1 Timɔtɛ́ɔ 4:6 - Ɔngana á Kɛ̌kɛ

⁶ Cɔ, kangoɗea á ɓadakɔ nyɔngɔ ndɔ base, oɓande mbɛɗanigi anjánjá ndea Kiísito Yéso, mmbé enda akɛ aoɓea nyɔngɔ á ɓeekea na ɓɔphɛi ánjá nde ɗótétemisi.

1 Timɔtɛ́ɔ 4:6 Iomraidhean Croise

Matáyɔ 13:52

Mpɔ áǒngoɗea gea: «Ngoisigi-ɛɔphi mmbé aɓeeki nyɔngɔ á koɓoamɛ á na koba, akengeani na mɛna-éndu, mmbé aphúi k'ɛtɔi nɛkɛ, kema á kɛ̌kɛ, na kema á kala.»

Lóka 1:3

Cɔ! Eme nebɛɗi phɔtɔ moangɔ á cɔca á cina á nyɔngɔ bui ka gea, néúbɛ, mpɔ néoɗunduiɛ ú ánjá mɔkɔta Tɛɔphílɔ.

Ekuma á ɓateki 1:15

K'ésa ndɔ, ɓaɓêki nde ɗáɓádondanigi, ɗáɓátú ɓea ɓakpa mia moci nkama-iɓɛ (120). Mpɔ, Pɛ́tɛɛ áoma sɔsɔɓɛ aɓɔ, áǒgeae:

Ekuma á ɓateki 20:31

Cɔ, ɛngɛphani na ɓókoɓoseɛmbɛ gea ka ɓasaga ɓasaɔ keiphe n'esa ɗékéɗeketi phɛá ka nkpa ka ɔlɔ anu na iɓo á ngamɔ.

Ekuma á ɓateki 20:35

Ka kema bui nenóphangi gea ɓɔ́bɛɗanɛgɛ tɔ ɓó ka enga á ɓaúki, ɓíndɔ Mɔkɔta Yéso yɛ sasakɛ asóngoɗi gea: ‹Maseye ásii a ka ɓagabi kɔnyɛ́nya ɓatɔi.›»

Ɓalɔ́ma 15:15

Ɗénóɗundui ɓaoɓa nde na ɓukpɛkpɛ ka kanisianu nyɔngɔ nde ɓo ye úbi ú. Ɗégi ú ka ɓonjánja-ékondi nde Mokonga ɗámopi,

1 Ɓakɔlítɔ 4:17

Kaɓondɔ unge, nenteki Timɔtɛ́ɔ mɔtɛ-anu. Yɛ, ande miki nɛmɔ ékondi n'ande nto á tambea ánjá suɓi á ɓeekea á Mɔkɔta. Yɛ, anokanisiande moangɔ nde neoɓea ka enda ani na Kiísito nga, nndɔ unge nɛɔphɛa ɔma bui ka kanisa bui.

2 Ɓakɔlítɔ 11:23

Ɓáná phɔ́ ɓabɛɗanigi ndea Kiísito? Neyɔngande phɔ́ ndiu ɓea mbóbó. Eme nende mbɛɗanigi ndea Kiísito kɔ̌nyɛ́nya ɓɔ. Ne ye na netambigi ka bɛɗaneaga Kiísito phɛɛ: Makeagani ka mekakɔ, ɓindagani na ólokagani ka kukuwa.

2 Ɓakɔlítɔ 3:6

Yɛ aámbé ɗásóphi ɓukpɛkpɛ á ɓá ɓabɛɗanigi á ɔngana á kɛ̌kɛ. Ɔngana kau nna á ɓaoɓa, a ndiu á Měma á kanga ɓojeɗe. Nga, ɓaoɓa aokusa, Měma a gǎkɛ oendisa.

2 Ɓakɔlítɔ 6:4

Ɓe ndiu okaɓa gea, ɓakpa ɓásɔɔnɛ ɓea ɓabɛɗanigi ndea Mokonga esa bui. Kaɓondɔ unge, ɓeophiphia phɛɛ tambaga, ngomi na ea á minyɔ.

Ɓaɛphɛ́sɔ 6:21

Dasu ékondi Tikíkɔ, ande mbɛɗanigi anjánjá ndea Mɔkɔta. Yɛ aámbé anóngoɗeagande nyɔngɔ nɛmɔ bui ka gea te, ɓóúbɛ enda ani a ɓo.

Ɓaphilípi 2:20

Nga, kéna nkpa ɓea yɛ, mmbé ana mɔphɛ ɓea eme, mmbé aɔɔnjia ɗoni nyɔngɔ anu.

Ɓaphilípi 2:22

Cɔ, Ɓo ye úbi gǎkɛ gea, Timɔtɛ́ɔ aɔnisi gea, a ye kakamani. Ɗábɛɗanigi kimoci n'eme ekuma á Mbino-Ánjá ɓea miki n'abakɛ.

