1 Timɔtɛ́ɔ 4:14 - Ɔngana á Kɛ̌kɛ

¹⁴ Kɔɓɛnjiɛgɛmbɛ bɛɗaneaga á egabɔ á Měma á Mokonga nnde asuɓi akɔ, nnde ɗɔ́tɔi ɓî ɓaɔtu-nyɔngɔ ndea Mokonga ɗáɓáyɔngi ka phɔakɔ, na ɓî ɓagbɛga ɗáɓákobisíí njaga.

1 Timɔtɛ́ɔ 4:14 Iomraidhean Croise

Ekuma á ɓateki 11:30

Ɓagbɛga ɓáogea ɓó. Baanába na Saúlɔ ɓáotanga imɔna ndɔ ka ɓagbɛga á kanisa á ka Yudɛ́a.

Ekuma á ɓateki 13:3

Cɔ, mbusa á tútuisa ɛmɛmi na ika kángá á eaga ka nyɔngɔ á mɛma á Mokonga, ɓáobisa njaga gǔ á ɓɔ mpɔ, ɓáǒɗeketa ɓágɛ.

Ekuma á ɓateki 19:6

Mpɔ, Pɔ́lɔ áobisa njaga gǔ á ɓɔ, Měma á kanga ɓojeɗe áodida gǔ á ɓɔ, ɓáokpanga yɔnga k'ɛyɔngi ɗanga-ɗanga na ɔtɔa á nyɔngɔ.

Ekuma á ɓateki 22:5

Ngbɛga á ɓatoɓeigi-phɛ́a na ɓagbɛga ɓɔbu á ka ntua, ɓákeni phɔtɔ ɗigimisa gea, nɛɔyɔnga ɗoni. Nga, ɓɔ ɓáunge ɗáɓámopi ɓaoɓa ndea ɓadasu Ɓayúda ɓundɔ á ka Damasíki gea, néedungɛ ɓaɓêki ndɔ, nébikɛ na ɓɔ ka Yɛusalɛ́ma k'aphe á ɓinda aɓɔ.

Ekuma á ɓateki 6:6

Ɓáǒbisa mosá á ɓateki, ɓateki ɓáǒbisia njaga, ɓáɔmɛma Mokonga ka nyɔngɔ aɓɔ.

Ekuma á ɓateki 8:17

Pɛ́tɛɛ na Yoáni ɗáɓábisi njaga gǔ aɓɔ, mpɔ ɓáoɓá na Měma á kanga ɓojeɗe.

1 Ɓatɛsalɔníka 5:19

Ɓókóimisiɛ mɔnɔ ekuma ndea Měma á kanga ɓojeɗe.

1 Timɔtɛ́ɔ 1:18

Cɔ, Timɔtɛ́ɔ, mukuamɔ ɓa ka měma, nekobisíí ɓɔphɛi ndɔ ɓíndɔ ɓaɔtu-nyɔngɔ ndea Mokonga ɗáɓáɔtu mosá ka phɔakɔ. Ambe nyɔngɔ nde ɗáɓáɔtu unge áɓɛ ɓukpɛkpɛ nɛkɔ suɓi á emani ánjá nde o kau,

1 Timɔtɛ́ɔ 4:15

Cɔ, bisa měma akɔ k'índɔ bui netóki ka yɔnga í, óyamea buakɔ k'ékuma nɛkɔ mpɔ, ɓakpa ɓáɔnande gea, ootútuisa ekuma.

1 Timɔtɛ́ɔ 5:17

Ambe ɓéɗokomisɛ ɓagbɛga íɓunde ɓáoamba kanisa ánjá mɔngɔ iɓɛ, a goto phɛɛ ka ɓunde ɓáɔphɛa na goisaga Nyɔngɔ á Mokonga.

1 Timɔtɛ́ɔ 5:19

Kóɓeekeɛmbɛ kitɔngi á ngbɛga akoɓa ɓakpa ɓaɓɛ kaɓɛ ɓasaɔ na ɓákáɗigimisi.

1 Timɔtɛ́ɔ 5:22

Nkpa aokonda ɓá mbɛɗanigi ka kanisa, kokamisɛgɛmbɛ bisa á njaga akɔ gǔ akɛ, kǒgamɛmbɛ ɓakpa ka ɓojeɗe nɛɓɔ. Oɓɛ sasakɔ, óamba kángá á ɓojeɗe.

1 Timɔtɛ́ɔ 6:12

Mǎna emani á ɓeekea ánjá, ódungia ka enda á mɛyɔ. Nga, ka nyɔngɔ índɔ unge Mokonga ɗákɔɔphani mbenɔ nde ɗóɓeeki. Bisa ɓeekea nɛkɔ base mosá á ɓaɗigimisi ɓásii.

2 Timɔtɛ́ɔ 1:6

Ka nyɔngɔ índɔ unge, nekokanisíí gea, kakamisa egabɔ nde Mokonga ɗákophi, mbenɔ nde ɗébisi njaga gǔ akɔ.