɔ nde, ɗóambi nyɔngɔ nɛmɔ na ɗókóngani ina ani.