1 Timɔtɛ́ɔ 4:1 - Ɔngana á Kɛ̌kɛ

¹ Cɔ, Měma á Mokonga ayɔngi base gea, ka mbenɔ á sungiaga, ɓakpa ɓunɛngbo ɓáɗeketande ɓeekea, ɓáǒɓea ɓaketi na ɓɔphɛi nɛɓɔ á mbɛa.

1 Timɔtɛ́ɔ 4:1 Iomraidhean Croise

Matáyɔ 18:7

Ngomi ee! Ka ɓato á ka mokonda, ka nyɔngɔ á ephiphi ɗanga-ɗanga nde aǒgusa ka ɓojeɗe. Ephiphi ájeɗe káukɛku kiɗiana, a ndiu ngomi ka nkpa nde aɔmɓɛtɛkisa na dakɛ.

Lóka 17:1

Yéso áǒngoɗea ɓagoigi nɛkɛ: «Aɓá tɔ na kema nde aǒɓotea ɓakpa ka gea ɓojeɗe. Cɔ, ande ngomi ka nkpa nde abisi kema á kau.

Yoáni 16:13

Mbenɔ nde yɛ Měma á ɗoni abikande, anɔsɔndɔɛande k'aphe á ɗoni bui. Káyɔngɛku ka kɔkɔta nɛkɛ sasakɛ, nyɔngɔ bui nde aɔ́kaeka mɔtɛ á Abɛ, a ndiu unge anɔtɔmiande. Anɔtɔmiande nyɔngɔ nde abikaeka.

Ekuma á ɓateki 13:2

Esa moci, ɓî ɗáɓáombeba Mɔkɔta, na ika kángá á eaga ka nyɔngɔ á mɛma á Mokonga, Měma á kanga ɓojeɗe áǒngoɗea te: «Óbisani Baanába na Saúlɔ ka mpɛphɛ. Nga, nɛ̌ɓɔphani k'ékuma.»

Ekuma á ɓateki 17:18

Ka ɓato á ubapha á ka nkíndí ndea Ɓaipikulíɔ na Ɓasitɔíkɔ, ɓáokpanga púa na Pɔ́lɔ. Ɓunɛngbo ɓáɔyɔnga gea: «Nto á eongo nde akondi yɔnga á kema sina?» Ɓuangbo goto: «A ɓea nkpa n'aɔtɔmiaga nyɔngɔ á ɓamokonga á mbɛa ɓunde ɓékéǒɓúba.» Ɗáɓáyɔngi ɓó nga, ɗáɓáɔmɔ́ka Pɔ́lɔ n'aɔtɔmiaga Mbino-Ánjá ndea Yéso na nyɔngɔ á jujúka á ɓasí ka kukuwa.

Ekuma á ɓateki 20:23

Měma á kanga ɓojeɗe amoengekisi ndiu gea, ka ntanga-nji bui mekakɔ na tambisaga aomoɓondea.

Ekuma á ɓateki 21:11

áosóbikia. Áɔbɛɗa angeɗe ndea Pɔ́lɔ, áǒɓóaga ně k'écinji na ka njaga, áogea: «Měma á kanga ɓojeɗe agi ɓe: Ɓende unge Ɓayúda á ka Yɛusalɛ́ma ɓámɓóagande mɛna-angeɗe ndee, ɓáombisa ka njaga á ɓakpa nde ɓáná Ɓayúda.»

Ekuma á ɓateki 28:25

Ɓî ɗáɓáotóka wa kángá á ɔ́kana sɔsɔɓɛ aɓɔ, Pɔ́lɔ â tɔ ɔyɔnga ka ɔkɔa aɓɔ te: «Měma á kanga ɓojeɗe ɗági tɔ ánjá ka tɔ̌mia ɓatatanu k'aphe ndea Isáya mɔtu-nyɔngɔ ndea Mokonga.

1 Ɓakɔlítɔ 10:20

Nna ye kema. Ne engekisi gǎkɛ gea, ɓakpa nde ɓákámɓeeki Yéso ɓáɔphɛ́a nyama ka ɓaketi, nna ndiu ka Mokonga. Kékóndi gǎkɛ ɓóɓɛ kimoci na ɓaketi.

1 Ɓakɔlítɔ 11:19

(Eya, akeni katanaga áɓɛ sɔsɔɓɛ anu ka gea, ɓakiísito á ɗoni ɓáɔnɛkanɛ sɔsɔɓɛ anu.)

1 Ɓakɔlítɔ 12:11

Cina á ɓukpɛkpɛ ndɔ bubui atóki ka Měma ndɔ a tɔ mo. Yɛ aámbé aongabea nkpa na nkpa egabɔ ndɔ ɓíndɔ akondi.

1 Ɓakɔlítɔ 2:10

Cɔ, Mokonga ɗásóphangi gǎkɛ base nyɔngɔ á ɓɔsɔmɛa ndɔ ka ɓukpɛkpɛ á Měma akɛ. Nga, Měma ndɔ aunge aokáɓa cina á nyɔngɔ bui, nanga áɓá kema nde ɛ̌sɔmɛani phɛɛ suɓi á Mokonga.

