1 Timɔtɛ́ɔ 5:6 - Ɔngana á Kɛ̌kɛ

⁶ Nke á kekusa ímbe a gǎkɛ oenda ka tambea ájeɗe, nanga a phɔ́tɔ koenda, a yé ku.

1 Timɔtɛ́ɔ 5:6 Iomraidhean Croise

Matáyɔ 8:22

Yéso â gǎkɛ ongoɗea: «Ómoɓea, óɗeketa ɓakpa nde ɓáku ɓéúmbɛ ɓakpa nɛɓɔ íɓunde ɓáku.»

Lóka 12:19

Mbusa, néǒsega sasani gea: Moko, ona nkumba ásii phɛɛ ka saga ásii. Cɔ, úmbia phɔ́, eaga, ónoɛ, óguɛ jaí.›

Lóka 15:13

Mbusa á esa ábɔa, mmbɔ miki áoɓóaga nkumba nɛkɛ bui, áoga ně ka nji á ɗanga. Kó, áoɓúngisa nkumba ndɔ bui jǎi-jǎi.

Lóka 15:24

Nga, miki nɛmɔ atóku mɔnɔ, ajujúki gǎkɛ ka kukuwa. Ɗáɓúngigi mɔnɔ, nɛmɔni gǎkɛ.› Mpɔ, ɓáokpanga gúa á jaí.

Lóka 15:32

Akeni ɓéguɛ jaí na ɓéɓɛ na maseye ka nyɔngɔ nde, mɔtɔ akɔ atóku mɔnɔ, ajujúki gǎkɛ ka kukuwa. Atóɓúngigi mɔnɔ, nɛmɔni gǎkɛ.›»

Lóka 16:19

Ntɔi moci ɗáɔɔ́laga bɔngɔ áphǒ-phǒ n'esombi í n'akpɛ phɛɛ. Ɗá phɔtɔ oenda esa bubui ánjá na eaga eea nde aotena soki.

Lóka 7:25

Eke nde ɓotóge ɔɔna? Nkpa n'aɔ́li bɔngɔ ánjá? Nenógie, ɓunde ɓáɔɔ́la bɔngɔ ánjá, na tɔá á nkumba ásii, ɓá tɔ oika k'éndu á ɓaamɛ.»

Ɓaɛphɛ́sɔ 2:1

Ɓenu, ɗóɓoku ka měma kala ka nyɔngɔ á kisɛki na ɓojeɗe nɛnu.

Ɓaɛphɛ́sɔ 2:5

Ɓî ɗéɓeku ye ka měma, ka nyɔngɔ á ɓojeɗe nɛsu, áosójujukisa ka kukuwa kimoci na Kiísito. Ɓoamia ndɔ ɗátú ka nyɔngɔ á ɓonjánja-ékondi ndea Mokonga.

Ɓaɛphɛ́sɔ 5:14

Nga, kema bui nde aɔɔnɛkana base ande owanga. Kaɓondɔ unge ɓági: «Jujúka oɓɛ ímbɔ oka tɔ̌, Jujúka ka kukuwa ka ɔlɔ á ɓasí, na Kiísito abɛnyande gǔ akɔ.»

Ɓakɔlɔsái 2:13

Cɔ, ɗóɓoku kala ka měma ka nyɔngɔ á ɓojeɗe nenu na ka nyɔngɔ nde ɗóɓókótú Ɓayúda, na ka nyɔngɔ á kowó nɛnu. Kɛ̌kɛnde gǎkɛ, Mokonga áonójujukisa ka kukuwa kimoci na Kiísito, áoíma ɓojeɗe nɛsu bui.

2 Timɔtɛ́ɔ 3:6

Ka ɓɔ, ɓáongia mɔtɛ á nkpa, ɓáɛɓɔngande ɓake nde ɓáká na měma ésimbia, ɓunde ɓátúmi na ɓojeɗe, kema á ka mokonda bui aǒɓotea.

Yakɔ́ɓɔ 5:5

Ɓobomi kpɔngbɔ n'eɗáka ka enda anu ka mokonda. Ɓooɓondeaga kukuwa suɓi á ɓɔɛngɔ ɓea ɓanyama á etuge nde ɓánɔnigi na ɓáoɓondeaga tena aɓɔ.

Mphaniɔ 18:7

Ɓea ɓî ntanga-nji ndɔ ɗátú na ɓoombia n'ɛtɔi, akeni ɓóntambisɛgɛ na áɓɛ n'oiɔ ɓíndɔ ɗátú na ɓoombia n'ɛtɔi. Yɛ aǒgea sisakɛ gea: Neiki ka kankaanga á koɓoamɛ ɓea moamɛ-nke. Ké nke á kekusa na kékusanɛeka tanda.

Mphaniɔ 3:1

Nɗunduia malaéka á ka kanisa ndea ka Sáadi ɓe: Mmbé ana měma ngianjaga iɓɛ (7) á Mokonga na ɓasɛɛngɔa ngianjaga iɓɛ (7) ayɔngi ɓe: Neoúba ekuma nɛkɔ, ne phɔtɔ oúba gea oúbikani te ooenda, na o ye ku gǎkɛ.