1 Timɔtɛ́ɔ 5:21 - Ɔngana á Kɛ̌kɛ

²¹ Nekososi base mosá á Mokonga na mosá á Kiísito Yéso, na ɓamalaéka á kanga ɓojeɗe gea, amba ɓɔphɛi ndee: Mbenɔ nde ɔɔbɛɗanaga, bɛɗanaga kángá oɓayɔ, phɔtɔ kángá egami ka nkpa.

1 Timɔtɛ́ɔ 5:21 Iomraidhean Croise

Matáyɔ 16:27

Cɔ, Muna-Nkpa, abikande ka ɓophombia ndea Abɛ, kimoci na ɓamalaéka nɛkɛ. Mpɔ, amphendande nkpa na nkpa ka ɓeana na tambea akɛ.

Matáyɔ 25:41

Mpɔ ěgeande ɓundɔ ɓá ka njaga akɛ á nkei: ‹Tókani bíbí ani! Ɓánɔsɛmɛigi. Gǎni k'ɛɛmbɛ á nsa mɛyɔ nnde ɗáɓáɓɔngisigi ka nketi na ɓamalaéka nɛkɛ.

Matáyɔ 28:20

Ɓógoisɛgɛ ɓɔ amba á nyɔngɔ bubui nde ɗénósosi. Na úbani gea, ne kimoci na ɓenu esa bui na ka sungiaga á mokonda.»

Lóka 20:21

Ɓato á ɓɔgɔmɛaga ɓáomúsia Yéso: «Ngoisigi, ɓeoúba nyɔngɔ nde ɔɔyɔnga n'índe oogoisaga ande ɗoni. Kóotena nyɔngɔ ndea nkpa ka ɓeá keongi akɛ. O ndiu ogoisaga aphe á Mokonga ka koɗoni.

Lóka 9:26

Aoɓá nkpa n'aku na soni ka phɔani na ka phɔa ɓɔphɛi nɛmɔ, eme Muna-Nkpa, nenkuiande phɔtɔ soni esa nde nebikaeka ka ɓoombia nɛmɔ na nnde á Abɛ, na nnde á ɓamalaéka á kanga ɓojeɗe.

2 Ɓakɔlítɔ 5:16

Kaɓondɔ unge ɓéké ye ɔmbɛɗa nkpa n'etéte á kokpa akɛ. Nanga ɓî ɗéɓɛmbɛɗi Kiísito kala n'etéte á kokpa, kɛ̌kɛnde ɓéké ye ɔmbɛɗa n'etéte ɓíndɔ.

1 Ɓatɛsalɔníka 5:27

Cɔ, nɛnɔɔkusigi k'ína á Mɔkɔta, tangani ɓaoɓa nde, mosá á ɓaɓêki ɓɔbu.

1 Timɔtɛ́ɔ 6:13

Nekososi mosá á Mokonga, mmbé ande cina á enda bui, na mosá á Kiísito Yéso, mmbé ɗáengekisi koɗoni nɛkɛ mosá á Pɔntíɔ Pilátɔ gea,

2 Timɔtɛ́ɔ 2:14

Ókanisia ɓakpa nyɔngɔ ndɔ bui, ɔ́phɛ̌ base mosá á Mokonga gea, ɓákasanɛ mɔnɔ ka nyɔngɔ á kampápa nga, sani nna na kantíti, a ndiu ǒɓúngisaga ɓunde ɓáɔɔ́ka.

2 Timɔtɛ́ɔ 4:1

Cɔ, Timɔtɛ́ɔ, nekososi base mosá á Mokonga na Kiísito Yéso, mmbé atenaeka nyɔngɔ ndea ɓakpa nde ɓáku na ɓunde ɓáoenda, ka sɛnɛka akɛ ka koɓoamɛ nɛkɛ:

Yakɔ́ɓɔ 3:17

Kɔɓɔɔngɛ nde atóki gǎkɛ na koba, ande phɔ́ á ɗoni, a phɔtɔ na ɓujɛjɛ, ɓɔphɔngɔ, á ɔ́ka mɔphɛ á ɓakpa, atúmi na ngomi, aɔtɔtɔkisa ɓonjánja, nna n'oɓayɔ na maibe.

2 Pɛ́tɛɛ 2:4

Cɔ, Mokonga ɗákáekui ɓamalaéka nde ɗáɓági ɓojeɗe ngomi. Ɗáeɓóege ndiu na ngoi á ngɔa na makea aɓɔ ka kaiphiɔ, ɔma nde ɓáoɓondeaga tena á nyɔngɔ nɛɓɔ.

Yúda 1:6

Cɔ, kanisiani phɔ́ nyɔngɔ á ɓamalaéka: Ɓunde ɗáɓákákondi bɛɗanaga na kɔkɔta nde Mokonga ɗéɓophi, ɓâ ndiu oɗeketa sasaɓɔ ɔma ndeaɓɔ. Mokonga ɗáeɓóege na ngɔi á ngɔa, áǒbisa kusi ɔma á kaiphiɔ á mɛyɔ ka ɓondeaga esa ángbó á tena nyɔngɔ.

Mphaniɔ 14:10

anoande makana akáe á esúia ndea Mokonga, nnde ɓáɗuki ka cǎ nde atúmi n'esúia nɛkɛ. Ɓakpa ɓea ɓundɔ ɓátambagande ka ɛɛmbɛ á nsa, mosá á ɓamalaéka ndea Mokonga á kanga ɓojeɗe na mosá á Muna-Mɔgɔgɔ.