1 Timɔtɛ́ɔ 5:10 - Ɔngana á Kɛ̌kɛ

¹⁰ Ambe ɓakpa ɓáɗigimisɛ gea ékuma nɛkɛ ɗátú ánjá, mmbé ɗáɛmɔtisi ɓ'anakɛ ánjá, ɗáǒsesea ɓakeni, ɗáosokosa ecinji á ɓaɓêki, ɗáǒenga ɓunde ɗáɓáotambaga na gea ekuma ánjánja bui ka enda akɛ bui.

1 Timɔtɛ́ɔ 5:10 Iomraidhean Croise

Matáyɔ 25:17

Mmbɔ ɗábɛɗi imɔna á láté iɓɛ, áogea ɓíndɔ dakɛ ɗági. Áɔtɔa nɛngbo imɔna á láté iɓɛ.

Matáyɔ 5:16

Kaɓondɔ, ambe owanga nenu ábɛnyɛ mosá á ɓakpa, ɓáɔnɛ ekuma nɛnu na ánjá. Mpɔ ɓámbebɛ Abanu mmbɔ á na koba.

Lóka 7:38

Áoika mbusa á Yéso nci á n'ecinji akɛ áogáma. Iɓo á ngamɔ akɛ áophosa ecinji á Yéso, áɔkɔmbɛa ú na sekamɔ̌ akɛ. Mpɔ, áoumbia ecinji á Yéso, áonsaɓa k'écinji na nkoki.

Lóka 7:44

Mpɔ, Yéso áǒpháia kuɓî nke ndɔ aɔ, áongoɗea Simɔ́ni: «Ɔɔmɔna nke nde? Nengi k'éndu nɛkɔ, kómopi iɓo á esokosa ně k'écinji. Nke nde aámbé amosokosi ndiu ecinji n'iɓo á ngamɔ, áɔmɔkɔmbɛaga na sekamɔ̌ akɛ.

Ekuma á ɓateki 10:22

Ɓáonsikisia te: «Moamɛ á ɓato émani Kɔɔnɛlíɔ aámbé asóteki. Ande nto á koɗoni na mmbé áomɓanga Mokonga. Ɓayúda ɓɔbu, ɓá phɔtɔ ombeba phɛɛ. Malaéka ndea Mokonga angoɗi gea, ákɔɔphanɛ mɔtɛ-akɛ, ka ɔ́ka nyɔngɔ nde ongoɗeande.»

Ekuma á ɓateki 22:12

Cɔ, nkpa moci ɗátú kó, ina akɛ Ananía. Yɛ, ɗátú mɓángi-Mokonga na ɗátúoamba ɛɔphi ndea Mósa phɛɛ. Ɓayúda ɓɔbu ɓunde ɗáɓáiki ka Damasíki ɗáɓáombeba phɛɛ.

Ekuma á ɓateki 6:3

Cɔ, ɓaya, ɔ́sɔmbɔani ɓakpa ngianjaga iɓɛ (7) sɔsɔɓɛ anu, ɓunde ɓá na tambea ánjá, ɓátúmi na Měma á kanga ɓojeɗe na ɓá na kɔɓɔɔngɛ, ɓébisɛ k'ékuma á egabɔ.

Ekuma á ɓateki 9:36

Nke ngoigi moci ɗáoikaga ka Yɔ́pa, ina akɛ Tabíta mmbé ɓáɔmɔphana ka Kigiíki «Dɔlíka», ka Kikomo ande gea te: «Cɔcɔɗɛ». Ɗáogea ekuma ánjánja, na gabea á ɓaúki.

Ekuma á ɓateki 9:39

Pɛ́tɛɛ áokamisaga gǎ kimoci na ɓɔ. Aí ɓî ajú, ɓáonga ně suɓi éndu ndɔ a k'ego. Ɓake á k'ekusa ɓáonsesea Pɛ́tɛɛ na ɓáogáma, ɓáɔmɔnisa Pɛ́tɛɛ nkanjo na bɔngɔ bui nde Dɔlíka ɗáéphopheí na kákumbɛ.

Ɓalɔ́ma 12:13

Ótaɓeani ɓato á Mokonga ka kema nde ɓá na siki í. Óseseani ɓunde ɓáonódonda.

Ɓaɛphɛ́sɔ 2:10

Ɓende ekuma á ka njaga á Mokonga. Ande gea te, ɗásóconji ka ɔngana asu na Kiísito Yéso ka gea te, ɓéendɛ suɓi á ɛtɔi k'ékuma ánjá nde ɗásóbisíí gea, ɓɛtɔtɔkisɛ ú.

Ɓakɔlɔsái 1:10

Kaɓondɔ, ɓoendande ɓíndɔ Mokonga akondi na gea kema nde aɔmɓɔngɛa Mɔkɔta. Ɓoɓande ɔtɔtɔkisa ekuma ɗanga-ɗanga ánjá na engekisa á Mokonga ánjá phɛɛ.

1 Timɔtɛ́ɔ 2:10

Ɓáɛtɔndɛ ndiu na tambea ánjá nnde akeni ka ɓake íɓunde ɓáokáɓa beba á Mokonga.

1 Timɔtɛ́ɔ 3:2

Cɔ, akeni nambi-kanisa áɓɛ kángá á nyɔngɔ ájeɗe. Áɓɛ tɔndɔ na nke moci, áambɛ tambea akɛ ánjá sasakɛ, áɓɛ múbaphi, áɓɛ na měma ánjá, áɓɛ nsesi-ɓakɛni na ngoisigi anjánjá.

