1 Timɔtɛ́ɔ 5:18 - Ɔngana á Kɛ̌kɛ

¹⁸ Cɔ, Ɓuku á Mokonga ayɔngi ɓe: «Mbenɔ nde ngɔmbɛ aɔbɛɗanaga ka ɗungua, konimisiɛmbɛ ka gea káeɛmbɛ ka mbó ndɔɔ.» Goto: «Mbɛɗanigi akeni n'ophendɔ nɛkɛ.»

1 Timɔtɛ́ɔ 5:18 Iomraidhean Croise

Matáyɔ 10:10

Ɓókobɛɗɛmbɛ maiɓɔta á tamba ně, ngɔ́mbɛ á k'égogo iɓɛ, ɓiato, motumbɔ nga, mbɛɗanigi akenanigi n'ea nɛkɛ.

Lóka 10:7

Ikani k'éndu ndɔɔ. Eani, noani kema bui nde ɓánophi. Nga, mbɛɗanigi akeni n'ophendɔ nɛkɛ. Ɓókotoɛgɛmbɛ gǎkɛ endu k'éndu.

Ɓalɔ́ma 10:11

Kaɓondɔ, Ɓuku á Mokonga agi: «Nkpa buakɛ mmbé amɓeeki, kákuwɛku na soni.»

Ɓalɔ́ma 11:2

Mokonga ɗákáeyé ɓakpa nɛkɛ ɓundɔ ɗáɛsɔmbu mosá. Ɓókóoúba nyɔngɔ nde Ɓuku á Mokonga ayɔngi k'ɔ́ma nde Elía ɗáge na ntaɓo mɔtɛ á Mokonga ka phɔa á Ɓaisilaɛ́li?

Ɓalɔ́ma 4:3

Nga, Ɓuku á Mokonga ayɔngi ɓe: «Abalaámu ɗámɓeeki Mokonga. Ka nyɔngɔ á ɓeekea ndɔ unge Mokonga ɗántangi nto á koɗoni.»

Ɓalɔ́ma 9:17

Mokonga áongoɗea Phaláɔ suɓi á Ɓuku gea: «Netókobisi tɔ moamɛ ka gea k'óɓɛ unge neúbisande ɓukpɛkpɛ ani na ka gea ina ani ɓáɛmbisɛ ka mokonda bui.»

1 Ɓakɔlítɔ 9:14

A ɓíndɔ Mɔkɔta ɗásosi gea, ɓakpa nde ɓáɔtɔmiaga Mbino-Ánjá, ɓáendɛ k'ékuma á tɔ̌miaga á Mbino-Ánjá.

Ɓagalatía 3:8

Ɓuku á Mokonga ɗáangi mosá gea, Mokonga aebisande ɓunde ɓáná Ɓayúda ka ɓá ɓato á koɗoni ka nyɔngɔ á ɓeekea nɛɓɔ. Kaɓondɔ unge, Ɓuku á Mokonga ɗátɔ̌migi ka Abalaámu Mbino Ánjá ndee: «Mokonga abisande njaga k'ékuna bubui ka nyɔngɔ akɔ.»

Yakɔ́ɓɔ 4:5

Ɓomá ndiu okanisia te, nyɔngɔ nde a suɓi á Ɓuku á Mokonga ande á jǎi-jǎi ɓî agi te: «Mokonga nna phɔ́ na nsengo ka phɔa Měma akɛ nnde ɗábisi suɓi asu?»