2 Ɓakɔlítɔ 11:3

Ne gǎkɛ oɓánga gea, ɓákanódemɛgɛmbɛ, ka ɗeketisa anu kanisia anu na ɓeekea nɛnu á ɗoni, ɓíndɔ Nketi ɗángí suɓi á njɔka, áondemaga Áwa na maibe nɛkɛ.

Ɓakɔlɔsái 2:18

Ɓókǒɗeketeɛmbɛ ka gea, nkpa buakɛ átenɛ nyɔngɔ nɛnu akpɛ, mmbé aǒdemisaga gea ana měma édidisa na beba á ɓamalaéka. Ɓábisi phɔtɔ měma aɓɔ ka kema nde ɓáɔɔna ka mphaniɔ. Kanisia aɓɔ a tɔ á kokpa, nndɔ aǒɓopha ɓemboko.

2 Timɔtɛ́ɔ 3:13

Ɓato á ɓojeɗe na ɓademigi, ɓángiande ka ɓojeɗe phɛɛ, ɓáǒdema ɓakpa, ɓakpa ɓâ phɔtɔ ǒdema ɓó.

2 Timɔtɛ́ɔ 4:4

Ɓákáɓeekeɛku ɔ́ka á ɓɔphɛi á ɗoni ka kecue aɓɔ, ɓáépháiande ndiu ka ɔ́ka egani á mbɛa.

Yakɔ́ɓɔ 3:15

Nga, kɔɓɔɔngɛ ɓíndɔ, nnaotóka na koba. A ndiu á ka mokonda, á kokpa phɛɛ na á koketi.

1 Pɛ́tɛɛ 1:20

Mokonga ɗánsɔmbu mosá á conjá á mokonda, kɛ̌kɛnde amúbisi kanu base, ka mbenɔ á sungiaga á mokonda.

2 Pɛ́tɛɛ 2:1

Kala, ɓaɔtu-nyɔngɔ á mbɛa ɗáɓásɛnɛki ka ɔlɔ á Ɓaisilaɛ́li. A phɔtɔ ɓó unge ɓagoisigi á mbɛa ɓásɛnɛkande ka ɔlɔ anu. Ɓagoisigi á mbɛa ndɔ, ɓángisande ka ɓɔsɔmɛa ɓɔphɛi ájeɗe nde aoɓúngisaga na ka ɓî ɓán'yande Mɔkɔta nde ɗáetókisi ka kɔkɔɓɛ á ɓojeɗe. Kaɓondɔ, ɓáɓoteande otúkɔtúkɔ ka phɔaɓɔ kángá iphia.

2 Pɛ́tɛɛ 3:3

Úbani phɔtɔ gea, ka ɓ'esa á sungiaga, ɓakpa nde ɓáendande ka ɓeá á mɔphɛ nɛɓɔ sasaɓɔ ɓábikande. Ɓɔ, ɓánɔtɛbɛagande,

1 Yoáni 2:18

Ɓaniki amɔ, mbenɔ á sungiaga ungee. Ɗɔ́ɓɔɔ́ki gea te, Mɓiɓia á Kiísito aobika. Ɓaɓiɓia akɛ ɓá ye sɛnɛki ye tɔ ɓásii na ɓeúbi gea, ɓe ye tɔ ka mbenɔ á sungiaga.

1 Yoáni 4:6

Ɓesu gǎkɛ, ɓende ɓakpa ndea Mokonga. Nkpa nde aomúba yɛ, aɔsɔɔ́ka. Mmbé nna gǎkɛ nkpa ndea Mokonga, nnaɔsɔɔ́ka. K'índɔ unge ɓeoɗigimisa Měma á Mokonga ɗoni, na měma índe ana kisɛki.

Yúda 1:18

Ɗáɓánóngoɗi ɓe: «Ka mbenɔ á sungiaga, ɓakpa ɓánɔtɛbɛagande. Ɓáɓeande tambea ndɛaɓɔ ájeɗe.»

Yúda 1:4

Nenóɗundui ɓo nga, ɓakpa ɓájɛɗe ɓángí ka nkíndí anu ka ɓɔsɔmɛa. Ɓáoketia ka ɓojeɗe ɓonjánja-ékondi ndea Mokonga, ka gea ɓágbukumiɛ nyɔngɔ á iɛɓɛ nɛɓɔ. Ɓɔ, ɓáon'yá ngoisigi ndeasu mmbé a tɔ moci n'ande Mɔkɔta ndeasu Yéso Kiísito. Cɔ, Ɓuku á Mokonga ɗáyɔngi nyɔngɔ á tena nyɔngɔ ndeabɔ kala.

Mphaniɔ 13:14

Ka nyɔngɔ á ketangaɔ ángbó nnde ɗáɓámophi ka tɔtɔkisa í k'íso á nyama ndɔ ɓa k'ama mosá-mosá, áǒdema ɓato á ka mokonda gea, ɓáɓɔngisiɛgɛ tɔnkɛngɛ ka ɗokomisa á nyama ndɔ ɗáote na píndí na áoama.