1 Timɔtɛ́ɔ 3:7

Goto, ɓunde ɓáná ɓakiísito ɓádigimisɛ nyɔngɔ nɛkɛ ánjá ka gea, ɓákámɓɛnjiɛgɛmbɛ na tá ka mɛ̌kɔ ndea nketi.

1 Timɔtɛ́ɔ 5:16

Aoɓá nke mɓêki na a gǎkɛ na ɓake á kekusa k'ékombo nɛkɛ, ambe éambɛ ɓɔ ka gea, kanisa kakumbɛmbɛ ɓoɗoko aɓɔ. Aogea ɓó, kanisa akumbande ye tɔ ɓoɗoko á ɓake á kekusa íɓunde ɓáká ɗoni na ɓakpa k'ékombo ka amba aɓɔ.

1 Timɔtɛ́ɔ 5:25

A phɔtɔ ɓó k'ékuma ánjá, aoúbikana base. Nanga nɛngbo nna ɔɔnɛkana, aúbikanande tɔ.

1 Timɔtɛ́ɔ 6:18

Óngoɗea phɔtɔ ɓágeɛ ɓonjánja, ɓábɛ ɓatɔi ka tɔtɔkisa á kema ánjánja, ɓágabɛ na měma ánjá, na ɓábɛɗaneɛgɛ nkumba nɛɓɔ kimoci na ɓakpa ɓuangbo.

2 Timɔtɛ́ɔ 1:5

Ne phɔtɔ okanisia ɓeekea nɛkɔ á kanga maibe ɓíndɔ tatakɔ Luísi n'amakɔ Ɛɔníkɛ, ɗáɓátú ně mosá. Kaɓondɔ, neúbi ɗoni gea, ɓeekea ndɔ a phɔtɔ suɓi akɔ.

2 Timɔtɛ́ɔ 2:21

Aoɓá nkpa n'ěsokosei ka tokisa á ɓojeɗe bui á ka měma akɛ, aɓande ɓea nkumba nde ɓáɔbɛɗanaga ně ka jaí, nnde mɛna-endu abisi ka mpɛphɛ, n'aɓɔngisi k'ékuma ánjá bui.

2 Timɔtɛ́ɔ 3:15

Goto, kpangá koniki akɔ, ooúba Ɓuku á Mokonga, nnde aɔtɔka n'akophi kɔɓɔɔngɛ ka gea te, óɓɛ na ɓoamia ka ɓeekea á Kiísito Yéso.

2 Timɔtɛ́ɔ 3:17

ka gea, nkpa ndea Mokonga ámɔtɛgɛ ka měma, áɓɛ na ɓukpɛkpɛ ka tɔtɔkisa á kema bui ánjá.

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.

Títɔ 2:7

ka kema bui. Oɓɛ sasakɔ, óɓɛ mphangiɔ k'ékuma ánjá. Góisaga tɔ ɓɔphɛi á ɗoni, nnde akeni.

Títɔ 3:1

Cɔ, ókanisia ɓaɓêki gea te, akeni ɓaedidisɛ kusi á ɓakɔta na ɓaamɛ nɛɓɔ, ambe ɓáɛɓɔ́kɛ na ɓeekea á tɔtɔkisa ekuma bui nde aánjá.

Títɔ 3:14

Ambe ɓakpa nɛsu, ɓágoɛgɛ phɔtɔ gea á ɓonjánja phɛɛ ka tɔtɔkisa á kema nde ɓakpa ɓá na mɔphɛ í phɛɛ. Na ka gea aɓɔ ɓó, enda aɓɔ káɓɛku jǎi-jǎi.

Títɔ 3:8

Cɔ, yɔnga ndɔ, ande á ɓeekea í. Nekondi óphangiɛgɛ ɓaɓêki ú na ɓukpɛkpɛ ka gea, ɓakpa nde ɓámɓeeki Mokonga ɓéyameɛ ka tɔtɔkisa á ekuma ánjá. Nyɔngɔ ndɔ aánjá na ana kantíti ka ɓakpa.

Ɓaɛbulanía 10:24

Ɓéenganɛni ka gea te, nkpa na nkpa átɔtɔkisɛ ekondi na ekuma ánjá ka dakɛ.

Ɓaɛbulanía 13:2

Ɓókoɓoseɛmbɛ sesea á ɓakɛni nga, ka gea ɓó, ɓakpa ɓuangbo ɗáɓěsesi ɓamalaéka kángá á úba.

Ɓaɛbulanía 13:21

Ambe Mokonga ánóphɛ ɓukpɛkpɛ á tɔtɔkisa kema bui nnde aánjá ka gea ɓóbɛɗanɛgɛ nnde akondi. Átɔtɔkisɛ phɔtɔ suɓi asu kema nde amɓɔngɛi k'aphe ndea Yéso Kiísito mmbé ana ɓoombia ka saga na saga. Áɓɛ ɓó!

1 Pɛ́tɛɛ 2:12

Tambeani ánjá ka ɔlɔ á ɓakpa nde ɓánáomúba Mokonga. Kaɓondɔ, nanga ɓáyɔnga mbɛa ka phɔa anu gea, ɓoogea ájeɗe, ɓáɔnande ekuma nɛnu ánjá, ɓánɗokomisande Mokonga k'ésa nde abikande.

1 Pɛ́tɛɛ 4:9

Seseanagani kángá á ngɔngɔnaga.

3 Yoáni 1:12

Ɓakpa ɓɔbu ɓáoɗigimisa gea, Dɛmɛtiíɔ ande nkpa anjánjá, nndɔ ande ɗoni. Ɓesu phɔtɔ ɓeoɗigimisa nyɔngɔ ka phɔa akɛ, na oɓɛ ooúba gea ɗigimisa á nyɔngɔ nɛsu ande ɗoni.