1 Timɔtɛ́ɔ 5:17 - Ɔngana á Kɛ̌kɛ

¹⁷ Ambe ɓéɗokomisɛ ɓagbɛga íɓunde ɓáoamba kanisa ánjá mɔngɔ iɓɛ, a goto phɛɛ ka ɓunde ɓáɔphɛa na goisaga Nyɔngɔ á Mokonga.

1 Timɔtɛ́ɔ 5:17 Iomraidhean Croise

Matáyɔ 24:25

Cɔ, ɔ́kani phɔ́! Ɗégɔɓi ye na nenóngoɗi nyɔngɔ nde bui mosá.

Lóka 10:7

Ikani k'éndu ndɔɔ. Eani, noani kema bui nde ɓánophi. Nga, mbɛɗanigi akeni n'ophendɔ nɛkɛ. Ɓókotoɛgɛmbɛ gǎkɛ endu k'éndu.

Lóka 12:42

Mɔkɔta áonsikisia te: «Ani mmbé ande mbɛɗanigi á koɗoni n'ande múbaphi? Nga mɔkɔta nɛkɛ ambisi gǔ á ɓadakɛ ka gabea aɓɔ eea mbenɔ nde ɓá na siki í.

Yoáni 4:38

Kaɓondɔ unge eme netónoteki ká ɗungua ka ciko nde ɓókótambigi kau. Ɓakpa ɓuangbo ɗáɓátambeigi, ɓenu ɓǒgani gǎkɛ k'ékuma nɛɓɔ.»

Ekuma á ɓateki 11:30

Ɓagbɛga ɓáogea ɓó. Baanába na Saúlɔ ɓáotanga imɔna ndɔ ka ɓagbɛga á kanisa á ka Yudɛ́a.

Ekuma á ɓateki 20:35

Ka kema bui nenóphangi gea ɓɔ́bɛɗanɛgɛ tɔ ɓó ka enga á ɓaúki, ɓíndɔ Mɔkɔta Yéso yɛ sasakɛ asóngoɗi gea: ‹Maseye ásii a ka ɓagabi kɔnyɛ́nya ɓatɔi.›»

Ekuma á ɓateki 28:10

Ɓakpa ɓáosóɗokomisa phɛɛ. Ka mɛɛa asu, ɓáosótumbanea na kema nde ɗéɓenasiki í ka tamba.

Ɓalɔ́ma 12:8

Kaɓɛ n'ande ebigɔ á phɛá, áphɛɛ. Kaɓɛ n'ande ebigɔ á gaba, ágabɛ na měma á maseye, kaɓɛ n'ande ebigɔ á mamea á ɓakpa, áémameɛ na nténdé, kaɓɛ n'ande ebigɔ á taɓea ɓato á ɓuyɛnɛ, áétaɓeɛ na maseye.

Ɓalɔ́ma 15:27

Ɓáosuia enga aɓɔ nga, ɗákeni na ɓó ka enga aɓɔ. Nga, Ɓayúda ɓaɓêki ɗáɓágabi ka ɓunde ɓáná Ɓayúda kema ánjá á enga ɓɔ ka měma. Atókeni ɓunde ɓáná Ɓayúda ɓágabɛ phɔtɔ ka Ɓayúda nkumba nde ɓá na siki í.

Ɓalɔ́ma 16:12

Něsambei Tiíphɛna na Tiíphosa ɓunde ɓána moíngí ka nyɔngɔ á Mɔkɔta. Nensambei dani ékondi Pɛɛ́si mmbé aǒtambisaga phɛɛ ka nyɔngɔ á Mɔkɔta.

1 Ɓakɔlítɔ 15:10

Ka nyɔngɔ á ɓonjánja-ékondi ndea Mokonga, ne ye gǎkɛ ɓíndɔ nekau. Ɓonjánja-ékondi nɛkɛ ndɔ, ɗákátú jǎi, ɗɛ́nɛbɛɗanigi phɛɛ kɔ̌nyɛ́nya ɓateki ɓunɛngbo ɓɔbu. Kɛ́bɛɗanigi gǎkɛ na ɓukpɛkpɛ ani, a ndiu ka ɓukpɛkpɛ á Mokonga, nnde a suɓi ani.

1 Ɓakɔlítɔ 16:16

ɔ́ɓɔ́kani ɓakpa ɓea ɓundɔ. Óɓeani phɔtɔ ɓakpa ɓɔbu ɓunde ɓáosuia bɛɗaneaga á Mɔkɔta ɓea ɓɔ.

1 Ɓakɔlítɔ 3:9

Nga, ɓɛɔmbɛɗaneaga Mokonga kimoci. Na ɓenu, ɓonde ciko na mɔphɛkɔ ndea Mokonga.

2 Ɓakɔlítɔ 6:1

Cɔ, ɓesu íɓundɔ ɓɛɔbɛɗanaga kimoci na Mokonga, ɓenóɗengemisigi gea, ɓókóɓɛnjiɛgɛmbɛ ɓonjánja-ékondi nde Mokonga anóphi.