Mphaniɔ 16:14

Ɓansombo ɓáunge ɓáɔtɔtɔkisa ketangaɔ. Ɓáoga mɔtɛ á ɓaamɛ á ka mokonda bui ka dondanisa aɓɔ ka nyɔngɔ á mana etu ángbó ndea Mokonga, Mɛna-ɓukpɛkpɛ.

Mphaniɔ 18:2

Áoúmba nkogɔ: «Abambongo-mbongo á Babɛli agú áosikia gúá. A ye tɔ ɔma á ɓoiki ndea ɓaketi ɓɔbu na ɓansombo. Ande phɔtɔ ɔma á ɓambǔ ɓɔbu á jɔɔkana na inyɛ́.

Mphaniɔ 18:23

Owanga á ɔbɛa kabɛnyɛeka ye mɔtɛ-akɔ. Ɓákáɔ́kɛeka ye mɔtɛ-akɔ, ɛsɔ á mǒko éyamani na mpakai nɛkɛ nga, ɓasombisigi nɛkɔ ɗáɓáombi ka mokonda phɛɛ. Ka nyɔngɔ á ɓiji-ɓiji nɛkɔ, ɗǒdemi ɓato á ka mokonda bui.»

Mphaniɔ 19:20

Ɓɔ, ɓâ gǎkɛ ondunga nyama ndɔ kimoci na mɔtu-nyɔngɔ á mbɛa mmbé ɗátɔtɔkisi ketangaɔ mosá akɛ, ka dema á ɓundɔ ɗáɓátú na mphangiɔ á nyama na ɗáɓáogbúka muanku aɓo mosá á tɔnkɛngɛ akɛ. Nyama, na mɔtu-nyɔngɔ á mbɛa, ɓáǒmaka suɓi á ɛɛmbɛ á nsa na ɓáoenda.

Mphaniɔ 2:11

Cɔ, mmbé ana kecue, áɔ́kɛ nyɔngɔ nde Měma á kanga ɓojeɗe angoɗi kanisa bui! Mmbé akíndande, kákuwɛku ye ka mɔngɔ á ko iɓɛ.

Mphaniɔ 2:17

Cɔ, mmbé ana kecue, áɔ́kɛ nyɔngɔ nde Měma á Mokonga angoɗi kanisa bui! Mmbé akíndande, nemophande mana nde ɗɛ́sɔmi. Nemophande phɔtɔ ɛtɛ ábu, na neɗundu ina á kɛ̌kɛ gǔ í, nnde nkpa ɓaangbo nnaoúba na nna tɔndɔ mmbé ɓámophi ú.

Mphaniɔ 2:29

Cɔ, mmbé ana kecue, áɔ́kɛ nyɔngɔ nde Měma á Mokonga angoɗi kanisa bui.

Mphaniɔ 2:7

Cɔ, mmbé ana kecue, áɔ́kɛ nyɔngɔ nde Měma á Mokonga angoɗi kanisa bui. Mmbé akíndande, nensoseande gea, áeɛ mbuka á me á enda, nnde a ka Paadísɔ ndea Mokonga.

Mphaniɔ 20:10

Mpɔ, nketi mmbé ɗáedemigi, ɓáommaka k'ɛɛmbɛ á nsa kuɓî ɗáɓáemaki nyama na mɔtu-nyɔngɔ á mbɛa. Ɓátambagande kó keiphe n'esa nkongopha na nkongopha.

Mphaniɔ 20:8

Yɛ, agande k'aphe á tombaga ɓakpa ɓunde ɓá nkɛkɛɔ gena á mokonda ande gea te: Gogi na Magogi. Aedondanisagande ɓakpa ndɔ ka nyɔngɔ émani na ɓáɓikande ɓea mbúme á k'óɓenge.

Mphaniɔ 3:13

Mmbé ana kecue, áɔ́kɛ nyɔngɔ nde Měma á Mokonga angoɗi kanisa bui.

Mphaniɔ 3:22

Cɔ, mmbé ana kecue, áɔ́kɛ nyɔngɔ nde Měma á Mokonga angoɗi kanisa bui.»

Mphaniɔ 3:6

Cɔ, mmbé ana kecue, áɔ́kɛ nyɔngɔ nde Měma á Mokonga angoɗi kanisa bui!

Mphaniɔ 9:20

Cɔ, ɓakpa nde ɗáɓákáku ka nyɔngɔ á tambaga ndɔ, ɗáɓákáɗeketi gǎkɛ ɗokomisa á ɓansombo, na ɗokomisa á ɓamokonga á mbɛa nnde ɓáɓɔngisigi ɓɔ sasaɓɔ na láté, ngɔa, nsoɓe, ɛtɛ, na me, nnde nnaɔɔnapha, nnaɔɔ́kapha, nnaotamba.