1 Timɔtɛ́ɔ 4:3 - Ɔngana á Kɛ̌kɛ

³ Ɓakpa ndɔ ɓáoimisia eyamani, ɓá phɔtɔ oimisia eaga eea nɛngbo nnde Mokonga ɗáconji gǎkɛ ú ka gea, ɓaɓêki ɓunde ɓáoúba ɗoni ɓáeɛ ú na beba á Mokonga k'ɛ́mɛmi.

1 Timɔtɛ́ɔ 4:3 Iomraidhean Croise

Matáyɔ 14:19

Yéso áǒikisa usɛsɛ á ɓakpa ka ɔphɔ, áobɛɗa mokati ɓɔku na ɓasú ɓaɓɛ ndɔ áoenga na koba, áonsega Mokonga. Áoɓúnaga mokati, áǒɓopha ɓagoigi nɛkɛ, ɓɔ phɔtɔ ɓáǒgabea usɛsɛ á ɓakpa.

Matáyɔ 15:11

Nna kema nde aongia k'aphenɔkɔ á nkpa, aunge aɔnjɔɔkisa. Nnde aotóka k'aphenɔkɔ, a ndiu unge aɔnjɔɔkisa nkpa.»

Matáyɔ 15:36

Áɔbɛɗa mokati ngianjaga iɓɛ (7) na ɓaniki á ɓasú ndɔ, áonsega Mokonga k'ɛmɛmi, áoɓúnaga ú, áǒɓopha ɓagoigi nɛkɛ, ɓáǒgabea ɓakpa.

Lóka 24:30

Mpɔ Yéso áoika kimoci na ɓɔ ka mɛja, áobɛɗa mokati na bisa á njaga gǔ í, mpɔ áoɓúna ú na gabea ɓɔ.

Yoáni 6:23

Mpɔ, koko nengbo ásii nnde atóki ka ntanga-nji á Tibɛlía áokiɗia bíbí á ɔma nde ɗáɓáigi mokati mbusa á Mɔkɔta sega á Mokonga.

Ekuma á ɓateki 27:35

Mbusa á yɔnga á Pɔ́lɔ ɓó, áɔbɛɗa mokati, áombeba Mokonga mosá á ɓakpa ɓɔbu. Mpɔ, áoɓunaga ú, áokpanga eaga.

Ɓalɔ́ma 14:17

Nga, koɓoamɛ ndea Mokonga nna ka nyɔngɔ á kema á koea na kema á konoa. A ndiu á koɗoni, ɓujɛjɛ na maseye nde Měma á kanga ɓojeɗe aobikisa.

Ɓalɔ́ma 14:3

Mmbé aoea kema bui, kamɓɛnjiɛgɛmbɛ mmbé nnaoea kema bui. Mmbé nnaoea kema bui, kátenɛmbɛ nyɔngɔ á nkpa nde aoea kema bui nga, Mokonga amɓeeki.

Ɓalɔ́ma 14:6

Mmbé atinganisi esa, atinganisi ú ka ɗokomisa á Mɔkɔta. Mmbé aoea kema bui, aoea ú ka ɗokomisa á Mɔkɔta nga, ambebi Mokonga k'éea nɛkɛ. Mmbé nnaoea eea bui, a phɔtɔ ogea ɓó ka ɗokomisa á Mɔkɔta na beba á Mokonga.

1 Ɓakɔlítɔ 6:13

Ɓogi goto te: «Ɓáconji eea ka nyɔngɔ á sɔphɔ, sɔphɔ ka nyɔngɔ á eea.» Mokonga aújande gǎkɛ kema ndɔ bui. Cɔ, ɓákáconji gǎkɛ nyama á nkpa ka nyɔngɔ á iɛɓɛ. Nyama a ndiu ka nyɔngɔ á Mɔkɔta na Mɔkɔta ka nyɔngɔ á nyama.

1 Ɓakɔlítɔ 7:28

A gǎkɛ oɓá n'omukí nke, kógi ɓojeɗe. A gǎkɛ oɓá nseka n'aɔmani, kági phɔtɔ ɓojeɗe. Ɓundɔ ɓáɔmani ye, ɓátambagande ka enda aɓɔ esa bui. Kaɓondɔ unge, nekondi nénóɓángisɛ na tambaga ndɔɔ.

1 Ɓakɔlítɔ 8:8

Cɔ, eea kásojúsɛku mosá á Mokonga. Kaɓɛ na ɓeɗeketi ea á nyama á phɛ́a, ɓékéúki ka kema. Kaɓɛ gǎkɛ na ɓeí, ɓékéyamei tanda ka kema.

Ɓakɔlɔsái 2:16

Kaɓondɔ, nkpa katenɛmbɛ nyɔngɔ nɛnu ka nyɔngɔ á kema nde ɓooea, nnde ɓoonoa, ka nyɔngɔ á jaí, ɓaeka á songe na esa á saɓáto.

Ɓakɔlɔsái 3:17

Kema bui nde ɓoogea na yɔnga í, geani tɔ ú k'ína á Mɔkɔta Yéso, na sega á Abɛ Mokonga ka yɛ.

1 Timɔtɛ́ɔ 2:4

Nga, yɛ akondi ɓakpa ɓɔbu ɓáamɛ ka měma, ɓáúbɛ ɗoni.

1 Timɔtɛ́ɔ 4:4

Cɔ, kema bui nde Mokonga ɗáconji aánjá, nna na kau nde akeni tâ í, ambe ɓénsegɛ gǎkɛ Mokonga mbenɔ nde ɓeoea ú

1 Timɔtɛ́ɔ 5:14

Cɔ, nekondi gǎkɛ ɓake á kekusa íɓunde ɓá phɔ́tɔ ɓamponjo, ɓáɔmanɛ, ɓáɛɓɔkɔtɛ ɓaniki, ɓáambɛ endu nɛɓɔ ka gea, ɓaɓiɓia asu ɓákáɓɛmbɛ n'aphe moci nde ɓásóbómande kau.

Ɓaɛbulanía 13:4

Ambe ɓakpa ɓɔbu ɓáɗokomisɛ eyamani. Ɓɔ́kɔjɔɔkisɛmbɛ eka nga, Mokonga atenande akpɛ nyɔngɔ á komusɔngɔ na nyɔngɔ á iɛɓɛ.

Ɓaɛbulanía 13:9

Ɓɔphɛi ɗanga-ɗanga nnde kátóki ka ɓesu kanóɓǒteɛmbɛ. Akeni gea ɓonjánja-ékondi ndea Mokonga aunge ágbagisɛgɛ měma asu, kaɓɛ ndiu nyɔngɔ á kema á koea. Ɓakpa nde ɓáoamba nyɔngɔ ndɔ, ɓáká na kema nde ɓáɔtɔa kau.