Ɓagalatía 6:6

Nkpa nde ɓáongoisaga nyɔngɔ á Mokonga ambe ángabeɛ ngoisigi nɛkɛ k'ɛ́tɔi nɛkɛ bui.

Ɓaphilípi 2:16

ka tɔ̌mia aɓɔ Nyɔngɔ á endisa. Kaɓondɔ unge neɓande na éɗokomisa ka nyɔngɔ anu esa á ja á Kiísito nga, ekuma na tambaga nɛmɔ bui kátókuwɛeka jǎi.

Ɓaphilípi 2:29

Cɔ, nseseani na maseye phɛɛ ɓea muna-amasu suɓi á Mɔkɔta. Óɗokomisani ɓakpa nde ɓá ɓea yɛ,

Ɓaphilípi 4:3

Eya, dani á ɗoni, nɛɔmɛmi, óenga ɓake ndɔɔ. Nga, ɓátambigi kimoci n'eme k'ékuma á Mbino-Ánjá ndea Kiísito. Ɗáɓátú phɔtɔ na Kɛɛmá, na ɓadani ɓabɛɗanigi ɓuangbo. Mokonga aɗundu gǎkɛ ina aɓɔ suɓi á ɓuku á enda á mɛyɔ.

1 Timɔtɛ́ɔ 3:5

Cɔ, aoɓá nkpa na káoúba angá ekombo nɛkɛ ánjá, aangande kanisa ndea Mokonga ɓo?

1 Timɔtɛ́ɔ 4:10

Cɔ, kaɓɛ na ɓeotambaga na ɓeomana, ande ka gea, ɓebisi nseɓeɔ nɛsu ka Mokonga mmbé ana enda, mmbé ande Namisi á ɓakpa ɓɔbu na Namisi phɛɛ á ɓunde ɓáɓeeki.

1 Timɔtɛ́ɔ 4:14

Kɔɓɛnjiɛgɛmbɛ bɛɗaneaga á egabɔ á Měma á Mokonga nnde asuɓi akɔ, nnde ɗɔ́tɔi ɓî ɓaɔtu-nyɔngɔ ndea Mokonga ɗáɓáyɔngi ka phɔakɔ, na ɓî ɓagbɛga ɗáɓákobisíí njaga.

1 Timɔtɛ́ɔ 4:16

Cɔ, oɓɛ óenga sasakɔ, ka tambea akɔ na ɓɔphɛi nɛkɔ, ótétemanɛ kau. Nga, oogea ɓó, ǒamisande sasakɔ na amisa á ɓundɔ ɓáɔkɔɔ́ka.

1 Timɔtɛ́ɔ 4:6

Cɔ, kangoɗea á ɓadakɔ nyɔngɔ ndɔ base, oɓande mbɛɗanigi anjánjá ndea Kiísito Yéso, mmbé enda akɛ aoɓea nyɔngɔ á ɓeekea na ɓɔphɛi ánjá nde ɗótétemisi.

1 Timɔtɛ́ɔ 5:19

Kóɓeekeɛmbɛ kitɔngi á ngbɛga akoɓa ɓakpa ɓaɓɛ kaɓɛ ɓasaɔ na ɓákáɗigimisi.

1 Timɔtɛ́ɔ 5:3

Óengani ɓake á kekusa íɓundɔ ɓáná na ɓakpa ɗoni k'ékombo ka enga aɓɔ.

2 Timɔtɛ́ɔ 2:6

Ngubi nde aɔbɛɗanaga akpɛ, aámbé akeni na ɗúngú á k'ama mosá-mosá.

2 Timɔtɛ́ɔ 4:2

phɛá á Nyɔngɔ á Mokonga na ɓukpɛkpɛ, kaɓɛ mbenɔ ánjá, kaɓɛ mbenɔ ájeɗe. Kea á ɓojeɗe base, imisia, ɓá na měma á phiphia ka gbagisaga á měma á ɓakpa esa bui nde ɔɔphɛa.

Ɓaɛbulanía 13:17

Óɓángani ɓakɔta nɛnu na tɔtɔkisa á nyɔngɔ nde ɓáonóngoɗea. Ka nyɔngɔ nde ɓáɔbɛɗanaga ásii ka phɔa měma anu nga, ɓaoúba gea te, Mokonga aeɓúsiande ka nyɔngɔ í. Kaɓondɔ unge, ambe ɓábɛɗanɛgɛ na maseye kángá á bɛɗanaga na ntaɓo. Ɓáɔbɛɗanaga na ntaɓo, nndɔ kánóengɛku ka kema.

Ɓaɛbulanía 13:24

Ósambeani ɓakɔta nɛnu na ɓaɓêki ɓɔbu. Ɓadasu íɓunde ɓá na Italía ɓanosambei.

Ɓaɛbulanía 13:7

Ókanisiani ɓakɔta nɛnu á k'ama mosá-mosá ɓunde ɗáɓánoúbisi nyɔngɔ ndea Mokonga. Ianagani ka phɔa á kema nde ɗáɓátɔtɔkisi ka enda aɓɔ. Mɓeekeani Mokonga ɓea ɓɔ.