1 Timɔtɛ́ɔ 5:22 - Ɔngana á Kɛ̌kɛ

²² Nkpa aokonda ɓá mbɛɗanigi ka kanisa, kokamisɛgɛmbɛ bisa á njaga akɔ gǔ akɛ, kǒgamɛmbɛ ɓakpa ka ɓojeɗe nɛɓɔ. Oɓɛ sasakɔ, óamba kángá á ɓojeɗe.

1 Timɔtɛ́ɔ 5:22 Iomraidhean Croise

Ekuma á ɓateki 13:3

Cɔ, mbusa á tútuisa ɛmɛmi na ika kángá á eaga ka nyɔngɔ á mɛma á Mokonga, ɓáobisa njaga gǔ á ɓɔ mpɔ, ɓáǒɗeketa ɓágɛ.

Ekuma á ɓateki 18:6

Ɓayúda ɓâ ndiu oya nyɔngɔ ndea Pɔ́lɔ na bóma akɛ. Kaɓondɔ, Pɔ́lɔ áǒciciia bɔngɔ nɛkɛ, áǒngoɗea te: «Magia anu, áɓɛ ye tɔ ka mɔ̌ anu sasanu. Nna yé nyɔngɔ nɛmɔ. Kɛ̌kɛnde negande k'ékuna nɛngbo.»

Ekuma á ɓateki 20:26

Kaɓondɔ, nenóngoɗi ɗoni gea, kaɓɛ ká ɓenu n'aɓúngigi, nna ye nyɔngɔ nɛmɔ.

Ekuma á ɓateki 6:6

Ɓáǒbisa mosá á ɓateki, ɓateki ɓáǒbisia njaga, ɓáɔmɛma Mokonga ka nyɔngɔ aɓɔ.

Ɓaɛphɛ́sɔ 5:11

Ɓókǒngisɛmbɛ mɔnɔ ka nyɔngɔ nde ɓáogea suɓi á kaiphiɔ. Ɓókóbuniɛgɛmbɛ gǎkɛ nyɔngɔ kau.

1 Timɔtɛ́ɔ 3:10

Mosá á bisa á ɓabɛɗanigi ndea ka kanisa, akeni phɔ́ ɔnjia tambea aɓɔ bîbíbí. A ye oɓá na ɓáká na nyɔngɔ á sɛka aɓɔ, mpɔ, ɓáoɓá ɓabɛɗanigi ka kanisa.

1 Timɔtɛ́ɔ 3:2

Cɔ, akeni nambi-kanisa áɓɛ kángá á nyɔngɔ ájeɗe. Áɓɛ tɔndɔ na nke moci, áambɛ tambea akɛ ánjá sasakɛ, áɓɛ múbaphi, áɓɛ na měma ánjá, áɓɛ nsesi-ɓakɛni na ngoisigi anjánjá.

1 Timɔtɛ́ɔ 3:6

Kaɓɛmbɛ mokiísito á kɛ̌kɛ, ámbé aebebande, mbusa í, Mokonga áotena nyɔngɔ nɛkɛ akpɛ ɓíndɔ á nketi.

1 Timɔtɛ́ɔ 4:12

Ambe nkpa kakɔɓɛnjiɛgɛmbɛ ka nyɔngɔ nde onde moganda. Óɓɛ ndiu mphangiɔ ka ɓaɓêki, ka ɛyɔngi akɔ, tambea akɔ, k'ékondi, ɓeekea, na ka enda akɔ ánjá.

1 Timɔtɛ́ɔ 4:14

Kɔɓɛnjiɛgɛmbɛ bɛɗaneaga á egabɔ á Měma á Mokonga nnde asuɓi akɔ, nnde ɗɔ́tɔi ɓî ɓaɔtu-nyɔngɔ ndea Mokonga ɗáɓáyɔngi ka phɔakɔ, na ɓî ɓagbɛga ɗáɓákobisíí njaga.

2 Timɔtɛ́ɔ 1:6

Ka nyɔngɔ índɔ unge, nekokanisíí gea, kakamisa egabɔ nde Mokonga ɗákophi, mbenɔ nde ɗébisi njaga gǔ akɔ.

2 Timɔtɛ́ɔ 2:2

Ɓɔphɛi nɛmɔ nnde ɗɔ́ɔ́ki mosá á ɓakpa ɓásii, ɔ́phɛ́a ɓakpa nde ɓákeni ka gea, ɓáɓɛ na ɓukpɛkpɛ á goisaga ɓakpa ɓuangbo.

Ɓaɛbulanía 6:2

ɓɔphɛi ka nyɔngɔ á oɓatisɔ, ka nyɔngɔ á bisia á njaga, ka nyɔngɔ á jujúka ka kukuwa, ɓakpa nde ɗáɓáku na nyɔngɔ á tena nyɔngɔ á ka sungiaga.

2 Yoáni 1:11

nga, mmbé aonsesea, aɔ́kani na yɛ ka tambea nɛkɛ ájeɗe.

Mphaniɔ 18:4

Mpɔ nɛ́ɔɔ́ka ɛsɔ nɛngbo n'aotóka na koba áogea: «Tókani ka ntanga-nji ndɔɔ ɓenu ɓakpa nɛmɔ ka gea te, ɓókoúphanɛmbɛ na ɓojeɗe nɛkɛ na kambekana na kema nde ankambande.