1 Timɔtɛ́ɔ 4:13 - Ɔngana á Kɛ̌kɛ

¹³ Suia tanga á Ɓuku á Mokonga mosá á ɓakpa, gbagisaga aɓɔ ka měma na goisaga aɓɔ, na ka ɓî ne kiɗiande.

1 Timɔtɛ́ɔ 4:13 Iomraidhean Croise

Yoáni 5:39

Ɓɔɔcɔca Ɓuku á Mokonga nga, ɓookanisia te, suɓi í, ana nyɔngɔ á enda á mɛyɔ. Cɔ, Ɓuku ndɔ ungɔ atooɗigimisa nyɔngɔ ani.

Ekuma á ɓateki 17:11

Bayúda á ka Bɛlɔ́ya, ɗáɓátú na měma ánjá kɔ̌nyɛ́nya Ɓayúda á ka Tɛsalɔníka. Ɗáɓáokonda phɛɛ ɔ́ka á nyɔngɔ á Mokonga. Esa bui, ɗáɓáokáɓa koɗoni suɓi á Ɓuku á Mokonga ka engekisa ɓɔphɛi ndea Pɔ́lɔ.

Ekuma á ɓateki 6:4

Ɓesu gǎkɛ, ɓeikande nɛsu k'ékuma á ɛmɛmi na phɛá á ɓakpa nyɔngɔ á Mokonga.»

Ɓalɔ́ma 12:8

Kaɓɛ n'ande ebigɔ á phɛá, áphɛɛ. Kaɓɛ n'ande ebigɔ á gaba, ágabɛ na měma á maseye, kaɓɛ n'ande ebigɔ á mamea á ɓakpa, áémameɛ na nténdé, kaɓɛ n'ande ebigɔ á taɓea ɓato á ɓuyɛnɛ, áétaɓeɛ na maseye.

1 Ɓakɔlítɔ 14:26

Cɔ, ɓaya, négeɛ ɓo? Mbenɔ nde ɓoodondanaga, nkpa moci aɔtɔka n'aembi, moci áɔphɛa, moci áɔɔ́tɔa kema á ɓɔsɔmɛa ndea Mokonga, moci áɔyɔnga ka ɛyɔngi nde nnaoúbukana, moci n'aoketia nyɔngɔ ndɔɔ. Nndɔ bui ágeanɛ ka mɔtisaga á ɓeekea ndea ɓato á ka kanisa.

1 Ɓakɔlítɔ 14:3

Nkpa nde a gǎkɛ ɔɔtɔa nyɔngɔ nde atóki ka Mokonga, aɔmɔtisaga ɓeekea ndea ɓakpa, gbagisaga á měma, na phɔngisa á měma aɓɔ.

1 Ɓakɔlítɔ 14:6

Cɔ, ɓaya, mbenɔ nde nejúande mɔtɛ-anu, nɛ̂ tɔ ɔyɔngaga na ɓenu ka ɛyɔngi nde nnaoúbukana, neɓande na kantíti ka ɓenu ka kema sina? Neɓande tɔ na kantíti ámbé nɛɔnɔ́tɔmia kema á ɓɔsɔmɛa ndea Mokonga, nyɔngɔ á úbapha, ɔtɔa á nyɔngɔ nde atóki ka Mokonga na ɓɔphɛi.

1 Timɔtɛ́ɔ 4:16

Cɔ, oɓɛ óenga sasakɔ, ka tambea akɔ na ɓɔphɛi nɛkɔ, ótétemanɛ kau. Nga, oogea ɓó, ǒamisande sasakɔ na amisa á ɓundɔ ɓáɔkɔɔ́ka.

1 Timɔtɛ́ɔ 4:6

Cɔ, kangoɗea á ɓadakɔ nyɔngɔ ndɔ base, oɓande mbɛɗanigi anjánjá ndea Kiísito Yéso, mmbé enda akɛ aoɓea nyɔngɔ á ɓeekea na ɓɔphɛi ánjá nde ɗótétemisi.

2 Timɔtɛ́ɔ 3:15

Goto, kpangá koniki akɔ, ooúba Ɓuku á Mokonga, nnde aɔtɔka n'akophi kɔɓɔɔngɛ ka gea te, óɓɛ na ɓoamia ka ɓeekea á Kiísito Yéso.

2 Timɔtɛ́ɔ 4:2

phɛá á Nyɔngɔ á Mokonga na ɓukpɛkpɛ, kaɓɛ mbenɔ ánjá, kaɓɛ mbenɔ ájeɗe. Kea á ɓojeɗe base, imisia, ɓá na měma á phiphia ka gbagisaga á měma á ɓakpa esa bui nde ɔɔphɛa.

Títɔ 2:15

Cɔ, ɓondɔ ungɔ akeni ógoisɛgɛ na gbagisaga á měma á ɓakpa na phekeaga aɓɔ na kɔkɔta nɛkɔ bui. Ambe nkpa kakɔɓɛnjiɛgɛmbɛ.