1 Timɔtɛ́ɔ 5:20 - Ɔngana á Kɛ̌kɛ

²⁰ Ɓunde ɓáogea ɓojeɗe, óphekeaga mosá á ɓakpa ka gea, ɓunɛngbo ɓáɓɛ phɔtɔ na kɔɓɔɓɔkɔ.

1 Timɔtɛ́ɔ 5:20 Iomraidhean Croise

Ekuma á ɓateki 19:17

Ɓakpa ɓɔbu ɓunde ɗáɓátú ka Ɛphɛ́sɔ, Ɓayúda na ɓunde ɓáná Ɓayúda, ɓáɔɔ́ka nyɔngɔ ndɔ, ɓáoɓá na kɔɓɔɓɔkɔ phɛɛ. Kaɓondɔ, ina á Mɔkɔta Yéso áoɓá n'obebɔ.

Ekuma á ɓateki 5:11

Kaɓondɔ, ɓato á ka kanisa ɓɔbu na ɓunde ɗáɓáɔ́ki nyɔngɔ ndɔ ɓáoɓánga phɛɛ.

Ekuma á ɓateki 5:5

Ka ɔ́ka á nyɔngɔ ndɔ, Ananía áogua ka oɗo gbu! Áokuwa. Ɓakpa ɓáɔ́ki ye nyɔngɔ ndɔ, ɓáoɓánga phɛɛ.

2 Ɓakɔlítɔ 7:11

Cɔ, ɔ́nani phɔ́ kema nde esúia nde ande á mɔphɛ á Mokonga aobikisa: Ɓá na moíngí phɛɛ, ɛ́yɔngɛa, kangea ɓojeɗe, ɓá na ɔ́kapha, ɓá na mɔphɛ á ɔna ani, ɓá na mɔphɛ á bɛɗaneaga ani, keea ɓojeɗe. Kaɓondɔ, ɓɔɔnisi gea, ɓókótú suɓi á nyɔngɔ ndɔɔ.

Ɓaɛphɛ́sɔ 5:11

Ɓókǒngisɛmbɛ mɔnɔ ka nyɔngɔ nde ɓáogea suɓi á kaiphiɔ. Ɓókóbuniɛgɛmbɛ gǎkɛ nyɔngɔ kau.

1 Timɔtɛ́ɔ 1:20

Imɛnɛ́ɔ na Alɛkisándɛɛ ɓá sɔsɔɓɛ aɓɔ. Kaɓondɔ, ɗébisi ɓakpa ndɔ ka njaga á Sɛtáni ka gea, ɓákámbómɛmbɛ ye Mokonga.

2 Timɔtɛ́ɔ 4:2

phɛá á Nyɔngɔ á Mokonga na ɓukpɛkpɛ, kaɓɛ mbenɔ ánjá, kaɓɛ mbenɔ ájeɗe. Kea á ɓojeɗe base, imisia, ɓá na měma á phiphia ka gbagisaga á měma á ɓakpa esa bui nde ɔɔphɛa.

Títɔ 1:13

Nyɔngɔ bui nde ɓáyɔngi ka phɔa Ɓakɛɛ́tɛ, ande ɗoni. Kaɓondɔ, óphekeaga akpɛ phɛɛ ka gea, ɓáɓɛ na ɓeekea á ɗoni,

Títɔ 2:15

Cɔ, ɓondɔ ungɔ akeni ógoisɛgɛ na gbagisaga á měma á ɓakpa na phekeaga aɓɔ na kɔkɔta nɛkɔ bui. Ambe nkpa kakɔɓɛnjiɛgɛmbɛ.