1 Timɔtɛ́ɔ 4:12 - Ɔngana á Kɛ̌kɛ

¹² Ambe nkpa kakɔɓɛnjiɛgɛmbɛ ka nyɔngɔ nde onde moganda. Óɓɛ ndiu mphangiɔ ka ɓaɓêki, ka ɛyɔngi akɔ, tambea akɔ, k'ékondi, ɓeekea, na ka enda akɔ ánjá.

1 Timɔtɛ́ɔ 4:12 Iomraidhean Croise

Matáyɔ 18:10

Cɔ, ɛ́ngɛphani! Ɓókomɓɛnjiɛgɛmbɛ ka ɓaniki ábɔbɔa ndɔɔ, ka nyɔngɔ nde, nenóngoɗi ɗoni gea, ɓamalaéka nɛɓɔ ɓá tɔ esa bui mosá á Abɛ na koba. [

1 Ɓakɔlítɔ 11:1

Cɔ, ɓeani tambea ani, ɓíndɔ neoɓea nnde á Kiísito.

Ɓaphilípi 4:8

Cɔ, ɓaya, ka sungiaga: akeni ɓóbisɛ kanisia anu ka kema bui ánjá, nnde akeni ɗokomisa í, á koɗoni, kángá ɓɔjɔɔkiɔ, nnde akeni ɓeekea í, nnde akeni beba í, na nnde á ɓɔngá.

1 Ɓatɛsalɔníka 1:6

Ɓenu phɔtɔ, ɗóɓoɓǐ tambea asu, n'índe á Mɔkɔta. Ɓô phɔtɔ oɓeekea ɓɔphɛi á Mbino-Ánjá ndɔ, nanga ɓî ɗóɓotambigi phɛɛ ka nyɔngɔ ndɔɔ. Ɗóɓotú ndiu na maseye á Měma á kanga ɓojeɗe.

1 Ɓatɛsalɔníka 2:10

Ɓonde ɓaɗigimisi nɛsu, na Mokonga phɔtɔ, ɓî tambea asu mosá anu ɓenu ɓaɓêki, ɗátú ánjá, kángá á ɓojeɗe, na kángá á kisɛki.

1 Timɔtɛ́ɔ 1:14

Eya, Mɔkɔta nɛsu aɓikisi phɛɛ ɓonjánja-ékondi nɛkɛ k'éme. Ɗámopi ɓeekea na ekondi nde atóki ka ɔngana ani na Kiísito.

2 Timɔtɛ́ɔ 2:15

Cɔ, oɓɛ ókakamisa ka gea óɓɛ mbɛɗanigi mmbé akeni mosá á Mokonga, mmbé kákuwɛku tanda na soni ka phɔa ekuma nɛkɛ. Ɓá ndiu mbɛɗanigi nde aɔphɛa ka koɗoni nyɔngɔ á ɗoni ndea Mokonga.

2 Timɔtɛ́ɔ 2:22

Timɔtɛ́ɔ, koɓɛmbɛ na mɔphɛ á koganda, káɓa ndiu koɗoni, ɓeekea, ekondi, ɓujɛjɛ kimoci na ɓunde ɓáokumia ina á Mɔkɔta na měma ánjá.

2 Timɔtɛ́ɔ 2:7

Ianaga phɔ́ nyɔngɔ nde nɛɔyɔnga nga, Mɔkɔta akophande ɓukpɛkpɛ á engekisa í bui.

Títɔ 2:15

Cɔ, ɓondɔ ungɔ akeni ógoisɛgɛ na gbagisaga á měma á ɓakpa na phekeaga aɓɔ na kɔkɔta nɛkɔ bui. Ambe nkpa kakɔɓɛnjiɛgɛmbɛ.

Títɔ 2:7

ka kema bui. Oɓɛ sasakɔ, óɓɛ mphangiɔ k'ékuma ánjá. Góisaga tɔ ɓɔphɛi á ɗoni, nnde akeni.

Yakɔ́ɓɔ 3:13

Cɔ, ani mmbé ande múbaphi na mɔɔngɛ sɔsɔɓɛ anu? Áphangiɛ ú ka tambea akɛ ánjá na k'ékuma nɛkɛ nnde aogea ka ɓɔphɔngɔ na kɔɓɔɔngɛ.

Yakɔ́ɓɔ 3:17

Kɔɓɔɔngɛ nde atóki gǎkɛ na koba, ande phɔ́ á ɗoni, a phɔtɔ na ɓujɛjɛ, ɓɔphɔngɔ, á ɔ́ka mɔphɛ á ɓakpa, atúmi na ngomi, aɔtɔtɔkisa ɓonjánja, nna n'oɓayɔ na maibe.

1 Pɛ́tɛɛ 5:3

Ɓókobɛɗaneɛgɛmbɛ kɔkɔta gǔ á ɓunde Mokonga ɗánóphi ka amba aɓɔ, ɓáni ndiu mphangiɔ ka ɓɔ.