1 Timɔtɛ́ɔ 4:15 - Ɔngana á Kɛ̌kɛ

¹⁵ Cɔ, bisa měma akɔ k'índɔ bui netóki ka yɔnga í, óyamea buakɔ k'ékuma nɛkɔ mpɔ, ɓakpa ɓáɔnande gea, ootútuisa ekuma.

1 Timɔtɛ́ɔ 4:15 Iomraidhean Croise

Matáyɔ 5:16

Kaɓondɔ, ambe owanga nenu ábɛnyɛ mosá á ɓakpa, ɓáɔnɛ ekuma nɛnu na ánjá. Mpɔ ɓámbebɛ Abanu mmbɔ á na koba.

Ekuma á ɓateki 6:4

Ɓesu gǎkɛ, ɓeikande nɛsu k'ékuma á ɛmɛmi na phɛá á ɓakpa nyɔngɔ á Mokonga.»

1 Ɓakɔlítɔ 16:15

Ɓooúba gea Sɛtɛphána n'ekombo nɛkɛ ɓánde ɓakpa nde ɗáɓámɓeeki Kiísito k'ama mosá-mosá ka ntanga-nji ndea ka Akáya. Ɓɔ ɓáunge ɓáɔ̌bɛɗaneaga ɓaɓêki. Ɓaya, nenóɗengemisigi gea,

2 Ɓakɔlítɔ 4:14

Ɓeoúba gea, Mokonga ɗánjujúkisi Mɔkɔta Yéso ka kukuwa. Asójujukisaeka phɔtɔ kimoci na Yéso, áosóbisa kimoci na ɓenu bíbí akɛ.

2 Ɓakɔlítɔ 8:5

Ɓáogaba kɔnyɛ́nya nseɓeɔ nɛsu. Nga, ɗáɓáebisi ka njaga á Mɔkɔta sasaɓɔ. Mpɔ, ɓáoɓeekea nyɔngɔ nɛsu bui ɓíndɔ Mokonga ɗákondi.

1 Timɔtɛ́ɔ 4:14

Kɔɓɛnjiɛgɛmbɛ bɛɗaneaga á egabɔ á Měma á Mokonga nnde asuɓi akɔ, nnde ɗɔ́tɔi ɓî ɓaɔtu-nyɔngɔ ndea Mokonga ɗáɓáyɔngi ka phɔakɔ, na ɓî ɓagbɛga ɗáɓákobisíí njaga.

1 Timɔtɛ́ɔ 4:16

Cɔ, oɓɛ óenga sasakɔ, ka tambea akɔ na ɓɔphɛi nɛkɔ, ótétemanɛ kau. Nga, oogea ɓó, ǒamisande sasakɔ na amisa á ɓundɔ ɓáɔkɔɔ́ka.

1 Timɔtɛ́ɔ 4:6

Cɔ, kangoɗea á ɓadakɔ nyɔngɔ ndɔ base, oɓande mbɛɗanigi anjánjá ndea Kiísito Yéso, mmbé enda akɛ aoɓea nyɔngɔ á ɓeekea na ɓɔphɛi ánjá nde ɗótétemisi.

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.