1 Timɔtɛ́ɔ 4:4 - Ɔngana á Kɛ̌kɛ

⁴ Cɔ, kema bui nde Mokonga ɗáconji aánjá, nna na kau nde akeni tâ í, ambe ɓénsegɛ gǎkɛ Mokonga mbenɔ nde ɓeoea ú

1 Timɔtɛ́ɔ 4:4 Iomraidhean Croise

Ekuma á ɓateki 10:15

 goto ɔɔ́ka ɛsɔ ndɔ ɓe: «Kema nde Mokonga asokosei, kogeɛmbɛ mɔnɔ ajɔɔkani.»

Ekuma á ɓateki 15:29

Ɓókoeɛ mɔnɔ eea nde ɓáphúi ka phɛ́a á ɓamokonga á mbɛa, ɓókoeɛ phɔtɔ magia, na nyama n'aku ǐti. Ɓókógɛ mɔnɔ gǎkɛ k'aphe á otungɔ. Ɓǒɓangisa na nndɔ, ámbé ɓogi ánjá. Ɓenosesi!»

Ekuma á ɓateki 21:25

Cɔ, ka phɔa á ɓato á ekuna nɛngbo ɓunde ɓáɓeeki, ɓe ye éɗundui ɓíndɔ ɗɛ́ɓɛɔ́kani gea, ɓákáeɛ mɔnɔ nyama ɔ́phɛ́ɔ á koketi, ɓákáeɛ magia, ɓákáeɛ phɔtɔ nyama n'aku ǐti, ɓákágɛ mɔnɔ k'aphe á otungɔ.»

Ɓalɔ́ma 14:14

Ka ɔngana ani na Mɔkɔta Yéso, neúbi na ne engekisi ánjá gea nna na kema nde ajɔɔkani. Ajɔɔkani ndiu ka nkpa nde aɔni gea ande á jɔɔkana.

Ɓalɔ́ma 14:20

Kóujɛmbɛ ekuma ndea Mokonga ka nyɔngɔ á eea. Ɗoni, eea bui nna n'otaɔ a ndiu ájeɗe ea eea nde aongisisa nkpa ka gea ɓojeɗe.

Ɓalɔ́ma 14:6

Mmbé atinganisi esa, atinganisi ú ka ɗokomisa á Mɔkɔta. Mmbé aoea kema bui, aoea ú ka ɗokomisa á Mɔkɔta nga, ambebi Mokonga k'éea nɛkɛ. Mmbé nnaoea eea bui, a phɔtɔ ogea ɓó ka ɗokomisa á Mɔkɔta na beba á Mokonga.

1 Ɓakɔlítɔ 10:23

Ɓakpa ɓunɛngbo sɔsɔɓɛ anu ɓáɔyɔnga te: «Ɓásosi tɔ kema bubui.» A ɓó! Nna gǎkɛ kema bubui unge aoenga ka mɔtisa á ɓeekea.

1 Ɓakɔlítɔ 10:25

Ɓoodonda kema nde ɓáosombisa ka mosomba, eani ú na měma á kanga ngǎka, kángá á úsiaga.

1 Ɓakɔlítɔ 10:26

Nga, Ɓuku á Mokonga agi: «Mokonda na kema bubui nde a suɓi í, ande á Mɔkɔta.»

1 Ɓakɔlítɔ 10:30

Kaɓɛ na neonsega Mokonga ka kema nde neoea, cɔ, ɓakpa ɓáomoca ka nyɔngɔ á kema nde neonsega Mokonga kau ka ɓo?

1 Timɔtɛ́ɔ 4:3

Ɓakpa ndɔ ɓáoimisia eyamani, ɓá phɔtɔ oimisia eaga eea nɛngbo nnde Mokonga ɗáconji gǎkɛ ú ka gea, ɓaɓêki ɓunde ɓáoúba ɗoni ɓáeɛ ú na beba á Mokonga k'ɛ́mɛmi.