Ɓaphilípi 3:16

Nanga áɓá ɓóni, akeni ɓétútuisɛ tamba k'aphe nde ɗéɓeɓǐ na ka kɛ̌kɛnde.

Ɓakɔlɔsái 2:19

Cɔ, ɓakpa nde ɓákájúkani na Kiísito na Kiísito aámbé a ɓea mɔ̌, nnde aoendisa nyama bui na aodondanisaga nsisa bui ka gea nyama á mɔtɛ ɓíndɔ Mokonga akondi.

Ɓakɔlɔsái 3:16

Ambe Mbino-Ánjá ndea Kiísito n'ɛtɔi í, áikɛ suɓi anu. Goisanagani na phɛana ka kɔɓɔɔngɛ. Mbebáni Mokonga na sega akɛ na měma mo ka embɔ ɗanga-ɗanga nnde atóki ka Měma.

Ɓakɔlɔsái 4:7

Tikíkɔ mmbé ande dasu ékondi na mbɛɗanigi anjánjá k'ékuma ndea Mɔkɔta, yɛ aámbé anóngoɗeagande mbino ani bui.

1 Ɓatɛsalɔníka 3:2

ɓéonótekisia Timɔtɛ́ɔ k'aphe á gbagisa anu ka měma na phɛá anu gea te, ɓɔ́mɔtɛ ka ɓeekea á Mokonga. Yɛ ande dasu mbɛɗanigi ékuma ndea Mokonga. A phɔtɔ ɔɛmbisa Mbino-Ánjá ndea Kiísito.

1 Timɔtɛ́ɔ 1:10

ɓato á iɛɓɛ, ɓǒko íɓunde ɓáoɗaga na ɓadaɓɔ ɓǒko, ɓasombisigi ɓakɔɓɛ, ɓato á mbɛa, na ɓakpa nde ɓáɔɔpha ka mbɛa, na ɓunde ɓákáoɓeekea ɓɔphɛi á kanga ɓojeɗe.

1 Timɔtɛ́ɔ 4:16

Cɔ, oɓɛ óenga sasakɔ, ka tambea akɔ na ɓɔphɛi nɛkɔ, ótétemanɛ kau. Nga, oogea ɓó, ǒamisande sasakɔ na amisa á ɓundɔ ɓáɔkɔɔ́ka.

1 Timɔtɛ́ɔ 6:3

Aoɓá nkpa n'agoisigi ɓɔphɛi nɛngbo n'atingani na nyɔngɔ á ɗoni ndea Mɔkɔta nɛsu Yéso Kiísito, na nnde atingani na goisaga nde akeni ka ɓeekea,

2 Timɔtɛ́ɔ 1:6

Ka nyɔngɔ índɔ unge, nekokanisíí gea, kakamisa egabɔ nde Mokonga ɗákophi, mbenɔ nde ɗébisi njaga gǔ akɔ.

2 Timɔtɛ́ɔ 3:10

Oɓɛ gǎkɛ, ɗómoɓi bîbíbí ka ɓɔphɛi nɛmɔ, tambea ani, mɔphɛ nɛmɔ, ɓeekea nɛmɔ, phiphia nɛmɔ, ekondi nɛmɔ, phiphia á tambaga nɛmɔ.

2 Timɔtɛ́ɔ 4:3

Mbenɔ abikande, nnde ɓakpa ɓáyande ɓɔphɛi á ɗoni, ɓâ ndiu oɓea mɔphɛ nɛɓɔ sasaɓɔ. Ɓáékáɓande ɓagoisigi ɓásii ɓunde ɓáétimbande ka phɛá aɓɔ nyɔngɔ nde ɓɔ ɓáokonda ɔ́ka í.

Títɔ 2:1

Cɔ, oɓɛ gǎkɛ, góisaga tɔ nnde akeni ka goisaga á ɗoni.

1 Pɛ́tɛɛ 2:2

Ɓáni ɓea ɓambɛnjɛ. Ɓíndɔ ɓambɛnjɛ ɓána siki á unga ɛɓɛ, ɓenu phɔtɔ ɓáni na siki á unga ɛɓɛ ánjá á ka měma ka gea ɓɔ́mɔtɛ na ama ka měma n'ande nyɔngɔ á Mokonga.

2 Yoáni 1:9

Nkpa buakɛ mmbé nnaoamba ɓɔphɛi ndea Kiísito, na aámbi ndiu ɓɔphɛi nde atingani ně, kájúkani na Mokonga. Mmbé aámbi ɓɔphɛi ndea Kiísito, ajúkani n'Abɛ â phɔtɔ ojúkana na Miki.

Yúda 1:5

Nanga ɓóúba nyɔngɔ ndɔ bui, nekondi gea ɓókanisiɛ ɓî Mɔkɔta ɗěamisi ka mɔngɔ ímoci Ɓaisilaɛ́li ka tokisa aɓɔ ká nji á Mísii, â ndiu goto ɔ̌kɔndɔkisa ɓunde ɗáɓákámɓeeki.