1 Timɔtɛ́ɔ 4:8 - Ɔngana á Kɛ̌kɛ

⁸ Eya, ékakamisa ka kema á ka nyama, a gǎkɛ na kantíti ka kema ábɔa. Tambea ánjá mosá á Mokonga, aunge a ndiu na kantíti ka kema bui nga, k'índɔ unge ɓena mɔkɔ á enda ka matú nde na ka matú nde abikande.

1 Timɔtɛ́ɔ 4:8 Iomraidhean Croise

Matáyɔ 12:32

Nkpa nde aɔyɔnga ájeɗe ka phɔa á Muna-Nkpa, Mokonga aímande ɓojeɗe nɛkɛ. Nkpa nde a gǎkɛ ɔyɔnga ájeɗe ka phɔa á Měma á kanga ɓojeɗe, Mokonga káímɛku ɓojeɗe nɛkɛ, nanga áɓá ka mokonda nde, nanga ka mokonda índɔ aobika.

Matáyɔ 19:29

Na nkpa buakɛ mmbé ɗáɗeketi endu nɛɓɔ, ɓana-amakɛ, ɓ'áwákɛ, abakɛ, amakɛ, ɓaniki nɛkɛ, na ciko nɛkɛ ka nyɔngɔ ani, ɓátɔande ú kɔnyɛ́nya mɔngɔ mia moci (100), na tɔá phɔtɔ enda á mɛyɔ.

Matáyɔ 6:33

Kaɓani phɔ́ koɓoamɛ na koɗoni ndea Mokonga. Mpɔ, anóphande kema bubui nde anójiganei.

Málikɔ 10:30

Mokonga amophande goto kema ndɔ bui mɔngɔ mia moci (100) ka matú nde ɓe phɔ́tɔ oenda, kaɓɛ endu, ɓana-amakɛ, ɓáwákɛ, ɓamakɛ, ɓ'anakɛ na ciko, aɓande phɔtɔ na tambaga. Mpɔ, ka matú nde abikaeka, aɓande na enda á mɛyɔ.

Lóka 5:38

Akeni ndiu ɗukia á divai á kɛ̌kɛ suɓi á mboso á kɛ̌kɛ.

Ɓalɔ́ma 8:28

Cɔ, ɓeoúba gea, kema bui a tɔ ka ɓonjánja á ɓakpa nde ɓánkondi Mokonga. Ɓakpa ndɔ ɓáunge, yɛ ɗɛ́ɓɔphani ka ɓeana na moangɔ nɛkɛ.

1 Ɓakɔlítɔ 3:22

Nanga áɓá Pɔ́lɔ, áɓá Apɔ́lɔ, áɓá Pɛ́tɛɛ, nanga á ɓá mokonda, áɓá enda, áɓá kukuwa, nanga áɓá matú á kɛ̌kɛ, áɓá matú nde abikaeka, kema bubui ande anu.

1 Ɓakɔlítɔ 8:8

Cɔ, eea kásojúsɛku mosá á Mokonga. Kaɓɛ na ɓeɗeketi ea á nyama á phɛ́a, ɓékéúki ka kema. Kaɓɛ gǎkɛ na ɓeí, ɓékéyamei tanda ka kema.

1 Timɔtɛ́ɔ 4:7

Kóɓeekeɛmbɛ gǎkɛ egani á jǎi-jǎi, na nnde atingani na moangɔ á ɓeekea. Ókakamisa ka tambea ánjá mosá á Mokonga.

1 Timɔtɛ́ɔ 6:3

Aoɓá nkpa n'agoisigi ɓɔphɛi nɛngbo n'atingani na nyɔngɔ á ɗoni ndea Mɔkɔta nɛsu Yéso Kiísito, na nnde atingani na goisaga nde akeni ka ɓeekea,

1 Timɔtɛ́ɔ 6:5

sani nde nna na sungiaga, ɓea ɓabóbó íɓunde ɓáná ye ɔtɔka úba á ɗoni. Ɓakpa ndɔ ɓáokanisia te, ɓeekea á Kiísito, ande aphe á ɛtɔi.

1 Timɔtɛ́ɔ 6:6

Eya, ɓeekea á Mokonga ande ɛtɔi ángbó aoɓá nkpa n'ana maseye k'índe aně.

2 Timɔtɛ́ɔ 3:5

Ɓáɔɔnɛkana ka nsɛgɛ ɓea ɓakpa nde ɓáomɓánga Mokonga, na ɓáyé ndiu ɓukpɛkpɛ á Mokonga. Cɔ, óɓángisani na ɓakpa ndɔɔ.

Títɔ 3:8

Cɔ, yɔnga ndɔ, ande á ɓeekea í. Nekondi óphangiɛgɛ ɓaɓêki ú na ɓukpɛkpɛ ka gea, ɓakpa nde ɓámɓeeki Mokonga ɓéyameɛ ka tɔtɔkisa á ekuma ánjá. Nyɔngɔ ndɔ aánjá na ana kantíti ka ɓakpa.

Ɓaɛbulanía 13:9

Ɓɔphɛi ɗanga-ɗanga nnde kátóki ka ɓesu kanóɓǒteɛmbɛ. Akeni gea ɓonjánja-ékondi ndea Mokonga aunge ágbagisɛgɛ měma asu, kaɓɛ ndiu nyɔngɔ á kema á koea. Ɓakpa nde ɓáoamba nyɔngɔ ndɔ, ɓáká na kema nde ɓáɔtɔa kau.

1 Yoáni 2:25

Mɔkɔ nde yɛ sisakɛ asɔɔku ande enda á mɛyɔ.

Mphaniɔ 3:12

Mmbé akíndande, nembisande ka ngeɔ suɓi éndu ndea Mokonga nɛmɔ na kájuanɛeka ye tanda. Neɗunduande ina á Mokonga nɛmɔ na ina á ntanga-nji ndea Mokonga nɛmɔ gǔ akɛ. Ina á ntanga-nji ndɔ ande Yɛusalɛ́ma á kɛ̌kɛ, nnde adidi ka toka na koba mɔtɛ á Mokonga nɛmɔ. Neɗunduande phɔtɔ ina ani á kɛ̌kɛ gǔ akɛ.

Mphaniɔ 3:21

Mmbé akíndande, neɓeekeande áikɛ kimoci n'eme ka kankaanga á koɓoamɛ nɛmɔ, ɓíndɔ eme ɗékíndi, néoika kimoci n'Abɛ ka kankaanga á koɓoamɛ nɛkɛ.