1 Timɔtɛ́ɔ 4:10 - Ɔngana á Kɛ̌kɛ

¹⁰ Cɔ, kaɓɛ na ɓeotambaga na ɓeomana, ande ka gea, ɓebisi nseɓeɔ nɛsu ka Mokonga mmbé ana enda, mmbé ande Namisi á ɓakpa ɓɔbu na Namisi phɛɛ á ɓunde ɓáɓeeki.

1 Timɔtɛ́ɔ 4:10 Iomraidhean Croise

Matáyɔ 16:16

Simɔ́ni-Pɛ́tɛɛ áonsikisia: «Oɓɛ, onde Kiísito, Muna-Mokonga mmbé aoenda.»

Matáyɔ 27:43

Ɗáobisa měma akɛ ka Mokonga. Cɔ, kaɓɛ Mokonga n'ankondi ánamisɛ kɛ̌kɛnde! Nga, ɗági te: ‹Nende Muna-Mokonga.›»

Yoáni 1:29

Mama í, Yoáni áɔmɔna Yéso n'ambikíí, áogea: «Mmbé ande Muna-Mɔgɔgɔ ndea Mokonga. Yɛ aámbé aophúia ɓojeɗe á ka mokonda.

Yoáni 4:42

Ɓaɓêki ndɔ ɓáongoɗea nke ndɔ te: «Ɓékéɓeeki tɔ ka nyɔngɔ índe ɔsɔ́tɔ̌mi. A ndiu ka nyɔngɔ nde ɓɛɔ́ki nɛsu sisasu na ɓeoúba gea, mmbé ande Namisi á ɓato á ka mokonda ɗoni.»

Yoáni 5:24

Eya, nenóngoɗi ɗoni gea, mmbé aɔɔ́ka nyɔngɔ nɛmɔ na ɓeekea á mmbé amoteki, ana enda á mɛyɔ. Ɓákátenɛku nyɔngɔ nɛkɛ akpɛ nga, atingi ye kukuwa, áoɓá na enda.

1 Ɓakɔlítɔ 15:10

Ka nyɔngɔ á ɓonjánja-ékondi ndea Mokonga, ne ye gǎkɛ ɓíndɔ nekau. Ɓonjánja-ékondi nɛkɛ ndɔ, ɗákátú jǎi, ɗɛ́nɛbɛɗanigi phɛɛ kɔ̌nyɛ́nya ɓateki ɓunɛngbo ɓɔbu. Kɛ́bɛɗanigi gǎkɛ na ɓukpɛkpɛ ani, a ndiu ka ɓukpɛkpɛ á Mokonga, nnde a suɓi ani.

2 Ɓakɔlítɔ 1:10

Yɛ, ɗásoólokisi ka kukuwa na ɓeoúba gea, asoólokisande goto. Eya, ɓembisíí nseɓeɔ nɛsu nga, káɗeketeku amisa asu ka měma.

1 Timɔtɛ́ɔ 2:3

Nndɔ unge aánjá na amɓɔngɛi Mokonga, Namisi nɛsu.

1 Timɔtɛ́ɔ 2:4

Nga, yɛ akondi ɓakpa ɓɔbu ɓáamɛ ka měma, ɓáúbɛ ɗoni.

1 Timɔtɛ́ɔ 2:6

mmbé yɛ sasakɛ ɗábisi enda akɛ ka phɛ́a, ka nyɔngɔ á amisa á ɓakpa ɓɔbu. Nndɔ unge aɗigimisi ka mbenɔ nde Mokonga ɗábisi gea, akondi amisa á ɓakpa ɓɔbu.

1 Timɔtɛ́ɔ 3:15

Cɔ, ne gǎkɛ koiphia kángá kiɗia, ɓaoɓa nde aoengande ka tambea akɔ sɔsɔɓɛ ékombo ndea Mokonga. Ekombo ndɔ ande kanisa ndea Mokonga mmbé aoenda, ande ngeɔ na cina á ɗoni.

1 Timɔtɛ́ɔ 6:17

Óngoɗea ɓatɔi á ka mokonda á kɛ̌kɛnde gea, ɓákěbebɛmbɛ, phɔtɔ ɓákáseɓeɛmbɛ ɛtɔi nde nna koiphia ka ujukana. Ɓánseɓeɛ ndiu Mokonga mmbé aosópha kema bubui ka gea te, ɓéɓɛ na maseye ka phɔa í.

Ɓaɛbulanía 11:26

Ɗáúbi gea, tóndea akɛ ɓíndɔ ɗáɓántóndei Kiísito, ana ɓokambia ángbó phɛɛ kɔnyɛ́nya ɛtɔi bubui nde ɗátú ka Mísii nga, ɗáobisa mɔphɛ akɛ k'ophendɔ nde Mokonga amphendande.

Ɓaɛbulanía 13:13

Cɔ, ɓégɛ dondaneni na yɛ ka ngba-nji na ɓeekea gea ɓásɔjɔɔkisɛ ɓea yɛ

1 Pɛ́tɛɛ 1:21

Ka nyɔngɔ á Kiísito unge ɓomɓeeki Mokonga, mmbé ɗánjujúkisi ka kukuwa sɔsɔɓɛ á ɓasí na áomopha ɓoombia. Ka nyɔngɔ índɔ unge mɓeekeani Mokonga na bisa á nseɓeɔ nɛnu ka yɛ.

1 Yoáni 2:2

Nga, Yéso sasakɛ ɗěbisi ka phɛ́a ka gea, Mokonga áímɛ ɓojeɗe nɛsu. Nna tɔndɔ ɓojeɗe nɛsu sisasu, phɔtɔ nnde á ka mokonda bui.

1 Yoáni 4:14

Ɓesu, ɗɛ́ɓɛɔni na ɗigimisa gea, Abɛ ɗánteki Miki-mǒko nɛkɛ áɓɛ Namisi á mokonda.