1 Timɔtɛ́ɔ 5:1 - Ɔngana á Kɛ̌kɛ

¹ Kómphekeɛgɛmbɛ ngbɛga, ntɔ̌mia ndiu nyɔngɔ ɓea abakɔ. Ɔ́tɔmia phɔtɔ ɓaganda nyɔngɔ ɓea ɓana-amakɔ,

1 Timɔtɛ́ɔ 5:1 Iomraidhean Croise

Matáyɔ 23:8

Ɓenu gǎkɛ, ɓókóɓeekeɛmbɛ ɓánɔɔphanɛ: ‹Ɓagoisigi›. Nga, ɓenu ɓɔbu ɓonde ɓato á komunamema na ɓona ngoisigi moci tɔndɔ.

Ekuma á ɓateki 14:23

Suɓi á kanisa moci-moci á ka nji ndɔ, Pɔ́lɔ na Baanába ɓáɔ̌sɔmbɔa ɓagbɛga á kanisa. Mbusa í, ɓáɔmɛma na ika kángá á eaga ka nyɔngɔ á mɛma á Mokonga. Mpɔ ɓáǒbisa ka njaga Mɔkɔta mmbé ɓámɓeeki éambɛ.

Ekuma á ɓateki 15:4

Ɓî ɓakpa nde kanisa ɗáeteki ɓájú ye na Yɛusalɛ́ma, ɓato á ka kanisa, ɓateki ndea Yéso na ɓagbɛga ɓáǒsesea. Pɔ́lɔ na Baanába ɓáɔ̌tɔmiaga kema bui nde Mokonga ɗági ka njaga aɓɔ.

Ekuma á ɓateki 15:6

Ɓateki na ɓagbɛga ɓáodondanaga ka ianaga ka nyɔngɔ ndɔɔ.

Ekuma á ɓateki 20:17

Cɔ, ka Milɛ́tɔ, Pɔ́lɔ áotekisa mbino ka ɔphana á ɓagbɛga á kanisa á ka Ɛphɛ́sɔ.

Ɓalɔ́ma 13:7

Móphani nkpa na nkpa kema nde ankeni ně. Aoɓá n'ande mphendisigi manjanja, mphendani. Aoɓá n'ande mphendisigi ɓaoɓa, mphendani. Nɗokómisani mmbé akeni na ɗokomisa akɛ, mbebáni mmbé akeni na beba akɛ.

Ɓagalatía 6:1

Ɓaya, aoɓá nkpa n'angí ka ɓojeɗe, akeni ɓenu íɓundɔ ɓona Měma á kanga ɓojeɗe ɓɔ́mphɛɛ́ na ɓǒtea akɛ k'aphe ánjá. Geani tɔ ka phɔakɛ ɓó na ɓɔphɔngɔ. Óambani ka gea, ɓókóngiɛmbɛ mɔnɔ sisanu ka tombaga.

1 Timɔtɛ́ɔ 5:17

Ambe ɓéɗokomisɛ ɓagbɛga íɓunde ɓáoamba kanisa ánjá mɔngɔ iɓɛ, a goto phɛɛ ka ɓunde ɓáɔphɛa na goisaga Nyɔngɔ á Mokonga.

1 Timɔtɛ́ɔ 5:2

ɓagbɛga á ɓake ɓea ɓamakɔ, na ɓaseka ɓea ɓ'áwákɔ kángá ɓá na kanisia ájeɗe ka phɔa ɓɔ.

Títɔ 2:2

Óngoɗea ɓaphomi á ɓǒko gea, ɓáɓɛ ɓato-éamba sasaɓɔ, ɓato-éɗokomisa, ɓato á kanisia ánjá, ɓáɓɛ na ɓeekea akpɛ, suɓi ékondi na phiphia.

Títɔ 2:6

Ɔ́phɛá phɔtɔ ɓaganda gea, ɓáɓɛ ɓato-úbapha

Yakɔ́ɓɔ 3:17

Kɔɓɔɔngɛ nde atóki gǎkɛ na koba, ande phɔ́ á ɗoni, a phɔtɔ na ɓujɛjɛ, ɓɔphɔngɔ, á ɔ́ka mɔphɛ á ɓakpa, atúmi na ngomi, aɔtɔtɔkisa ɓonjánja, nna n'oɓayɔ na maibe.

Yakɔ́ɓɔ 5:14

Aoɓá ka ɓenu moci n'aosamba, áɛɓɔphanɛ ɓagbɛga á kanisa ka gea te, ɓámɛmɛ Mokonga ka phɔakɛ na siá akɛ gamba k'ína á Mɔkɔta.

1 Pɛ́tɛɛ 5:1

Cɔ, kɛ̌kɛnde nɛɔ̌phɛa ɓadani ɓagbɛga á kanisa nde ɓá ka ɔlɔ anu. Eme nende phɔtɔ ngbɛga ɓea ɓɔ. Nende nɗigimisi á tambaga ndea Kiísito, neɓande na ka ɓoombia nde asɛnɛkande.

2 Yoáni 1:1

Eme, Ngbɛga á kanisa aámbé neɗundu ɓaoɓa ndee k'óɓɛ Ayi mmbé Mokonga ɗákɔsɔmbu, phɔtɔ ka ɓaniki nɛkɔ ɓunde někondi ɗoni. Nna tɔndɔ eme sasani aámbé nenókondi, ɓakpa ɓɔbu ɓunde ɓáúbi gǎkɛ ɗoni, ɓánokondi phɔtɔ ɓó

3 Yoáni 1:1

Eme Ngbɛga á kanisa aámbé neɗundu ɓaoɓa nde Ka Gáyɔ, mmbé nenkondi ɗoni.

Mphaniɔ 4:4

Kankaanga nɛngbo á koɓoamɛ nkama iɓɛ na gena (24) ɗátimbi kankaanga á koɓoamɛ ndɔɔ. Ɓagbɛga nkama iɓɛ na gena (24) ɓáoika gǔ í, na ɓáɔ́li bɔngɔ ábu na kekombó á láté.